19

ഭോ​പ്പാ​ൽ: മ​ധ്യ​പ്ര​ദേ​ശി​ൽ 10-ാംക്ലാ​സ് വി​ദ്യാ​ർ​ഥി​യെ സ​ഹ​പാ​ഠി​ക​ൾ കു​ത്തി​ക്കൊ​ന്നു. ദാ​മോ ന​ഗ​ര​ത്തി​ലെ മ​ല​യ്യ മി​ല്ലി​ന് സ​മീ​പ​മു​ള്ള ഓ​ജ​സ്വി​നി സ്കൂ​ളി​ലാ​ണ് സം​ഭ​വം.

ഋ​ഷി അ​ഹി​ർ​വാ​ർ എ​ന്ന വി​ദ്യാ​ർ​ഥി​യാ​ണ് കൊ​ല്ല​പ്പെ​ട്ട​ത്. പ​രീ​ക്ഷ​യ്ക്ക് ശേ​ഷം ഹാ​ളി​ൽ നി​ന്നും പു​റ​ത്തി​റ​ങ്ങി​യ ഋ​ഷി​യെ ഒ​രു​സം​ഘം വി​ദ്യാ​ർ​ഥി​ക​ൾ വ​ള​ഞ്ഞി​ട്ട് ആ​ക്ര​മി​ക്കു​ക​യാ​യി​രു​ന്നു.

ഇ​തി​നി​ടെ ക​ത്തി​കൊ​ണ്ടു​ള്ള കു​ത്തേ​റ്റാ​ണ് ഋ​ഷി കൊ​ല്ല​പ്പെ​ട്ട​ത്. വി​ദ്യാ​ർ​ഥി​ക​ൾ​ക്കി​ടെ​യി​ൽ നി​ല​നി​ന്നി​രു​ന്ന ത​ർ​ക്ക​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്.

നേ​ര​ത്തെ, പ​രീ​ക്ഷ​യി​ലെ ചോ​ദ്യ​ങ്ങ​ളു​ടെ ഉ​ത്ത​രം പ​റ​ഞ്ഞു​ന​ൽ​ക​ണ​മെ​ന്ന് ചി​ല വി​ദ്യാ​ർ​ഥി​ക​ൾ ഋ​ഷി​യോ​ട് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ഋ​ഷി ഇ​തി​ന് വി​സ​മ്മ​തി​ച്ച​തോ​ടെ ഫെ​ബ്രു​വ​രി 27 നും ​മാ​ർ​ച്ച് ര​ണ്ടി​നും ഋ​ഷി​യും സ​ഹ​പാ​ഠി​ക​ളും ത​മ്മി​ൽ ഇ​തേ​ചൊ​ല്ലി വ​ഴ​ക്കു​ണ്ടാ​യി.

അ​വ​സാ​ന പ​രീ​ക്ഷ​യു​ടെ ദി​വ​സം പ്ര​തി​കാ​രം ചെ​യ്യു​മെ​ന്ന് സ​ഹ​പാ​ഠി​ക​ൾ ഋ​ഷി​യെ ഭീ​ഷ​ണി​പ്പെ​ടു​ത്തി​യി​രു​ന്നു. വെ​ള്ളി​യാ​ഴ്ച ഉ​ച്ച​യ്ക്ക് ശേ​ഷം പ​രീ​ക്ഷ ക​ഴി​ഞ്ഞ് സ്കൂ​ളി​ൽ നി​ന്നും പു​റ​ത്തി​ങ്ങി​യ ഋ​ഷി​യെ കാ​ത്തി​രു​ന്ന സ​ഹ​പാ​ഠി​ക​ൾ വ​ള​ഞ്ഞി​ട്ട് ആ​ക്ര​മി​ക്കു​ക​യും ക​ത്തി​കൊ​ണ്ട് കു​ത്തു​ക​യും ചെ​യ്തു.

ഗു​രു​ത​രാ​വ​സ്ഥ​യി​ൽ ഋ​ഷി​യെ ജി​ല്ലാ ആ​ശു​പ​ത്രി​യി​ലേ​ക്ക് കൊ​ണ്ടു​പോ​യെ​ങ്കി​ലും ര​ക്തം ന​ഷ്ട​പ്പെ​ട്ട് മ​ര​ണം സം​ഭ​വി​ച്ചി​രു​ന്നു. ഋ​ഷി​ക്ക് വി​ള​ർ​ച്ച ഉ​ണ്ടാ​യി​രു​ന്നു​വെ​ന്നും ഡോ​ക്ട​ർ അ​റി​യി​ച്ചു.

സം​ഭ​വ​വു​മാ​യി ബ​ന്ധ​പ്പെ​ട്ട് നി​ര​വ​ധി വി​ദ്യാ​ർ​ഥി​ക​ളെ ചോ​ദ്യം ചെ​യ്തു​വെ​ന്നും കൃ​ത്യ​ത്തി​ൽ ഉ​ൾ​പ്പെ​ട്ട എ​ട്ട് വി​ദ്യാ​ർ​ഥി​ക​ളെ തി​രി​ച്ച​റി​ഞ്ഞെ​ന്നും പോ​ലീ​സ് പ​റ​ഞ്ഞു. ഇ​വ​ർ​ക്കെ​തി​രെ കേ​സെ​ടു​ത്തു.

Tags : Madhya Pradesh School Students Death Stabbed