യു​വാ​ക്ക​ളെ ത​ട്ടി​ക്കൊ​ണ്ടു​പോ​യ സം​ഭ​വം: കൊല്ലം സ്വദേശികൾ അ​റ​സ്റ്റി​ൽ
Tuesday, March 19, 2024 6:46 AM IST
ആ​ലു​വ: റെ​യി​ൽ​വേ സ്റ്റേ​ഷ​ന് സ​മീ​പ​ത്തു നി​ന്ന് മൂ​ന്നു യു​വാ​ക്ക​ളെ കാ​റി​ൽ ത​ട്ടി​ക്കൊ​ണ്ടു പോ​യ സം​ഭ​വ​ത്തി​ൽ ര​ണ്ടു പേ​രെ തൃ​ശൂ​രി​ൽ നി​ന്ന് അ​റ​സ്റ്റ് ചെ​യ്തു. കൊ​ല്ലം സ്വ​ദേ​ശി​ക​ളാ​യ മു​ഹ​മ്മ​ദ് റി​യാ​സ്, അ​ൻ​വ​ർ എ​ന്നി​വ​രെ​യാ​ണ് ആ​ലു​വ പോ​ലീ​സ് അ​റ​സ്റ്റ് ചെ​യ്ത​ത്. ഇ​വ​രെ ജി​ല്ലാ ആ​ശു​പ​ത്രി​യി​ൽ മെ​ഡി​ക്ക​ൽ പ​രി​ശോ​ധ​ന​യ്ക്ക് വി​ധേ​യ​മാ​ക്കി.

കൂ​ടു​ത​ൽ അ​ന്വേ​ഷ​ണ​ത്തി​നാ​യി ആ​ലു​വ പോ​ലീ​സ് ഇ​ന്ന​ലെ രാ​ത്രി തി​രു​വ​ന​ന്ത​പു​ര​ത്തി​ന് പു​റ​പ്പെ​ട്ടു. കൊ​ല്ലം, പ​ത്ത​നം​തി​ട്ട ജി​ല്ല​ക​ളി​ലും അ​ന്വേ​ഷ​ണം വ്യാ​പി​ച്ചി​ട്ടു​ണ്ട്. സം​ഭ​വ ദി​വ​സം ത​ന്നെ തി​രു​വ​ന​ന്ത​പു​രം ക​ണി​യാ​പു​ര​ത്ത് പു​ത്ത​ൻ​ക​ട​വി​ന് സ​മീ​പം കാ​ർ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. പോ​ലീ​സ് പി​ന്തു​ട​രു​ന്ന​തു മ​ന​സി​ലാ​ക്കി കാ​ർ ഉ​പേ​ക്ഷി​ച്ച​താ​കാ​മെ​ന്ന് പോ​ലീ​സ് പ​റ​ഞ്ഞു. ഫോ​റ​ൻ​സി​ക് പ​രി​ശോ​ധ​ന​യ്ക്ക് ശേ​ഷം കാ​ർ ഇ​ന്ന​ലെ ആ​ലു​വ ടൗ​ൺ പോ​ലീ​സ് സ്റ്റേ​ഷ​നി​ൽ എ​ത്തി​ച്ചു.

പ​ത്ത​നം​തി​ട്ട എ​ആ​ർ ക്യാ​മ്പി​ലെ എ​എ​സ്ഐ സു​രേ​ഷ് ബാ​ബു​വാ​ണ് ത​ട്ടി​ക്കൊ​ണ്ടു പോ​കാ​ൻ ഉ​പ​യോ​ഗി​ച്ച ചു​വ​ന്ന കാ​ർ വാ​ട​ക​യ്ക്കെ​ടു​ത്ത് റി​യാ​സി​ന് കൈ​മാ​റി​യ​ത്. റി​യാ​സ് അ​ൻ​വ​റി​ന് കാ​ർ ന​ൽ​കി​യെ​ന്നാ​ണ് മൊ​ഴി. അ​ൻ​വ​റാ​ണ് ത​ട്ടി​ക്കൊ​ണ്ടു പോ​ക​ലി​ന് നേ​തൃ​ത്വം ന​ൽ​കി​യ​ത്. നി​യ​മ​വി​രു​ദ്ധ സാ​മ്പ​ത്തി​ക ഇ​ട​പാ​ടു​ക​ളി​ലെ ത​ർ​ക്ക​ങ്ങ​ളാ​ണ് ത​ട്ടി​ക്കൊ​ണ്ടു​പോ​ക​ലി​നു കാ​ര​ണ​മാ​യി പ​റ​യു​ന്ന​ത്. ദൃ​ക്സാ​ക്ഷി ന​ൽ​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ഒ​രാ​ളെ ത​ട്ടി​ക്കൊ​ണ്ടു പോ​യ​തി​നാ​ണ് ആ​ദ്യം പോ​ലീ​സ് എ​ഫ്ഐ​ആ​ർ ഇ​ട്ട് കേ​സെ​ടു​ത്തി​രു​ന്ന​തെ​ന്നും എ​സ്പി പ​റ​ഞ്ഞു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മൂ​ന്നു പേ​രെ​യാ​ണ് ത​ട്ടി​ക്കൊ​ണ്ടു​പോ​യ​തെ​ന്ന് വ്യ​ക്ത​മാ​യ​തെ​ന്നും ജി​ല്ലാ പോ​ലീ​സ് മേ​ധാ​വി അ​റി​യി​ച്ചു. ത​ട്ടി​ക്കൊ​ണ്ടു പോ​കു​ന്ന​തി​നി​ടെ പ്ര​തി​ക​ൾ ഗൂ​ഗി​ൾ പേ ​വ​ഴി സാ​മ്പ​ത്തി​ക ഇ​ട​പാ​ടു​ക​ൾ ന​ട​ത്തി​യ​താ​യി വി​വ​ര​മു​ണ്ട്.

ത​ട്ടി​ക്കൊ​ണ്ടു പോ​യ​താ​യി ബ​ന്ധു​ക്ക​ള​ട​ക്ക​മു​ള്ള​വ​രു​ടെ പ​രാ​തി പോ​ലീ​സി​ന് ഇ​തു​വ​രെ​യും ല​ഭി​ച്ചി​ട്ടി​ല്ല. അ​തി​നാ​ൽ സ്വ​മേ​ധ​യ പോ​ലീ​സ് കേ​സെ​ടു​ത്തി​രി​ക്കു​ക​യാ​ണെ​ന്ന് ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന പ​റ​ഞ്ഞു. കൂ​ടു​ത​ൽ വി​വ​ര​ങ്ങ​ൾ ക​സ്റ്റ​ഡി​യി​ലു​ള്ള​വ​രെ ചോ​ദ്യം ചെ​യ്താ​ലെ ല​ഭി​ക്കു​ക​യു​ള്ളൂ​വെ​ന്നും ജി​ല്ലാ പോ​ലീ​സ് മേ​ധാ​വി വ്യക്തമാക്കി.

Copyright @ 2022 , Rashtra Deepika Ltd.