സിഎക്‌സ്ഒ മീറ്റ് സമാപിച്ചു
Tuesday, May 6, 2025 12:20 AM IST
കൊച്ചി: ബിസിനസ് കറസ്‌പോണ്ടന്‍റ് ഫെഡറേഷന്‍ ഓഫ് ഇന്ത്യ (ബിസിഎഫ്‌ഐ) യുമായി സഹകരിച്ച് ഗ്രാമീണ്‍ ഫൗണ്ടേഷന്‍ ഫോര്‍ സോഷ്യല്‍ ഇംപാക്റ്റ് (ജിഎഫ്എസ്‌ഐ) സംഘടിപ്പിച്ച മൂന്നാമത് സിഎക്‌സ്ഒ മീറ്റ് ഗോവയില്‍ സമാപിച്ചു.
അസിസ്റ്റഡ് ഡിജിറ്റല്‍ ഫിനാന്‍സിന്‍റെ ഭാവി ആസൂത്രണം ചെയ്യുന്നതിനായി സംഘടിപ്പിച്ച രണ്ടു ദിവസത്തെ മീറ്റില്‍ ഫിന്‍ടെക്, ബാങ്കിംഗ് തുടങ്ങിയ മേഖലകളില്‍നിന്നുള്ള വിദഗ്ധര്‍ പങ്കെടുത്തു.
സിഎക്‌സ്ഒ മീറ്റ് 2025 വിജ്ഞാന കൈമാറ്റത്തിനുള്ള ഒരു പ്ലാറ്റ്‌ഫോം എന്നതിലുപരി മാറ്റത്തിനുള്ള പ്രചോദനമായിരുന്നുവെന്നു സംഘാടകര്‍ അറിയിച്ചു. വിവിധ സംഘടനകളെ പ്രതിനിധീകരിച്ച് സെഷനുകളില്‍ രാഹുല്‍ ദുബെ, സൗരഭ് സിംഗ്, നന്ദിത ശര്‍മ, സായി സുധ ചന്ദ്രശേഖരന്‍, സുനില്‍ കുല്‍ക്കര്‍ണി, ഭാരതി ജോഷി തുടങ്ങിയവര്‍ പങ്കെടുത്തു.