ആവശ്യപ്പെട്ടാൽ പ്രതിക്കുവേണ്ടി ഹാജരാകും: അഡ്വ. ബി.എ. ആളൂർ
ആവശ്യപ്പെട്ടാൽ പ്രതിക്കുവേണ്ടി ഹാജരാകും: അഡ്വ. ബി.എ. ആളൂർ
തൃശൂർ: ജിഷ വധക്കേസിലെ പ്രതി ആസാംകാരൻ അമിറുൾ ഇസ്ലാമിനുവേണ്ടി കോടതിയിൽ ഹാജരാകാൻ തന്നെ ആരെങ്കിലും സമീപിച്ചാൽ കേസ് ഏറ്റെടുക്കുമെന്ന് അഡ്വ. ബി.എ. ആളൂർ. ഇന്ത്യൻ നീതിന്യായ വ്യവസ്‌ഥയനുസരിച്ച് ഏതു പ്രതിക്കും അഭിഭാഷകന്റെ സഹായത്തിന് അർഹതയുണ്ടെന്നും അദ്ദേഹം പറഞ്ഞു. സൗമ്യ വധക്കേസിൽ വധശിക്ഷയ്ക്കു വിധിക്കപ്പെട്ട പ്രതി ഗോവിന്ദച്ചാമിക്കുവേണ്ടി കോടതിയിൽ ഹാജരായ അഭിഭാഷകനെന്ന നിലയിൽ ആളൂർ ശ്രദ്ധേയനായിരുന്നു.


ഈ കേസിൽ ആസാംകാരായ തൊഴിലാളികളുടെ സംഘടനയോ പ്രതിയുടെ ബന്ധുക്കളോ മറ്റോ പ്രതിക്കുവേണ്ടി കേസ് ഏറ്റെടുക്കണമെന്ന് ആവശ്യപ്പെട്ട് ഇതുവരെ തന്നെ സമീപിച്ചിട്ടില്ലെന്ന് ആളൂർ പറഞ്ഞു. ഗോവിന്ദച്ചാമിയുടെ കാര്യത്തിൽ അത്തരത്തിൽ വക്കാലത്ത് ഒപ്പിട്ടുതന്നിരുന്നതുകൊണ്ടാണ് കേസ് ഏറ്റെടുത്തത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.