18

കു​ല​കു​ത്തി കാ​യ്ച്ചു​കി​ട​ക്കു​ന്ന മാ​ന്തോ​ട്ടം, തൊ​ട്ട​ടു​ത്ത് പ​പ്പാ​യ​ത്തോ​ട്ടം, മൂ​ന്നു കി​ലോ​മീ​റ്റ​ർ മാ​റി വീ​ടി​നോ​ടു ചേ​ർ​ന്ന് തെ​ങ്ങും മാ​വും ക​മു​കും പ​ച്ച​ക്ക​റി​കൃ​ഷി​യും.

ഇ​ത് പാ​ല​ക്കാ​ട് മു​ത​ല​മ​ട പെ​രി​യ​പ​തി​ക്കാ​ട് ജോ​സ് പി. ​ജേ​ക്ക​ബ് എ​ന്ന അ​നി​മോ​ന്‍റെ കൃ​ഷി വി​ശേ​ഷ​മാ​ണ്. മു​പ്പ​തേ​ക്ക​റോ​ളം മാ​ന്തോ​ട്ടം ലീ​സി​നെ​ടു​ത്തും അ​നി​മോ​ൻ കൃ​ഷി ന​ട​ത്തു​ന്നു​ണ്ട്. മാ​ന്തോ​ട്ട​ത്തി​നോ​ടു ചേ​ർ​ന്നാ​ണ് പ​പ്പാ​യ​കൃ​ഷി ന​ട​ത്തു​ന്ന​ത്.

കാ​ലാ​വ​സ്ഥ പ്ര​തി​കൂ​ല​മാ​യ​തി​നാ​ൽ ഇ​ത്ത​വ​ണ മാ​ങ്ങ കു​റ​വാ​ണ്. കൂ​ടാ​തെ വ​ന്യ​മൃ​ഗ​ശ​ല്യ​വു​ണ്ട്. തോ​ട്ട​ത്തി​ൽ എ​ത്തു​ന്ന മാ​നും മ​യി​ലും ശ​ല്യ​മു​ണ്ടാ​ക്കു​ന്നു​ണ്ടെ​ന്ന് അ​നി​മോ​ൻ പ​റ​ഞ്ഞു.

സി​ന്ദൂ​രം, അ​ൽ​ഫോ​ണ്‍​സ, ബം​ഗ​ന​പ്പ​ള്ളി, ഹി​മാ​പ​സ​ന്ത്, മ​ല്ലി​ക, നീ​ല​ൻ, കാ​ലാ​പ്പാ​ടി തു​ട​ങ്ങി 18 വെ​റൈ​റ്റി മാ​വു​ക​ൾ തോ​ട്ട​ത്തി​ൽ ഉ​ണ്ട്. മാ​വ് കാ​യ്ക്കു​ന്ന​തി​ന് മു​ന്പു​ത​ന്നെ തോ​ട്ടം ലീ​സി​ന് എ​ടു​ക്കു​ക​യാ​ണ് ചെ​യ്യു​ന്ന​ത്.

ലീ​സ് തു​ക മൂ​ന്നു ഗ​ഡു​ക്ക​ളാ​യി ഉ​ട​മ​സ്ഥ​ന് ന​ൽ​കും. മാ​വി​ന് ആ​വ​ശ്യ​മാ​യ വ​ള​വും ജ​ല​സേ​ച​ന​വും തോ​ട്ടം എ​ടു​ക്കു​ന്ന​വ​രാ​ണ് ന​ൽ​കു​ന്ന​ത്. മാ​വി​ന് പ്ര​ധാ​ന​മാ​യും ക​വാ​ത്ത് (പ്രൂ​ണിം​ഗ്) ന​ട​ത്ത​ണം.

ചാ​ണ​കം, കോ​ഴി​വ​ളം എ​ന്നി​വ​യും ബോ​റോ​ണും മൈ​ക്രോ ന്യൂ​ട്രി​യ​ന്‍റു​ക​ളും ന​ൽ​കും. മാ​വ് പൂ​ക്കു​ന്ന​തി​ന് മ​രു​ന്ന് അ​ടി​ക്കും. മാ​ങ്ങാ വി​ള​വെ​ടു​പ്പ് ആ​രം​ഭി​ക്കു​ന്ന​ത് മു​ത​ല​മ​ട​യി​ലാ​ണ്.

