വ്യ​വ​സ്ഥാ​പി​ത​മാ​യ ഭ​ര​ണ​വ്യ​വ​സ്ഥ​യ്ക്കു മാ​ത്ര​മേ മാ​ന​വി​ക​ത സം​ര​ക്ഷി​ക്കാ​നാ​കൂ: മാ​ര്‍ ജോ​സ​ഫ് പാം​പ്ലാ​നി
Monday, May 6, 2024 3:57 AM IST
റാ​ന്നി: വ്യ​വ​സ്ഥാ​പി​ത​മാ​യ ഭ​ര​ണ​വ്യ​വ​സ്ഥ​യ്ക്കു മാ​ത്ര​മേ മാ​ന​വി​ക​ത സം​ര​ക്ഷി​ക്കാ​നാ​കൂ​വെ​ന്നു ത​ല​ശേ​രി അ​തി​രൂ​പ​താ​ധ്യ​ക്ഷ​ന്‍ ആ​ര്‍​ച്ച്ബി​ഷ​പ് മാ​ര്‍ ജോ​സ​ഫ് പാം​പ്ലാ​നി. മാ​ര്‍​ത്തോ​മ്മ സ​ഭ​യു​ടെ നേ​തൃ​ത്വ​ത്തി​ല്‍ റാ​ന്നി ക്രി​സ്തോ​സ് മാ​ര്‍​ത്തോ​മ്മ പ​ള്ളി​യി​ല്‍ ഡോ. ​ഫി​ലി​പ്പോ​സ് മാ​ര്‍ ക്രി​സോ​സ്റ്റം അ​നു​സ്മ​ര​ണ പ്ര​ഭാ​ഷ​ണം നി​ര്‍​വ​ഹി​ക്കു​ക​യാ​യി​രു​ന്നു അ​ദ്ദേ​ഹം.

മാ​ന​വി​ക​ത​യി​ലൂ​ന്നി​യ ധ​ര്‍​മ​സം​ഹി​ത​യാ​ണ് സു​വി​ശേ​ഷ മൂ​ല്യ​ങ്ങ​ള്‍. ഭാ​ര​ത​ത്തി​ന്‍റെ ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന​തും ഇ​തേ മൂ​ല്യ​ങ്ങ​ളാ​ണ്. ക്രി​സ്തീ​യ​ത മു​റു​കെ പി​ടി​ക്കു​ന്ന മ​നു​ഷ്യ​ത്വം ആ​ർ​ജി​ക്കു​ക​യും പ​ക​ര്‍​ന്നു കൊ​ടു​ക്കു​ക​യും ചെ​യ്യു​ക​യെ​ന്ന​താ​ണ് ഭാ​ര​ത ഭ​ര​ണ​ഘ​ട​ന​യും ല​ക്ഷ്യം വ​യ്ക്കു​ന്ന​ത്. ദൈ​വ​ച്ഛാ​യ​യി​ല്‍ സൃ​ഷ്ടി​ക്ക​പ്പെ​ട്ട മ​നു​ഷ്യ​ന്‍റെ ഒ​ത്തൊ​രു​മ​യി​ലൂ​ടെ വ​ള​ര്‍​ന്നു​വ​രു​ന്ന മാ​ന​വി​ക​ത​യാ​ണ് മാ​ര്‍ ക്രി​സോ​സ്റ്റം വ​ലി​യ മെ​ത്രാ​പ്പോ​ലീ​ത്ത ല​ക്ഷ്യം​വ​ച്ച​ത്.

ജ​നാ​ധി​പ​ത്യ വ്യ​വ​സ്ഥി​തി​ക്കു​ള്ളി​ല്‍ നി​ല്‍​ക്കു​ന്ന ഭ​ര​ണ​സം​വി​ധാ​ന​ത്തി​നു മാ​ത്ര​മേ ജ​നാ​ധി​പ​ത്യ​ത്തെ ശ​ക്തി​പ്പെ​ടു​ത്താ​നാ​കൂ​വെ​ന്ന് ആ​ര്‍​ച്ച്ബി​ഷ​പ് അ​ഭി​പ്രാ​യ​പ്പെ​ട്ടു. എ​ന്നാ​ല്‍, ഭൂ​രി​പ​ക്ഷ​മു​ണ്ടെ​ന്ന പേ​രി​ല്‍ അ​ധാ​ര്‍​മി​ക​ത​യെ അം​ഗീ​ക​രി​ക്കു​ക​യും അ​ടി​ച്ചേ​ല്പി​ക്കു​ക​യും ചെ​യ്യു​ന്ന സ​മീ​പ​നം രാ​ജ്യ​ത്തു നി​ല​നി​ന്നു​വ​ന്ന വ്യ​വ​സ്ഥാ​പി​ത ഭ​ര​ണ​സം​വി​ധാ​ന​ത്തി​ന് എ​തി​രാ​ണ്. ഭ​ര​ണ​ഘ​ട​നാ​പ​ര​മാ​യും നി​യ​മ​സം​ഹി​ത​യി​ലൂ​ന്നി​യ​തു​മാ​യ ഒ​രു ഭ​ര​ണ​ക്ര​മ​മാ​ണ് ഭാ​ര​ത​ത്തി​ല്‍ അ​നു​വ​ര്‍​ത്തി​ച്ചു​വ​ന്നി​രു​ന്ന​ത്.

