20

കോട്ടയം: പൂഞ്ഞാർ തെക്കേക്കര ഗ്രാമപഞ്ചായത്തിൽ വീടിന് മുകളിലേക്ക് മണ്ണ് ഇടിഞ്ഞുവീണ് ഗൃഹനാഥൻ മരിച്ചു. പെരിങ്ങുളം ഉറവപ്ലാവിൽ ചേലകാട്ട് വീട്ടിൽ ജോസഫ് (അപ്പച്ചൻ - 80) ആണ് മരിച്ചത്.

അപകടസമയത്ത് വീടിനുള്ളിലുണ്ടായിരുന്ന ജോസഫിന്‍റെ മക്കളായ ജിമ്മി (36), ഡെന്നീസ് (32) എന്നിവരെ പരിക്കുകളോടെ രക്ഷപ്പെടുത്തി.

ശക്തമായ മഴയും പ്രദേശത്ത് വൈദ്യുതി ഇല്ലാതിരുന്നതും രക്ഷാപ്രവർത്തനങ്ങൾക്ക് തടസമായി. തൊട്ടടുത്ത വീട്ടിൽ താമസിച്ചിരുന്ന മണിയൻകല്ലേൽ ജോസഫും ഭാര്യ കുഞ്ഞുഞ്ഞുമ്മയും അത്ഭുതകരമായി പരിക്കുകളൊന്നുമില്ലാതെ രക്ഷപ്പെട്ടു.

എന്നാൽ ശക്തമായ മണ്ണിടിച്ചിലിനെ തുടർന്ന് ഈ പ്രദേശത്തെ രണ്ട് വീടുകളും പൂർണമായി ഒറ്റപ്പെട്ട നിലയിലാണ്.

Tags : Landslide Collapsed Deepika DeepikaNewspaper BreakingNews NewsUpdate Headlines CurrentAffairs