ഇ​ന്ത്യ​ൻ മാ​ർ​ക്ക​റ്റി​ലും വി​ദേ​ശ​ത്തേ​ക്കും മാ​ങ്ങ ക​യ​റി പോ​കു​ന്നു​ണ്ട്. ഓ​രോ ഇ​ന​ത്തി​നും പ്ര​ത്യേ​ക​മാ​യാ​ണ് വി​ള​വ് എ​ടു​ക്കു​ന്ന​ത്. കി​ളി​മൂ​ക്ക്, മൂ​വാ​ണ്ട​ൻ മാ​വു​ക​ൾ ആ​ദ്യം കാ​യ്ച്ചാ​ൽ മി​ക​ച്ച വി​ല ല​ഭി​ക്കും. വൈ​കി​യാ​ൽ വി​ല കു​റ​വാ​യി​രി​ക്കും.

പ​പ്പാ​യ കൃ​ഷി

റെ​ഡ്ലേ​ഡി, ഡ​ബ്ല്യു​എ​സ് 41 എ​ന്നീ ഇ​ന​ങ്ങ​ളാ​ണ് കൃ​ഷി ചെ​യ്തി​രി​ക്കു​ന്ന​ത്. ര​ണ്ടാ​യി​ര​ത്തോ​ളം തൈ​ക​ളാ​ണ് ന​ട്ടി​രി​ക്കു​ന്ന​ത്. പ​പ്പാ​യ കൃ​ഷി​യി​ലും വ​ന്യ​മൃ​ഗ​ശ​ല്യം ഉ​ണ്ട്.

പ​പ്പാ​യ കൃ​ഷി​ക്കാ​യി ആ​ദ്യം ത​ട​മെ​ടു​ത്ത് ചാ​ണ​കം, കോ​ഴി​ക്കാ​ഷ്ഠം, ജൈ​വ​വ​ളം എ​ന്നി​വ​യി​ട്ട് മൂ​ടും. ത​ട​ത്തി​നു മു​ക​ളി​ൽ മ​ൾ​ച്ചിം​ഗ് ഷീ​റ്റ് വി​ര​ച്ച ശേ​ഷ​മാ​ണ് പ​പ്പാ​യ ന​ട്ടി​രി​ക്കു​ന്ന​ത്.

ആ​റാം മാ​സം തൊ​ട്ട് വി​ള​വ് എ​ടു​ക്കാ​ൻ സാ​ധി​ക്കും. വി​എ​ഫ്പി​സി​കെ വ​ഴി​യാ​ണ് പ​പ്പാ​യ വി​ൽ​ക്കു​ന്ന​ത്. ജ​ല​സേ​ച​ന​ത്തി​നാ​യി തോ​ട്ട​ത്തി​ൽ കു​ഴ​ൽ കി​ണ​റു​ക​ൾ ഉ​ണ്ട്.

തു​ള്ളി​ന​ന സം​വി​ധാ​ന​ത്തി​ലാ​ണ് ജ​ല​സേ​ച​നം ക്ര​മീ​ക​രി​ച്ചി​രി​ക്കു​ന്ന​ത്. മാ​ന്തോ​ട്ട​ത്തി​ൽ നേ​രി​ട്ട് പൈ​പ്പി​ൽ​നി​ന്നാ​ണ് ന​ന​യ്ക്കു​ന്ന​ത്.

പു​ര​യി​ട​ത്തി​ൽ തെ​ങ്ങും കു​രു​മു​ള​കും

വീ​ടി​നോ​ടു ചേ​ർ​ന്ന് മൂ​ന്ന​ര​യേ​ക്ക​ർ സ്ഥ​ല​ത്ത് തെ​ങ്ങ്, ക​മു​ക്, കൊ​ക്കോ, മാ​വ്, കു​രു​മു​ള​ക് കൃ​ഷി​ക​ളും പ​ച്ച​ക്ക​റി കൃ​ഷി​യു​മു​ണ്ട്. സീ​സ​ണ്‍ അ​നു​സ​രി​ച്ചാ​ണ് പ​ച്ച​ക്ക​റി കൃ​ഷി ചെ​യ്യു​ന്ന​ത്. തോ​ട്ട​ത്തി​ൽ ഇ​രു​നൂ​റി​ൽ മേ​ലേ തെ​ങ്ങു​ക​ൾ ഉ​ണ്ട്.

