19

ചെ​ന്നൈ: ന​ട​നും ത​മി​ഴ​ക വെ​ട്രി ക​ഴ​കം (ടി​വി​കെ) അ​ധ്യ​ക്ഷ​നു​മാ​യ വി​ജ​യ്‌‌‌​യു​ടെ റോ​ഡ് ഷോ​ക​ൾ റ​ദ്ദാ​ക്കി. ത​മി​ഴ്നാ​ട് നി​യ​മ​സ​ഭാ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്‍റെ ഭാ​ഗ​മാ​യി ചെ​ന്നൈ​യി​ൽ ഇ​ന്ന് ന​ട​ത്താ​നി​രു​ന്ന റോ​ഡ് ഷോ​ക​ളാ​ണ് റ​ദ്ദാ​ക്കി​യ​ത്. പ്ര​ചാ​ര​ണ​ത്തി​നാ​യി ആ​വ​ശ്യ​പ്പെ​ട്ട സ​മ​യം പോ​ലീ​സ് അ​നു​വ​ദി​ക്കാ​ത്ത​തി​നെ​ത്തു​ട​ർ​ന്നാ​ണ് ന​ട​പ​ടി​യെ​ന്ന് പാ​ർ​ട്ടി വൃ​ത്ത​ങ്ങ​ൾ അ​റി​യി​ച്ചു.

ചെ​ന്നൈ​യി​ലെ ടി. ​ന​ഗ​ർ, വി​ല്ലി​വാ​ക്കം മ​ണ്ഡ​ല​ങ്ങ​ളി​ലാ​യി​രു​ന്നു ഇ​ന്ന് വി​ജ​യ് വോ​ട്ട​ഭ്യ​ർ​ഥി​ച്ച് എ​ത്തേ​ണ്ടി​യി​രു​ന്ന​ത്. വി​ല്ലി​വാ​ക്ക​ത്ത് രാ​വി​ലെ 11 മു​ത​ൽ ഒ​ന്നു വ​രെ​യും ടി. ​ന​ഗ​റി​ൽ ഉ​ച്ച​യ്ക്ക് ശേ​ഷം മൂ​ന്ന് മു​ത​ൽ ആ​റ് വ​രെ​യു​മാ​ണ് അ​നു​മ​തി തേ​ടി​യി​രു​ന്ന​ത്. എ​ന്നാ​ൽ ര​ണ്ട് ഇ​ട​ങ്ങ​ളി​ലും ഒ​രു മ​ണി​ക്കൂ​ർ വീ​തം മാ​ത്ര​മാ​ണ് പോ​ലീ​സ് അ​നു​മ​തി ന​ൽ​കി​യ​ത്. ഈ ​ചു​രു​ങ്ങി​യ സ​മ​യം കൊ​ണ്ട് കാ​ര്യ​ക്ഷ​മ​മാ​യ പ്ര​ചാ​ര​ണം സാ​ധ്യ​മ​ല്ലെ​ന്ന് വി​ല​യി​രു​ത്തി​യാ​ണ് പ​രി​പാ​ടി​ക​ൾ റ​ദ്ദാ​ക്കാ​ൻ തീ​രു​മാ​നി​ച്ച​ത്.

തി​ങ്ക​ളാ​ഴ്ച പെ​ര​മ്പൂ​രി​ലും വ്യാ​ഴാ​ഴ്ച തി​രു​ച്ചി​റ​പ്പ​ള്ളി​യി​ലും ശ​നി​യാ​ഴ്ച പു​തു​ച്ചേ​രി​യി​ലും വി​ജ​യ് വ​മ്പി​ച്ച റോ​ഡ് ഷോ​ക​ൾ ന​ട​ത്തി​യി​രു​ന്നു. സ്ഥാ​നാ​ർ​ഥി പ​ട്ടി​ക പൂ​ർ​ത്തി​യാ​ക്കി നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ച്ച ശേ​ഷം എ​ല്ലാ ദി​വ​സ​വും പൊ​തു​യോ​ഗ​ങ്ങ​ളും പ്ര​ചാ​ര​ണ പ​രി​പാ​ടി​ക​ളും ഉ​ണ്ടാ​കു​മെ​ന്ന് പാ​ർ​ട്ടി നേ​ര​ത്തെ അ​റി​യി​ച്ചി​രു​ന്നു.

മ​റ്റ് പ്ര​മു​ഖ രാ​ഷ്ട്രീ​യ പാ​ർ​ട്ടി​ക​ളു​ടെ നേ​താ​ക്ക​ൾ ദി​വ​സം മൂ​ന്നും നാ​ലും യോ​ഗ​ങ്ങ​ളി​ൽ പ​ങ്കെ​ടു​ക്കു​മ്പോ​ഴാ​ണ് വി​ജ​യി​യു​ടെ പ്ര​ചാ​ര​ണ പ​രി​പാ​ടി​ക​ൾ ത​ട​സ​പ്പെ​ടു​ന്ന​ത്. ടി. ​ന​ഗ​റി​ൽ ബു​സി ആ​ന​ന്ദും വി​ല്ലി​വാ​ക്ക​ത്ത് ആ​ധ​വ് അ​ർ​ജു​ന​യു​മാ​ണ് ടി​വി​കെ സ്ഥാ​നാ​ർ​ഥി​ക​ളാ​യി മ​ത്സ​രി​ക്കു​ന്ന​ത്.

Tags : Vijay actor roadshows election Chennai cancel Police tamilnadu