അമർ‌നാഥ് തീർഥാടകരുടെ ബസ് കൊക്കയിലേക്കു മറിഞ്ഞ് 16 പേർ മരിച്ചു : Deepika.com National News |

Click here for detailed news of all items

അമർ‌നാഥ് തീർഥാടകരുടെ ബസ് കൊക്കയിലേക്കു മറിഞ്ഞ് 16 പേർ മരിച്ചു

Sunday, July 16, 2017 11:48 AM IST

റാംബാൻ/ജമ്മു: കാഷ്മീരിൽ അമർനാഥ് തീർഥാടകർ സഞ്ചരിച്ചിരുന്ന ബസ് കൊക്കയിലേക്കു മറിഞ്ഞ് 16 പേർ മരിച്ചു. 27 പേർക്കു പരിക്കേറ്റു. ജമ്മു-ശ്രീനഗർ ദേശീയപാതയിൽ റാംബാൻ ജില്ലയിലെ നാച്‌ലാന ബെൽറ്റിൽ ഇന്നലെ ഉച്ചകഴിഞ്ഞായിരുന്നു അപകടം.

യുപി, ബിഹാർ, രാജസ്ഥാൻ, ആസാം, ഹരിയാന, മധ്യപ്രദേശ് സംസ്ഥാനങ്ങളിൽനിന്നുള്ളവരാണ് അപകടത്തിൽപ്പെട്ടത്. 43 പേരായിരുന്നു ബസിലുണ്ടായിരുന്നത്.ജമ്മു കാഷ്മീർ സ്റ്റേറ്റ് ട്രാൻസ്പോർട്ട് കോർപറേഷന്‍റെ ബസാണ് അപകടത്തിൽപ്പെട്ടത്.

മരിച്ചവരിൽ രണ്ടു പേർ സ്ത്രീകളാണ്. ഗുരുതരമായി പരിക്കേറ്റ 19 പേരെ വ്യോമസേനയുടെ ഹെലികോപ്റ്ററുകളിൽ ജമ്മുവിലെ ആശുപത്രിയിലെത്തിച്ചു. എട്ടു പേരെ ബനിഹാളിലെ ജില്ലാ ആശുപത്രിയിൽ പ്രവേശിപ്പിച്ചു. പോലീസ്, കരസേന, സിആർപിഎഫ് എന്നിവ പ്രദേശവാസികളുടെ സഹായത്തോടെയാണു രക്ഷാപ്രവർത്തനം നടത്തിയത്. അപകടത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. മരിച്ചവരുടെ കുടുംബാംഗങ്ങൾക്കു രണ്ടു ലക്ഷം രൂപയും ഗുരുതരമായി പരിക്കേറ്റവർക്ക് 50,000 രൂപയും പ്രധാനമന്ത്രി ധനസഹായം പ്രഖ്യാപിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.