തെ​ങ്ങി​ന്‍റെ ഇ​ട​വി​ള​യാ​യി കൊ​ക്കോ​യും ക​മു​കും ന​ട്ടി​ട്ടു​ണ്ട്.സ​മ്മി​ശ്ര​കൃ​ഷി ആ​യ​തി​നാ​ൽ, ഒ​ന്നി​ൽ ഉ​ത്പാ​ദ​നം കു​റ​ഞ്ഞാ​ലും മ​റ്റൊ​ന്നി​ൽ​നി​ന്നു കൂ​ടു​ത​ൽ ല​ഭി​ക്കു​ന്ന​തി​നാ​ൽ ന​ഷ്ട​മി​ല്ലാ​തെ മു​ന്നോ​ട്ട് പോ​കാ​ൻ സാ​ധി​ക്കു​മെ​ന്ന് അ​നി​മോ​ൻ പ​റ​ഞ്ഞു.

രാ​സ​വ​ള​വും ജൈ​വ​വ​ള​വും ന​ൽ​കു​ന്നു​ണ്ട്. ചാ​ണ​ക​വും കോ​ഴി​വ​ള​വു​മാ​ണ് ജൈ​വ​വ​ള​മാ​യി ന​ൽ​കു​ന്ന​ത്. തേ​ങ്ങാ​യ്ക്കു വി​ല​യു​ള്ള​തു​കൊ​ണ്ട് തെ​ങ്ങു​കൃ​ഷി ലാ​ഭ​ക​ര​മാ​ണ്. മ​ണ്ഡ​രി​രോ​ഗം തോ​ട്ട​ത്തി​ൽ ഉ​ണ്ടെ​ങ്കി​ലും കാ​ര്യ​മാ​യ പ്ര​ശ്ന​മി​ല്ല. വെ​ള്ളീ​ച്ച​ശ​ല്യ​മാ​ണ് പ്ര​ധാ​ന​പ്ര​തി​സ​ന്ധി. തോ​ട്ടി ഉ​പ​യോ​ഗി​ച്ചാ​ണ് തേ​ങ്ങ ഇ​ടു​ന്ന​ത്.

തെ​ങ്ങി​ൽ ക​യ​റാ​ത്ത​തി​നാ​ൽ, എ​ല്ലാ തെ​ങ്ങി​ലും കു​രു​മു​ള​ക് പ​ട​ർ​ത്തി​യി​ട്ടു​ണ്ട്. കു​തി​ര​വാ​ലി, പ​ന്നി​യൂ​ർ, ക​രി​മു​ണ്ട, നീ​ല​മു​ടി ഇ​ന​ങ്ങ​ളാ​ണ് കൃ​ഷി ചെ​യ്തി​രി​ക്കു​ന്ന​ത്.

തെ​ങ്ങി​ന്‍റെ ഇ​ട​വി​ള​യാ​യി ചെ​യ്യു​ന്ന കൊ​ക്കോ കൃ​ഷി നി​ല​വി​ൽ ലാ​ഭ​ക​ര​മാ​ണ്. കൊ​ക്കോ തൊ​ണ്ടോ​ടു​കൂ​ടി​യും ഉ​ണ​ക്കി​യു​മാ​ണ് വി​ൽ​ക്കു​ന്ന​ത്. തോ​ട്ട​ത്തി​ൽ കാ​ട്ടു​പ​ന്നി, മാ​ൻ, മ​ല​യ​ണ്ണാ​ൻ, മ​ര​പ്പ​ട്ടി ശ​ല്യ​മു​ണ്ട്.

തോ​ട്ട​ത്തി​നു ചു​റ്റും വേ​ലി തീ​ർ​ത്തി​ട്ടു​ണ്ടെ​ങ്കി​ലും നു​ഴ​ഞ്ഞു​ക​യ​റ്റ ഭീ​ഷ​ണി​യു​ണ്ട്.

കാ​ലാ​വ​സ്ഥ നോ​ക്കി പ​ച്ച​ക്ക​റി​കൃ​ഷി

കാ​ലാ​വ​സ്ഥ​യെ ആ​ശ്ര​യി​ച്ചാ​ണ് പ​ച്ച​ക്ക​റി​കൃ​ഷി​ചെ​യ്യു​ന്ന​ത്. ത​ക്കാ​ളി, പാ​വ​ൽ, പ​യ​ർ, മു​ള​ക് എ​ന്നി​വ​യാ​ണ് പ്ര​ധാ​ന കൃ​ഷി. വി​എ​ഫ്പി​സി​കെ സ​മി​തി മു​ഖേ​ന​യാ​ണ് പ​ച്ച​ക്ക​റി വി​പ​ണ​നം ചെ​യ്യു​ന്ന​ത്. പ​ച്ച​ക്ക​റി കൃ​ഷി​യി​ലൂ​ടെ കു​റ​ച്ചു സ്ഥ​ല​ത്തു​നി​ന്ന് കൂ​ടു​ത​ൽ ആ​ദാ​യം ല​ഭി​ക്കും.

