‘റെ​യി​ൽ​വേ അ​ധി​കാ​രി​ക​ളു​ടെ ശ്ര​ദ്ധ​യ്ക്ക്... ഞ​ങ്ങ​ളു​ടെ വ​ഴി​മു​ട​ക്ക​രു​ത് ’
Friday, April 26, 2024 1:53 AM IST
ഒറ്റ​പ്പാ​ലം: എ​റ​ക്കോ​ട്ടി​രി​ക്കാ​ർ റെ​യി​ൽ​വേ​യോ​ട് പ​റ​യു​ന്നു.... സ​ഞ്ചാ​ര​സ്വാ​ത​ന്ത്ര്യം നി​ഷേ​ധി​ക്ക​രു​ത്. എ​റ​ക്കോ​ട്ടി​രി​യി​ൽ ഭാ​ര​ത​പ്പു​ഴ​യ്ക്കും റെ​യി​ൽ​വേ ലൈ​നി​നും മ​ധ്യേ താ​മ​സി​ക്കു​ന്ന നി​ര​വ​ധി കു​ടും​ബ​ങ്ങ​ളും ക​ർ​ഷ​ക​രു​മാ​ണ് സ​ഞ്ചാ​ര​മാ​ർ​ഗം നി​ഷേ​ധി​ക്ക​പ്പെ​ടു​മെ​ന്ന ആ​ശ​ങ്ക​യി​ൽ ക​ഴി​യു​ന്ന​ത്.

ട്രെയിനുക​ളു​ടെ വേ​ഗം വ​ർ​ധി​ച്ച​തി​നാ​ൽ സു​ര​ക്ഷ ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യി വ​ഴി കൊ​ട്ടി​യ​ട​യ്‌​ക്കു​മെ​ന്ന വി​വ​ര​മാ​ണ് പാ​ല​പ്പു​റം റെ​യി​ൽ​വേ​സ്റ്റേ​ഷ​ന്‍റെ സ​മീ​പ​മ​ട​ക്കം താ​മ​സി​ക്കു​ന്ന നൂ​റി​ലേ​റെ കു​ടും​ബ​ങ്ങ​ളെ ആ​ശ​ങ്ക​യി​ലാ​ക്കു​ന്ന​ത്. പ്ര​ദേ​ശ​ത്തെ കു​ടും​ബ​ങ്ങ​ൾ ന​ട​ക്കാ​നു​പ​യോ​ഗി​ച്ചി​രു​ന്ന അ​ഴു​ക്കു​ചാ​ലി​നു മു​ക​ളി​ലെ സ്ലാ​ബു​ക​ൾ എ​ടു​ത്തു​മാ​റ്റി​യ​നി​ല​യി​ലാ​ണ്. എ​റ​ക്കോ​ട്ടി​രി മു​ത​ൽ ക​യ​റ​മ്പാ​റ കേ​ന്ദ്രീ​യ​ വി​ദ്യാ​ല​യ ഭാ​ഗം​വ​രെ ഏ​ക​ദേ​ശം ആ​റു​സ്ഥ​ല​ങ്ങ​ളി​ലാ​യി ജ​ന​ങ്ങ​ൾ കാ​ല​ങ്ങ​ളാ​യി സ​ഞ്ച​രി​ച്ചി​രു​ന്ന വ​ഴി​ക​ളാ​ണ് അ​ട​യ്‌​ക്കു​ന്ന​ത്. ചി​ല ഭാ​ഗ​ങ്ങ​ളി​ലെ വ​ഴി​ക​ളി​ൽ റെ​യി​ൽ​വേ ഇ​രു​മ്പു കു​റ്റി​ക​ൾ സ്ഥാ​പി​ച്ചി​ട്ടു​ണ്ട്. റെ​യി​ൽ​വേ ലൈ​നി​ന​പ്പു​റ​ത്ത് നൂ​റി​ലേ​റെ കു​ടും​ബ​ങ്ങ​ൾ താ​മ​സി​ക്കു​ന്ന​തി​നൊ​പ്പം നൂ​റേ​ക്ക​റി​ലേ​റെ കൃ​ഷി​ഭൂ​മി​യു​മു​ണ്ട്. ഭാ​ര​ത​പ്പു​ഴ​യ്‌​ക്കും റെ​യി​ൽ​വേ ലൈ​നി​നും മ​ധ്യേ​യാ​ണ് വീ​ടു​ക​ളും കൃ​ഷി​സ്ഥ​ല​ങ്ങ​ളു​മെ​ന്ന​തി​നാ​ൽ വ​ഴി​യ​ട​യ്ക്കു​ന്ന​തോ​ടെ ക​ർ​ഷ​ക​ര​ട​ക്ക​മു​ള്ള കു​ടും​ബ​ങ്ങ​ളെ ബാ​ധി​ക്കും.

ഇ​വി​ടെ താ​മ​സി​ക്കു​ന്ന​വ​ർ​ക്ക് അ​സു​ഖം​വ​ന്നാ​ല​ട​ക്കം ക​സേ​ര​യി​ൽ ചു​മ​ന്നു​വേ​ണം റെ​യി​ൽ​വേ ലൈ​ൻ ക​ട​ന്നു വാ​ഹ​ന​ത്തി​ൽ ആ​ശു​പ​ത്രി​യി​ൽ എ​ത്തി​ക്കാ​ൻ. കൃ​ഷി​ക്കാ​വ​ശ്യ​മാ​യ വി​ത്ത്, വ​ളം, ട്രാ​ക്ട​ർ, കൊ​യ്ത്തു​യ​ന്ത്രം എ​ന്നി​വ എ​ത്തി​ക്കാ​ൻ ഇ​പ്പോ​ൾ ല​ക്കി​ടി റെ​യി​ൽ​വേ അ​ടി​പ്പാ​ത​യെ​യാ​ണ് ആ​ശ്ര​യി​ക്കു​ന്ന​ത്. വി​ള​വെ​ടു​പ്പ് ക​ഴി​ഞ്ഞാ​ൽ നെ​ല്ല്, നാ​ളി​കേ​രം, വൈ​ക്കോ​ൽ തു​ട​ങ്ങി സാ​ധ​ന​ങ്ങ​ൾ ച​ന്ത​യി​ലെ​ത്തി​ക്കാ​നും ക​ർ​ഷ​ക​ർ ഏ​റെ ബു​ദ്ധി​മു​ട്ടി​ലാ​ണ്.

റെ​യി​ൽ​വേ​വി​ക​സ​നം ന​ട​പ്പാ​ക്കു​മ്പോ​ൾ റെ​യി​ൽ​വേ ലൈ​നി​ന് കു​റു​കെ ന​ട​പ്പാ​ത​ക​ളോ അ​ടി​പ്പാ​ത​യോ സ്ഥാ​പി​ച്ച് പ്ര​ദേ​ശ​വാ​സി​ക​ൾ​ക്ക് ന​ട​ക്കാ​നും വാ​ഹ​ന​ങ്ങ​ൾ കൊ​ണ്ടു​പോ​കാ​നും സൗ​ക​ര്യ​മൊ​രു​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.

Copyright @ 2022 , Rashtra Deepika Ltd.