15

മൂ​വാ​റ്റു​പു​ഴ: മാ​റാ​ടി പ​ഞ്ചാ​യ​ത്തി​ലെ അ​ഞ്ചാം വാ​ർ​ഡാ​യ അ​വ​റാ​ച്ച​ൻ ഉ​ന്ന​തി​യി​ൽ പു​തി​യ ക​ള്ളു​ഷാ​പ്പ് തു​റ​ക്കു​ന്ന​തി​നെ​തി​രെ മു​ഖ്യ​മ​ന്ത്രി​ക്ക് ക​ത്ത​യ​ച്ച് അ​ഞ്ചാം ക്ലാ​സു​കാ​രി. മൂ​വാ​റ്റു​പു​ഴ നി​ർ​മ​ല ഹ​യ​ർ സെ​ക്ക​ൻ​ഡ​റി സ്കൂ​ൾ വി​ദ്യാ​ർ​ഥിനി​യാ​യ ഇ​വാ​നി​യ മ​രി​യ സ​ജേ​ഷാ​ണ് നാ​ട്ടു​കാ​രു​ടെ ജ​ന​കീ​യ സ​മ​ര​ത്തി​ന് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് മു​ഖ്യ​മ​ന്ത്രി വി.ഡി.സതീശന് ക​ത്തെ​ഴു​തി​യ​ത്.

അ​ന്പതി​ല​ധി​കം കു​ട്ടി​ക​ൾ വൈ​കു​ന്നേ​ര​ങ്ങ​ളി​ൽ ഓ​ടി​ക്ക​ളി​ച്ചു വ​ള​രു​ന്ന പ്ര​ദേ​ശ​ത്താ​ണ് ഇ​പ്പോ​ൾ ക​ള്ളു​ഷാ​പ്പ് തു​ട​ങ്ങാ​ൻ അ​ധി​കൃ​ത​ർ അ​നു​മ​തി ന​ൽ​കി​യി​രി​ക്കു​ന്ന​തെ​ന്ന് ഇ​വാ​നി​യ ക​ത്തി​ൽ ചൂ​ണ്ടി​ക്കാ​ണി​ക്കു​ന്നു. ഷാ​പ്പി​നെ​തി​രെ ക​ഴി​ഞ്ഞ കു​റ​ച്ചു ദി​വ​സ​ങ്ങ​ളാ​യി പ്ര​ദേ​ശ​വാ​സി​ക​ളും കു​ട്ടി​ക​ളു​ടെ മാ​താ​പി​താ​ക്ക​ളും ചേ​ർ​ന്ന് വ​ലി​യ സ​മ​ര​ത്തി​ലാ​ണ്. ക​ഴി​ഞ്ഞ ദി​വ​സം സ്കൂ​ളി​ൽ ക്ലാ​സി​ല്ലാ​തി​രു​ന്ന​തി​നാ​ൽ ത​ങ്ങ​ളും സ​മ​ര​പ്പ​ന്ത​ലി​ൽ പോ​യി​രു​ന്നു​വെ​ന്ന് ക​ത്തി​ൽ പ​റ​യു​ന്നു.

എന്നാ​ൽ അ​വി​ടെ പോ​ലീ​സും ക​ള്ളു​ഷാ​പ്പു​കാ​രു​ടെ ആ​ളു​ക​ളും നാ​ട്ടു​കാ​രും ത​മ്മി​ൽ വ​ലി​യ സം​ഘ​ർ​ഷ​മാ​ണ് ഉ​ണ്ടാ​യ​ത്. ഇ​ത് ക​ണ്ട് ത​ങ്ങ​ളെ​ല്ലാം വ​ല്ലാ​തെ ഭ​യ​ന്നു​പോ​യെ​ന്നും കു​ട്ടി മു​ഖ്യ​മ​ന്ത്രി​യെ അറിയിച്ചു.

'സ‍​ർ, ക​ള്ളു​ഷാ​പ്പ് ഇ​വി​ടെ​നി​ന്നും മാ​റ്റി​ത്ത​രു​വാ​ൻ വേ​ണ്ട ന​ട​പ​ടി​ക​ൾ ചെ​യ്യ​ണ​മെ​ന്ന് അ​പേ​ക്ഷി​ക്കു​ക​യാ​ണ്. അ​ങ്ങേ​യ്ക്ക് മാ​ത്ര​മേ ഞ​ങ്ങ​ളെ സ​ഹാ​യി​ക്കാ​ൻ ക​ഴി​യൂ എ​ന്ന് വി​ശ്വ​സി​ച്ചു​കൊ​ണ്ടാ​ണ് ക​ത്ത് എ​ഴു​തു​ന്ന​ത്.

അ​ങ്ങ് ഇ​തി​നൊ​രു പ​രി​ഹാ​രം ഉ​ണ്ടാ​ക്കി​ത്ത​രു​മെ​ന്ന് ആ​ത്മാ​ർ​ത്ഥ​മാ​യി ഞാ​ൻ വി​ശ്വ​സി​ക്കു​ന്നു," എ​ന്ന വൈ​കാ​രി​ക​മാ​യ വ​രി​ക​ളോ​ടെ​യാ​ണ് ഇ​വാ​നി​യ ക​ത്ത് അ​വ​സാ​നി​പ്പി​ക്കു​ന്ന​ത്. പ്ര​ദേ​ശ​ത്ത് ജ​ന​കീ​യ സ​മി​തി​യു​ടെ സ​മ​രം ശ​ക്ത​മാ​യി തു​ട​രു​ന്ന​തി​നി​ട​യി​ലാ​ണ് മുഖ്യമന്ത്രിയുടെ ശ്ര​ദ്ധ ക്ഷ​ണി​ച്ചു​കൊ​ണ്ട് അ​ഞ്ചാം ക്ലാ​സു​കാ​രി​ കത്തയച്ചത്.

Tags : Toddy Shop Student Protest VDSatheesan Deepika DeepikaNewspaper NewsUpdate Headlines CurrentAffairs   NewsFlash