13

ബംഗളൂരു: കർണാടകയിൽ പുകയില ഉൽപന്നങ്ങളുടെ വിൽപനയും വിതരണവും ഒരു വർഷത്തേക്ക് സർക്കാർ നിരോധിച്ചു. ഭക്ഷ്യസുരക്ഷാ-ഡ്രഗ് അഡ്മിനിസ്ട്രേഷൻ വകുപ്പാണ് ഇതുസംബന്ധിച്ച കർശന ഉത്തരവ് പുറപ്പെടുവിച്ചത്.

ഗുഡ്ക, പാൻ മസാല, പുകയിലയോ നിക്കോട്ടിനോ അടങ്ങിയ മറ്റ് ഉൽപന്നങ്ങൾ എന്നിവയുടെ നിർമാണം, സംഭരണം, വിതരണം, വിൽപന എന്നിവയാണ് സംസ്ഥാനത്ത് പൂർണ്ണമായും തടഞ്ഞിരിക്കുന്നത്.

ഓഗസ്റ്റ് 10നാണ് സർക്കാർ ഇതുസംബന്ധിച്ച ഔദ്യോഗിക വിജ്ഞാപനം പുറപ്പെടുവിച്ചത്. വിജ്ഞാപനം പുറത്തുവന്ന തീയതി മുതൽ ഒരു വർഷത്തേക്കാണ് കർണാടകയിലുടനീളം ഈ നിരോധനം ബാധകമായിരിക്കുന്നത്.

നിയമം ലംഘിച്ച് ഇത്തരം ഉൽപന്നങ്ങൾ വിൽക്കുകയോ സംഭരിക്കുകയോ ചെയ്യുന്നവർക്കെതിരെ കർശന നിയമനടപടികൾ ഉണ്ടാകും. നിരോധിത പുകയില ഉൽപന്നങ്ങളുടെ വിൽപനയെക്കുറിച്ചോ സംഭരണത്തെക്കുറിച്ചോ എന്തെങ്കിലും വിവരം ലഭിക്കുന്നവർ ഉടൻതന്നെ ബന്ധപ്പെട്ട അധികാരികളെ വിവരമറിയിക്കണമെന്ന് ഭക്ഷ്യസുരക്ഷാ വകുപ്പ് അറിയിച്ചു.

Tags : Karnataka Tobacco Banned Deepika DeepikaNewspaper BreakingNews NewsUpdate