ചങ്ങനാശേരി: എന്‍എസ്എസ് ചങ്ങനാശേരി താലൂക്ക് യൂണിയന്‍ പ്രസിഡന്‍റായി ആറാം തവണയും ഹരികുമാര്‍ കോയിക്കലിനെ തെരഞ്ഞെടുത്തു. വൈസ് പ്രസിഡന്‍റായി എന്‍എസ്എസ് ജനറല്‍സെക്രട്ടറി ജി. സുകുമാരന്‍ നായരുടെ മകന്‍ എസ്. സുരേഷ്‌കുമാര്‍ വാഴപ്പള്ളിയും എതിരില്ലാതെ തെരഞ്ഞെടുക്കപ്പെട്ടു.
എന്‍എസ്എസ് കരയോഗം അസി. റജിസ്ട്രാര്‍ വി. ഉണ്ണിക്കൃഷ്ണന്‍ വരണാധികാരിയായി നടന്ന തെരഞ്ഞെടുപ്പില്‍ എം. ശ്രീകുമാര്‍ തുരുത്തി പഞ്ചായത്ത് കമ്മിറ്റി പ്രസിഡന്‍റ് സ്ഥാനത്തേക്കും, കമ്മിറ്റി അംഗങ്ങളായി രാജ്‌മോഹന്‍ കടയനിക്കാട്, കെ.ജി. ഗോപാലകൃഷ്ണപിള്ള ഏറത്തുവടകര,
പി.ജി. ഹരിദാസ് പിള്ള പത്തനാട്, പി.എന്‍. സോമനാഥന്‍ നായര്‍ കറുകച്ചാല്‍, അശോക് കുമാര്‍ ചമ്പക്കര, വിവേക് എം. കുറുപ്പ് പാലമറ്റം, എസ്.വിനോദ്കുമാര്‍ വാകത്താനം, പി.കെ. സദാശിവന്‍ പരിയാരം, കെ.എന്‍. അജിത്കുമാര്‍ വെന്നിമല, എസ്. മഹേന്ദ്രന്‍ പുഴവാത്, മറ്റപ്പള്ളി ശിവശങ്കരപ്പിള്ള മഞ്ചാടിക്കര, എസ്. ജയകുമാര്‍ തൃക്കൊടിത്താനം, ടി.എസ്. ബാലചന്ദ്രന്‍ മാടപ്പള്ളി എന്നിവരും തെരഞ്ഞെടുക്കപ്പെട്ടു.
യോഗത്തില്‍ എന്‍എസ്എസ് കരയോഗം റജിസ്ട്രാര്‍ വി.വി. ശശിധരന്‍ നായര്‍, എന്‍എസ്എസ് ഹിന്ദു കോളജ് പ്രിന്‍സിപ്പല്‍ ഡോ. എസ്. സുജാത, യൂണിയന്‍ കെ.എന്‍. സുരേഷ്‌കുമാര്‍ എന്നിവര്‍ പ്രസംഗിച്ചു.