പെരിന്തൽമണ്ണ: വേങ്ങൂർ എംഇഎ എൻജിനീയറിംഗ് കോളജ് വിദ്യാർഥികളുടെ നേതൃത്വത്തിൽ നടത്തിയ സമൂഹവിവാഹം "മെഹർ-24'ൽവച്ച് ഒന്പത് യുവതി-യുവാക്കൾ കൂടി വിവാഹ ജീവിതത്തിലേക്ക് പ്രവേശിച്ചു. 2016ൽ തുടക്കം കുറിച്ച മെഹറിൽ ഇതുവരെ നാല് കോടിയോളം രൂപ ചെലവഴിച്ചു 73 യുവതി -യുവാക്കളുടെ വിവാഹം കോളജിൽ വെച്ചും 100 ഓളം വിവാഹങ്ങൾക്ക് സഹായം നൽകാനും വിദ്യാർഥികൾക്ക് കഴിഞ്ഞിട്ടുണ്ട് .
കോളജിലെ അവസാന വർഷ വിദ്യാർഥികളുടെ നേതൃത്വത്തിൽ കോളജിലെ മറ്റു വിദ്യാർഥികളും പൂർവ വിദ്യാർഥികളും അധ്യാപകരും മാനേജ്മെന്റും സഹകരിച്ചുകൊണ്ടാണ് വിവാഹങ്ങൾ നടത്തിയത്. കോളജ് ഓഡിറ്റോറിയത്തിൽ വച്ച് നടന്ന "മെഹർ -24 ' സയ്യിദ് സാദിഖ്അലി ശിഹാബ് തങ്ങൾ ഉദ്ഘാടനം ചെയ്തു . പ്രൊഫ. ആബിദ് ഹുസൈൻ തങ്ങൾ എംഎൽഎ അധ്യക്ഷത വഹിച്ചു. പി. അബ്ദുൽ ഹമീദ് എംഎൽഎ സ്വാഗതം പറഞ്ഞു. ഇ.ടി. മുഹമ്മദ് ബഷീർ മുഖ്യ പ്രഭാഷണം നടത്തി. അബ്ദുസമദ് പൂക്കോട്ടൂർ മെഹർ സന്ദേശം നൽകി.
പി.എം.എസലാം , അഡ്വ എൻ. സൂപ്പി , ശരീഫ് കുറ്റൂർ , പി.കെ നവാസ് , അഡ്വ . കരീം ചേലേരി തുടങ്ങിയവർ സംസാരിച്ചു. സയ്യിദ് സാദിഖ്അലി ശിഹാബ് തങ്ങൾ , സയ്യിദ് അബ്ബാസലി തങ്ങൾ , ഒ.എം.എസ്. തങ്ങൾ , മൊയ്ദീൻ ഫൈസി പുത്തനഴി , ഇബ്രാഹിം ഫൈസി തിരൂർക്കാട് എന്നിവർ നികാഹ് കർമത്തിന് നേതൃത്വം നൽകി. മാനേജർ സി.കെ. സുബൈർ , പ്രിൻസിപ്പൽ ഡോ. ജി.രമേശ് , വൈസ് പ്രിൻസിപ്പൽ ഹനീഷ് ബാബു, സ്റ്റാഫ് കോഓർഡിനേറ്റർമാരായ മുഹമ്മദ് സ്വാലിഹ് , വി.പി. ശംസുദ്ദീൻ, ഹസനത് , സാഹിറ, ഷമീം , സ്റ്റുഡന്റ് കോർഡിനേറ്റർമാരായ റിഷിൽ മുഹമ്മദ് , സൽമാൻ മുല്ലപ്പള്ളി , ഫൈറൂസ് മുഹമ്മദ് , ഷഹീൻ അബ്ദുസ്സലാം എന്നിവർ പങ്കെടുത്തു.