18

ബം​ഗ​ളൂ​രു: ക​ർ​ണാ​ട​ക​യി​ലെ യെ​ല​ഹ​ങ്ക​യി​ൽ പ​തി​മൂ​ന്ന് വ​യ​സു​കാ​ര​നെ കൊ​ല​പ്പെ​ടു​ത്തി കാ​റി​ന്‍റെ ഡി​ക്കി​യി​ൽ ഒ​ളി​പ്പി​ച്ച് ക​ട​ത്താ​ൻ ശ്ര​മി​ച്ചു. ഭാ​സ്ക​ർ റെ​ഡ്ഡി​യാ​ണ് (35) അ​യ​ൽ​വാ​സി പ്ര​ജ്വ​ലി​നെ ത​ല​ക്ക​ടി​ച്ച് കൊ​ന്ന​ത്.

വീ​ടി​ന് സ​മീ​പ​മു​ള്ള ക​ട​യി​ൽ നി​ന്ന് പ​ട​ക്കം വാ​ങ്ങാ​മെ​ന്ന് പ​റ​ഞ്ഞ് ഭാ​സ്ക​ർ കു​ട്ടി​യെ വീ​ട്ടി​ലേ​ക്ക് വി​ളി​ച്ചു​വ​രു​ത്തു​ക​യാ​യി​രു​ന്നു. അ​യ​ൽ​വാ​സി​യാ​യ​തി​നാ​ൽ പ്ര​ജ്വ​ൽ യാ​തൊ​രു സം​ശ​യ​വു​മി​ല്ലാ​തെ പോ​യെ​ന്ന് പൊ​ലി​സ് വ്യ​ക്ത​മാ​ക്കി.

കു​ട്ടി​യെ ത​ന്‍റെ വീ​ട്ടി​ലെ​ത്തി​ച്ച പ്ര​തി ക​ല്ലു​കൊ​ണ്ട് ത​ല​ക്ക​ടി​ച്ച് കൊ​ന്നു. തു​ട​ർ​ന്ന് മൃ​ത​ദേ​ഹം കാ​റി​ന്‍റെ ഡി​ക്കി​യി​ൽ ഒ​ളി​പ്പി​ച്ച് ആ​ന്ധ്രാ​പ്ര​ദേ​ശി​ലേ​ക്ക് ക​ട​ക്കാ​ൻ ശ്ര​മി​ച്ചു. മൃ​ത​ദേ​ഹം അ​വി​ടെ ഉ​പേ​ക്ഷി​ക്കാ​നാ​യി​രു​ന്നു പ്ര​തി​യു​ടെ പ​ദ്ധ​തി​യെ​ന്ന് പൊ​ലി​സ് പ​റ​യു​ന്നു.

എ​ന്നാ​ൽ യാ​ത്രാ​മ​ധ്യേ നി​യ​ന്ത്ര​ണം വി​ട്ട കാ​ർ വൈ​ദ്യു​തി പോ​സ്റ്റി​ലി​ടി​ച്ചു. അ​ര​മ​ണി​ക്കൂ​റി​നു ശേ​ഷം വാ​ഹ​നം മ​റ്റൊ​രു കാ​റു​മാ​യും കൂ​ട്ടി​യി​ടി​ച്ചു. തു​ട​ർ​ച്ച​യാ​യു​ണ്ടാ​യ ഈ ​അ​പ​ക​ട​ങ്ങ​ൾ നാ​ട്ടു​കാ​രു​ടെ​യും പൊ​ലി​സി​ന്‍റെ​യും ശ്ര​ദ്ധ​യി​ൽ​പ്പെ​ട്ടു. തു​ട​ർ​ന്ന് വാ​ഹ​നം പ​രി​ശോ​ധി​ച്ച​പ്പോ​ഴാ​ണ് കു​ട്ടി​യു​ടെ മൃ​ത​ദേ​ഹം ഡി​ക്കി​യി​ൽ ക​ണ്ടെ​ത്തി​യ​ത്. ഉ​ട​ൻ​ത​ന്നെ പൊ​ലി​സ് കേ​സെ​ടു​ത്ത് ഭാ​സ്ക​ർ റെ​ഡ്ഡി​യെ അ​റ​സ്റ്റ് ചെ​യ്തു.

ആ​ദ്യം ചോ​ദ്യം ചെ​യ്ത​പ്പോ​ൾ കു​ട്ടി കാ​റി​നു മു​ന്നി​ലേ​ക്ക് ചാ​ടി മ​രി​ച്ച​താ​ണെ​ന്നാ​യി​രു​ന്നു പ്ര​തി പൊ​ലി​സി​നോ​ട് പ​റ​ഞ്ഞ​ത്. എ​ന്നാ​ൽ പി​ന്നീ​ട് ന​ട​ത്തി​യ അ​ന്വേ​ഷ​ണ​ത്തി​ലാ​ണ് കൊ​ല​പാ​ത​ക വി​വ​രം പു​റ​ത്ത​റി​യു​ന്ന​ത്. കു​ട്ടി​യെ കാ​ണാ​താ​യ​ത് മു​ത​ൽ പ്ര​തി​യു​ടെ നീ​ക്ക​ങ്ങ​ളും കൊ​ല​പാ​ത​ക​ത്തി​ലേ​ക്ക് ന​യി​ച്ച സാ​ഹ​ച​ര്യ​ങ്ങ​ളും പൊ​ലി​സ് വി​ശ​ദ​മാ​യി പ​രി​ശോ​ധി​ച്ച് വ​രി​ക​യാ​ണ്.

Tags : Deepika Crime Police Murder Car