നാ​ട്ടു​കാ​രുടെ കുടിവെള്ള പ്രശ്നത്തിനു പരിഹാരമില്ല
Sunday, April 28, 2024 6:08 AM IST
തു​റ​വൂ​ർ: നാ​ടെ​ങ്ങും വോ​ട്ടി​ന്‍റെ​യും തെ​ര​ഞ്ഞെ​ടു​പ്പി​ന്‍റെ​യും ല​ഹ​രി​യി​ൽ മ​തി​മ​റ​ക്കു​ക​യാ​യി​രു​ന്നു. ഇ​പ്പോ​ൾ അ​തി​ന്‍റെ​യെ​ല്ലാം ആ​ര​വ​വും ആ​വേ​ശ​വും കെ​ട്ട​ട​ങ്ങി​യി​ട്ടു​ണ്ട്. പ​ക്ഷേ, കു​ടി​വെ​ള്ളക്ഷാ​മ​ത്തി​ൽ പൊ​റു​തി​മു​ട്ടു​ക​യാ​ണ് ഇ​വി​ടെ കു​റെ നാ​ട്ടു​കാ​ർ. ചേ​ർ​ത്ത​ല താ​ലൂ​ക്കി​ന്‍റെ പ​ല​ഭാ​ഗ​ത്തും കു​ടി​വെ​ള്ള പ്ര​ശ്ന​മു​ണ്ട്. റോ​ഡ് മെ​യ്ന്‍റ​ന​ൻ​സ് പ​ണി​ തീ​ർ​ക്കു​മ്പോ​ൾ പി​ന്നാ​ലെ പൈ​പ്പ് പൊ​ട്ടു​ന്നു. അ​താ​ണ് അ​വ​സ്ഥ. കു​ടി​വെ​ള്ള​ക്ഷാ​മം രൂ​ക്ഷ​മാ​യി തു​ട​രു​മ്പോ​ൾ പലേടത്തും കു​ടി​വെ​ള്ളപൈ​പ്പ് പൊ​ട്ടി ശു​ദ്ധ​ജ​ലം പാ​ഴാ​കു​ന്നു.

ചേ​ർ​ത്ത​ല താ​ലൂ​ക്കി​ന്‍റെ വി​വി​ധ ഭാ​ഗ​ങ്ങ​ളി​ലാ​ണ് കു​ടി​വെ​ള്ളപൈ​പ്പ് പൊ​ട്ടി വെ​ള്ളം പാ​ഴാ​കു​ന്ന​ത്. തീ​ര​ദേ​ശ​ത്ത് ചെ​ല്ലാ​നം അ​ന്ധ​കാ​ര​ന​ഴി റോ​ഡി​ന്‍റെ പല ഭാ​ഗ​ങ്ങ​ളി​ലും ഉ​ൾ​പ്ര​ദേ​ശ​ങ്ങ​ളി​ലും നി​ര​വ​ധി സ്ഥ​ല​ങ്ങ​ളി​ൽ പൈ​പ്പ്പൊ​ട്ടി​യി​ട്ടു​ണ്ട്. തു​റ​വൂ​ർ പ​ഞ്ചാ​യ​ത്ത് 17-ാം വാ​ർ​ഡി​ൽ ഇ​ല്ലി​ക്ക​ൽ ക​വ​ല​യ്ക്കു സ​മീ​പം മാ​സ​ങ്ങ​ളാ​യി ജ​പ്പാ​ൻ കു​ടി​വെ​ള്ള വി​ത​ര​ണ​പൈ​പ്പ് പൊ​ട്ടി വെ​ള്ളം പാ​ഴാ​കു​കയാണ്.

അ​രൂ​ർ പ​ഞ്ചാ​യ​ത്ത് പ​തി​ന​ഞ്ചാം വാ​ർ​ഡി​ൽ ഗു​രു​മ​ന്ദി​ര​ത്തി​ന​ടു​ത്താ​ണ് ക​ഴി​ഞ്ഞ ദി​വ​സം പൈ​പ്പ് പൊ​ട്ടി​യ​ത്. ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി കെ​എ​സ്ഇ ബി വ​ക പോ​സ്റ്റ് മാ​റ്റി​സ്ഥാ​പി​ക്കു​ന്ന​തി​ന് കു​ഴി​യെ​ടു​ത്ത​പ്പോ​ഴാ​ണ് പൈ​പ്പ് പൊ​ട്ടി​യ​ത്. എ​ല്ലാ ദി​വ​സ​വും രാ​വി​ലെ​യാ​ണ് ശു​ദ്ധ​ജ​ലം പ​മ്പ് ചെ​യ്യു​ന്ന​ത്. ര​ണ്ടു ദി​വ​സം ക​ഴി​ഞ്ഞി​ട്ടും പൊ​ട്ടി​യ പൈ​പ്പ് ന​ന്നാ​ക്കാ​ൻ ക​ഴി​ഞ്ഞി​ട്ടി​ല്ല. പൊ​ട്ടി​യ ഭാ​ഗ​ത്തി​ന്‍റെ നൂ​റ് മീ​റ്റ​ർ പ്ര​ദേ​ശ​ത്ത് വെ​ള്ളം ഒ​ഴു​കിക്കിട​ക്കു​ക​യാ​ണ്. ദേ​ശീ​യ​പാ​ത​യു​ടെ ഓ​ര​ങ്ങ​ളി​ൽ വെ​ള്ളം കെ​ട്ടി​ക്കി​ട​ക്കു​ന്ന​തി​നാ​ൽ കാ​ൽ​ന​ട യാ​ത്രി​ക​ർ ബു​ദ്ധി​മു​ട്ട് അ​നു​ഭ​വി​ക്കു​ക​യാ​ണ്. ഇ​ത്ത​ര​ത്തി​ൽ പ​ട്ട​ണ​ക്കാ​ട് , വ​യ​ലാ​ർ , തു​റ​വൂ​ർ, കു​ത്തി​യ​തോ​ട് , കോ​ടം​തു​രു​ത്ത്, എ​ഴു​പു​ന്ന, അ​രൂ​ർ പ​ഞ്ചാ​യ​ത്തു​ക​ളി​ലെ പ്ര​ദേ​ശ​ങ്ങ​ളി​ൽ പൈ​പ്പ് പൊ​ട്ടി വ​ൻ​തോ​തി​ൽ കു​ടി​വെ​ള്ളം പാ​ഴാ​കു​ന്ന​ത്.

അ​ടി​യ​ന്തര​മാ​യി ചേ​ർ​ത്ത​ല താ​ലൂ​ക്കി​ലെ എ​ല്ലാ മേ​ഖ​ല​യി​ലും ജ​പ്പാ​ൻ കു​ടി​വെ​ള്ള വി​ത​ര​ണ പൈ​പ്പ് ലൈ​ൻ പ​രി​ശോ​ധി​ച്ച് പൊ​ട്ടി​യ പൈ​പ്പു​ക​ളു​ടെ അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.

Copyright @ 2022 , Rashtra Deepika Ltd.