4

സിഡ്നി: ക്രിക്കറ്റിൽനിന്നും വിരമിക്കൽ പ്രഖ്യാപിച്ച് ഓസ്ട്രേലിയിൻ വനിത ക്യാപ്റ്റൻ അലിസ ഹീലി. ക്രിക്കറ്റിന്‍റെ എല്ലാ ഫോർമാറ്റിൽനിന്നുമാണ് വിമരിക്കൽ പ്രഖ്യാപിച്ചിരിക്കുന്നത്.

ഇന്ത്യയ്ക്കെതിരെ ഫെബ്രുവരി, മാർച്ച് മാസങ്ങളിലായി നടക്കുന്ന പരന്പരയ്ക്കുശേഷമായിരിക്കും താരം ക്രിക്കറ്റിനോട് വിടപറയുക. 2010ൽ 19 വയസുള്ളപ്പോളാണ് അലിസ ഓസ്ട്രേലിയയ്ക്കുവേണ്ടി കളത്തിലിറങ്ങുന്നത്. 2023 ൽ മെഗ് ലാനിംഗ് വിരമിച്ചതിനുശേഷം എല്ലാ ഫോർമാറ്റുകളുടെയും നായകസ്ഥാനം ഏറ്റെടുത്തു.

ഓസ്‌ട്രേലിയയ്‌ക്കുവേണ്ടി കളിക്കുന്നതിൽ തനിക്ക് ഇപ്പോഴും താൽപ്പര്യമുണ്ട്, പക്ഷേ തുടക്കം മുതൽ തന്നെ മുന്നോട്ട് നയിച്ച ആ മത്സരശേഷി തനിക്ക് ഒരു പരിധിവരെ നഷ്ടപ്പെട്ടു, അതിനാൽ വിരമിക്കാൻ സമയമായെന്ന് ഹിലി പറഞ്ഞു.

ഫെബ്രുവരി 15ന് ആരംഭിക്കുന്ന ഇന്ത്യയ്‌ക്കെതിരായ പരമ്പരയിലെ എല്ലാ മത്സരങ്ങളും ഹീലി കളിക്കുകയാണെങ്കിൽ, അവർ 300 ൽ അധികം അന്താരാഷ്ട്ര മത്സരങ്ങൾ കളിക്കും.

ഓസ്ട്രേലിയയ്‌ക്കൊപ്പം എട്ട് ലോകകപ്പുകൾ നേടി (രണ്ട് ഏകദിനം, ആറ് ട്വന്‍റി20), കൂടാതെ 2019-ൽ ഓസ്‌ട്രേലിയയുടെ മികച്ച വനിതാ കളിക്കാരിയായി ബെലിൻഡ ക്ലാർക്ക് അവാർഡ് അവർ നേടി, കൂടാതെ 2018-ലും 19-ലും തുടർച്ചയായി ഐസിസി വനിതാ ട്വന്‍റി20 ക്രിക്കറ്റർ ഓഫ് ദ ഇയർ അവാർഡുകൾ അവർ നേടി.

ന്യൂ സൗത്ത് വെയിൽസിനൊപ്പം 11 വനിതാ നാഷണൽ ക്രിക്കറ്റ് ലീഗ് കിരീടങ്ങളും അവർ നേടി.

Tags : Alyssa Healy retiring cricket