ഇ​തി​നെ അ​ട്ടി​മ​റി​ക്കാ​നു​ള്ള ശ്ര​മ​ങ്ങ​ളാ​ണ് ഇ​പ്പോ​ള്‍ ന​ട​ക്കു​ന്ന​ത്. എ​ല്ലാ മേ​ഖ​ല​യി​ലും ജ​നാ​ധി​പ​ത്യം പ​ണാ​ധി​പ​ത്യ​ത്തി​നു കീ​ഴ​ട​ങ്ങു​ക​യാ​ണെ​ന്ന് മാ​ര്‍ പാം​പ്ലാ​നി ചൂ​ണ്ടി​ക്കാ​ട്ടി. രാ​ജ്യ​ത്തി​ന്‍റെ അ​ടി​സ്ഥാ​ന ത​ത്വ​ങ്ങ​ളെ​യും ദേ​ശീ​യ​ത​യെ​യും വി​സ്മ​രി​ക്ക​രു​ത്.

ഗാ​ന്ധി​യ​ന്‍ സെ​ക്കു​ല​റി​സ​മാ​ണ് ന​മ്മു​ടെ രാ​ജ്യ​ത്തി​ന്‍റെ ശ​ക്തി. ഇ​ന്നി​പ്പോ​ള്‍ സെ​ക്കു​ല​റി​സം എ​ന്ന പ​ദം​ത​ന്നെ ഏ​റ്റ​വു​മ​ധി​കം വ്യ​ഭി​ച​രി​ക്ക​പ്പെ​ടു​ന്നു. കൂ​ട്ടാ​യ്മ​യു​ടെ പി​ന്‍​ബ​ലം ന​മു​ക്കു ന​ഷ്ട​പ്പെ​ട്ടു​കൂ​ട. എ​ന്നാ​ല്‍, രാ​ജ്യം വി​ട്ടോ​ടു​ന്ന മ​നു​ഷ്യ​രെ​യാ​ണ് ഇ​ന്ന് ന​മു​ക്കു ചു​റ്റും കാ​ണു​ന്ന​ത്. കു​ടി​യേ​റ്റ​ത്തെ എ​ന്നും ഇ​ഷ്ട​പ്പെ​ട്ടി​രു​ന്ന ക്രൈ​സ്ത​വ കു​ടും​ബ​ങ്ങ​ളി​ല്‍ മാ​താ​പി​താ​ക്ക​ള്‍ മാ​ത്ര​മാ​യി അ​വ​ശേ​ഷി​ക്കു​ന്നു.

രാ​ജ്യ​ത്തി​ന്‍റെ യാ​ഥാ​ര്‍​ഥ്യ​ങ്ങ​ളോ​ടു പ്ര​തി​ക​രി​ക്കാ​ന്‍ ക​ഴി​യാ​ത്ത ഒ​രു ത​ല​മു​റ വ​ള​ര്‍​ന്നു​വ​രി​ക​യാ​ണ്. സാ​മ്പ​ത്തി​ക സ്ഥി​തി മെ​ച്ച​പ്പെ​ടു​ത്താ​ന്‍ വേ​ണ്ടി മ​നു​ഷ്യ​ത്വ​ത്തി​ന്‍റെ പ്ര​സ​ക്തി ത​ന്നെ ന​ഷ്ട​പ്പെ​ടു​ത്തു​ന്ന​തി​നോ​ടു യോ​ജി​ക്കാ​നാ​കി​ല്ല. ഭ​യ​പ്പെ​ട്ടു പി​ന്‍​മാ​റു​ക​യ​ല്ല വേ​ണ്ട​ത്. നി​ര​ന്ത​ര​മാ​യ സം​ഭാ​ഷ​ണ​ങ്ങ​ള്‍ ന​ട​ക്ക​ണം. എ​ല്ലാ​റ്റി​നെ​യും ഉ​ള്‍​ക്കൊ​ള്ളാ​ന്‍ ക​ഴി​യു​ന്ന​താ​ണ് ക്രൈ​സ്ത​വ ചി​ന്ത​ക​ളെ​ന്നും മാ​ര്‍ ജോ​സ​ഫ് പാം​പ്ലാ​നി പ​റ​ഞ്ഞു.

ഡോ. ​ജോ​സ​ഫ് മാ​ര്‍ ബ​ര്‍​ണ​ബാ​സ് സ​ഫ്ര​ഗ​ന്‍ മെ​ത്രാ​പ്പോ​ലീ​ത്ത അ​ധ്യ​ക്ഷ​ത വ​ഹി​ച്ചു. ഡോ. ​തി​യ​ഡോ​ഷ്യ​സ് മാ​ര്‍​ത്തോ​മ്മ മെ​ത്രാ​പ്പോ​ലീ​ത്ത സ​ന്ദേ​ശം ന​ല്‍​കി.

ഡോ. ​തോ​മ​സ് മാ​ര്‍ തീ​ത്തോ​സ് എ​പ്പി​സ്‌​കോ​പ്പ, സ​ഭാ സെ​ക്ര​ട്ട​റി റ​വ. എ​ബി ടി. ​മാ​മ്മ​ന്‍, വൈ​ദി​ക ട്ര​സ്റ്റി റ​വ. ഡേ​വി​ഡ് ദാ​നി​യേ​ല്‍, അ​ല്മാ​യ ട്ര​സ്റ്റി അ​ന്‍​സി​ല്‍ സ​ഖ​റി​യ, സീ​നി​യ​ര്‍ വി​കാ​രി ജ​ന​റാ​ള്‍ റ​വ. ജോ​ര്‍​ജ് മാ​ത്യു, ഭ​ദ്രാ​സ​ന സെ​ക്ര​ട്ട​റി റ​വ. തോ​മ​സ് കോ​ശി പ​ന​ച്ച​മൂ​ട്ടി​ല്‍ തു​ട​ങ്ങി​യ​വ​ര്‍ പ്ര​സം​ഗി​ച്ചു.

Copyright @ 2022 , Rashtra Deepika Ltd.