ന്യൂഡൽഹി: ബ്രിക്സ് രാജ്യങ്ങളിലെ ഉന്നത സുരക്ഷാമേധാവിമാരുടെ ദ്വിദിനയോഗം തിങ്കളാഴ്ച ഡൽഹിയിൽ തുടങ്ങും. ചൈനീസ് വിദേശകാര്യ മന്ത്രി വാംഗ് യി, റഷ്യൻ ദേശീയ സുരക്ഷാ ഉപദേഷ്ടാവ് സെർജി ഷോയിഗു ഉൾപ്പെടെയുള്ള പ്രമുഖർ പങ്കെടുക്കും.
ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ അധ്യക്ഷതയിലാണു യോഗം നടക്കുന്നത്. ഇറാൻ സുപ്രീം നാഷണൽ സെക്യൂരിറ്റി കൗൺസിലിൽ ഡെപ്യൂട്ടി സെക്രട്ടറി നെസാമിപൂരും സമ്മേളനത്തിൽ പങ്കെടുക്കുമെന്ന് സൂചനയുണ്ട്.