11

ന്യൂ​ഡ​ൽ​ഹി: മ​ധ്യ​പ്ര​ദേ​ശി​ൽ​നി​ന്നു​ള്ള കോ​ണ്‍ഗ്ര​സ് സ്ഥാ​നാ​ർ​ഥി മീ​നാ​ക്ഷി ന​ട​രാ​ജ​ന്‍റെ നാ​മ​നി​ർ​ദേ​ശ പ​ത്രി​ക ത​ള്ളി​യ ന​ട​പ​ടി പി​ൻ​വ​ലി​ക്ക​ണമെന്നാ​വ​ശ്യ​പ്പെ​ട്ട് കോ​ണ്‍ഗ്ര​സ് പ്ര​തി​നി​ധിസം​ഘം നേ​രി​ൽക്ക​ണ്ട് പ​രാ​തി ന​ൽ​കി​യെ​ങ്കി​ലും തെ​ര​ഞ്ഞെ​ടു​പ്പ് ക​മ്മീ​ഷ​ൻ മൗ​നം തു​ട​രു​ന്നു.

നാ​മ​നി​ർ​ദേ​ശം ത​ള്ളി​യ ഉ​ത്ത​ര​വ് ന​ഗ്ന​മാ​യ നി​യ​മ​ലം​ഘ​ന​മാ​ണെ​ന്നും ജ​നാ​ധി​പ​ത്യ​ത്തെ അ​ട്ടി​മ​റി​ക്കു​ന്ന ന​ട​പ​ടി​യാ​ണെ​ന്നും ചൂ​ണ്ടി​ക്കാ​ട്ടി വി​ഷ​യ​ത്തി​ൽ അ​ടി​യ​ന്തി​ര ഇ​ട​പെ​ട​ൽ ആ​വ​ശ്യ​പ്പെ​ട്ടാ​ണ് സം​ഘം തെ​ര​ഞ്ഞെ​ടു​പ്പ് ക​മ്മീ​ഷ​നെ ക​ണ്ട​ത്.

മീ​നാ​ക്ഷി ന​ട​രാ​ജ​ന്‍റെ പേ​രി​ൽ ക്രി​മി​ന​ൽ കേ​സ് ഉ​ണ്ടെ​ന്നും അ​ത് വെ​ളി​പ്പെ​ടു​ത്തി​യി​ട്ടി​ല്ല എ​ന്നും ചൂ​ണ്ടി​ക്കാ​ട്ടി​യാ​ണ് റി​ട്ടേ​ണിം​ഗ് ഓ​ഫീ​സ​ർ നാ​മ​നി​ർ​ദേ​ശ പ​ത്രി​ക ത​ള്ളി​യ​ത്. കോ​ണ്‍ഗ്ര​സി​ന്‍റെ സം​ഘ​ട​ന ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലും സ്ഥാ​നാ​ർ​ഥി മീ​നാ​ക്ഷി ന​ട​രാ​ജ​നും അ​ട​ങ്ങു​ന്ന പ​ത്ത് അം​ഗ സം​ഘ​മാ​ണ് മു​ഖ്യ​തെ​ര​ഞ്ഞെ​ടു​പ്പ് ക​മ്മീ​ഷ​ണ​റും മ​റ്റ് ര​ണ്ട് തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​രു​മാ​യും കൂ​ടി​ക്കാ​ഴ്ച ന​ട​ത്തി​യ​ത്.

കേസില്ലെന്നു കോൺഗ്രസ്

നാ​മ​നി​ർ​ദേ​ശപ​ത്രി​ക​യി​ൽ വെ​ളി​പ്പെ​ടു​ത്തേ​ണ്ട ത​ര​ത്തി​ലു​ള്ള ഒ​രു ക്രി​മി​ന​ൽ കേ​സും മീ​നാ​ക്ഷി ന​ട​രാ​ജ​നെ​തി​രേ നി​ല​വി​ലി​ല്ലെ​ങ്കി​ലും റി​ട്ടേ​ണിം​ഗ് ഓ​ഫീ​സ​ർ ഏ​ക​പ​ക്ഷീ​യ​മാ​യി പ​ത്രി​ക ത​ള്ളി​യ​താ​ണെ​ന്ന് പ്ര​തി​നി​ധിസം​ഘം ക​മ്മീ​ഷ​നെ അ​റി​യി​ച്ചു. ഇ​തി​നു​മു​ന്പ് ഹ​രി​യാ​ന​യി​ലും ഗു​ജ​റാ​ത്തി​ലും ക​മ്മീ​ഷ​ൻ ഇ​ത്ത​രം തീ​രു​മാ​ന​ങ്ങ​ൾ തി​രു​ത്തി​യ മു​ൻ​കാ​ല ഉ​ദാ​ഹ​ര​ണ​ങ്ങ​ളും ആ​വ​ശ്യ​മാ​യ രേ​ഖ​ക​ളും പ്ര​തി​നി​ധി സം​ഘം ക​മ്മീ​ഷ​നു ന​ല്കി.

ജ​ന​പ്രാ​തി​നി​ധ്യ നി​യ​മ​ത്തി​ലെ വ്യ​വ​സ്ഥ​ക​ൾ പ്ര​കാ​രം ര​ണ്ട് വ​ർ​ഷ​മോ അ​തി​ൽ കൂ​ടു​ത​ലോ ത​ട​വു​ശി​ക്ഷ ല​ഭി​ക്കാ​വു​ന്ന​തും കോ​ട​തി ഔ​ദ്യോ​ഗി​ക​മാ​യി കു​റ്റം ചു​മ​ത്തി​യ​തു​മാ​യ കേ​സു​ക​ൾ മാ​ത്ര​മേ പ​ത്രി​ക​യി​ൽ വെ​ളി​പ്പെ​ടു​ത്തേ​ണ്ട​തു​ള്ളൂ.
എ​ന്നാ​ൽ മീ​നാ​ക്ഷി ന​ട​രാ​ജ​ന്‍റെ കാ​ര്യ​ത്തി​ൽ കോ​ട​തി നോ​ട്ടീ​സ് അ​യ​യ്ക്കു​ക മാ​ത്ര​മാ​ണ് ചെ​യ്ത​തെ​ന്നും പ്ര​തി​നി​ധി സം​ഘ​ത്തി​ന് ഒ​പ്പ​മു​ണ്ടാ​യി​രു​ന്ന മു​തി​ർ​ന്ന കോ​ണ്‍ഗ്ര​സ് നേ​താ​വും നി​യ​മ​വി​ദ​ഗ്ധ​നു​മാ​യ അ​ഭി​ഷേ​ക് മ​നു സിം​ഗ്‌​വി വ്യ​ക്ത​മാ​ക്കി.

കോ​ട​തി ഒ​രു കേ​സി​ൽ ഔ​ദ്യോ​ഗി​ക​മാ​യി കു​റ്റ​പ​ത്രം സ്വീ​ക​രി​ക്കു​ന്ന​തി​നു​മു​ൻ​പ് നി​യ​മ​പ​ര​മാ​യി ക്രി​മി​ന​ൽ കേ​സ് നി​ല​നി​ൽ​ക്കു​ന്നി​ല്ല. എ​ന്നാ​ൽ റി​ട്ടേ​ണിം​ഗ് ഓ​ഫീ​സ​ർ ത​ന്‍റെ അ​ധി​കാ​രം ദു​രു​പ​യോ​ഗം ചെ​യ്താ​ണ് പ​ത്രി​ക ത​ള്ളി​യ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മ​ധ്യ​പ്ര​ദേ​ശി​ലെ 230 അം​ഗ നി​യ​മ​സ​ഭ​യി​ൽ 164 സീ​റ്റു​ക​ളു​ള്ള ബി​ജെ​പി ഒ​ഴി​വു​ള്ള മൂ​ന്ന് രാ​ജ്യ​സ​ഭാ സീ​റ്റു​ക​ളി​ൽ ര​ണ്ടെ​ണ്ണം നേ​ടു​മെ​ന്ന് ഉ​റ​പ്പാ​യി​രു​ന്നു. 64 എം​എ​ൽ​എ​മാ​രു​ള്ള കോ​ണ്‍ഗ്ര​സി​ന് മൂ​ന്നാ​മ​ത്തെ സീ​റ്റി​ൽ മീ​നാ​ക്ഷി ന​ട​രാ​ജ​നെ വി​ജ​യി​പ്പി​ക്കാ​നു​ള്ള അം​ഗ​ബ​ല​മു​ണ്ട്. എ​ന്നാ​ൽ, പ​ത്രി​ക ത​ള്ളി​യ​തോ​ടെ മൂ​ന്ന് സീ​റ്റു​ക​ളും ബി​ജെ​പി​ക്ക് ല​ഭി​ക്കാ​നാ​ണ് സാ​ധ്യ​ത.

അ​ല്ലെ​ങ്കി​ൽ തെ​ര​ഞ്ഞെ​ടു​പ്പ് ക​മ്മീ​ഷ​ൻ അ​ടി​യ​ന്തര ഇ​ട​പെ​ട​ൽ ന​ട​ത്തു​ക​യോ കോ​ട​തി​യി​ൽ​നി​ന്ന് ആ​ശ്വാ​സം ല​ഭി​ക്കു​ക​യോ ചെ​യ്യ​ണം. ക​മ്മീ​ഷ​ൻ ഇ​ട​പെ​ട്ടി​ല്ലെ​ങ്കി​ൽ സു​പ്രീം​കോ​ട​തി​യെ സ​മീ​പി​ക്കാ​നാ​ണ് കോ​ണ്‍ഗ്ര​സി​ന്‍റെ തീ​രു​മാ​നം.

Tags : Congress files complaint Election Commission