വി​ല​ക്കു​റ​വോ കൃ​ഷി നാ​ശ​മോ ഉ​ണ്ടാ​യാ​ൽ തി​രി​ച്ച​ടി​യും അ​തു​പോ​ലെ​ത​ന്നെ. നി​ല​വി​ൽ കൃ​ഷി​ഭ​വ​ന്‍റെ ഭാ​ഗ​ത്തു​നി​ന്ന് യാ​തൊ​രു ആ​നു​കൂ​ല്യ​വും ല​ഭി​ക്കു​ന്നി​ല്ല. തെ​ങ്ങി​നും മാ​വി​നു​മു​ള്ള വ​ളം മാ​ത്ര​മാ​ണ് സ​ബ്സി​ഡി നി​ര​ക്കി​ൽ ല​ഭി​ക്കു​ന്ന​ത്.

സ​ർ​ക്കാ​രി​നു ഫ​ണ്ട് ഇ​ല്ലാ​ത്ത​തി​നാ​ൽ, പു​തി​യ പ​ദ്ധ​തി​ക​ൾ ന​ട​പ്പി​ലാ​ക്കു​ന്നി​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​തെ​ന്നും അ​നി​മോ​ൻ പ​റ​ഞ്ഞു. അ​നി​മോ​ന്‍റെ കൃ​ഷി​ക്കു പൂ​ർ​ണ​പി​ന്തു​ണ​യു​മാ​യി ഭാ​ര്യ സി​ൽ​വി ജോ​സും മ​ക്ക​ളാ​യ അ​ല​നും ലി​യ​യും ആ​രോ​ണും കൂ​ടെ​യു​ണ്ട്.

ആ​ദി ഡ്വാ​ർ​ഫ് സ്വ​ന്തം തെ​ങ്ങി​ൻ തൈ

​ആ​ദി ഡ്വാ​ർ​ഫ് എ​ന്ന പേ​രി​ൽ അ​നി​മോ​ൻ സ്വ​ന്ത​മാ​യി തെ​ങ്ങി​ൻ തൈ ​വി​ക​സി​പ്പി​ച്ചി​ട്ടു​ണ്ട്. ഡ്വാ​ർ​ഫും ടോ​ളും ക്രോ​സ് ചെ​യ്താ​ണ് തൈ ​വി​ക​സി​പ്പി​ച്ചെ​ടു​ത്ത​ത്. നാ​ളി​കേ​ര വി​ക​സ​ന ബോ​ർ​ഡി​ന്‍റെ അം​ഗീ​കാ​ര​ത്തോ​ടെ​യാ​ണ് പു​തി​യ ഇ​നം ഉ​ത്പാ​ദി​പ്പി​ച്ച​ത്. ത​മി​ഴ്നാ​ട്ടി​ലെ തോ​ട്ട​ത്തി​ൽ വ​ച്ചാ​ണ് മാ​തൃ​വൃ​ക്ഷ​ത്തി​ൽ പ​രാ​ഗ​ണം ന​ട​ത്തി​യ​ത്.

പാ​ല​ക്കാ​ട്ടു​ത​ന്നെ​യു​ള്ള മൈ​ത്രി എ​ന്ന തെ​ങ്ങ് ഗ​വേ​ഷ​ണ സ്ഥാ​പ​ന​ത്തി​ൽ ജോ​ലി ചെ​യ്തു​വ​ര​വേ​യാ​ണ് തൈ ​ഉ​ദ്പാ​ദ​ന​ത്തി​ലേ​ക്ക് ക​ട​ന്ന​ത്. സ്വ​കാ​ര്യ ന​ഴ്സ​റി​യു​ടെ സ​ഹ​ക​ര​ണ​ത്തോ​ടെ ഒ​രു ല​ക്ഷ​ത്തോ​ളം തൈ ​വി​ത​ര​ണം ചെ​യ്തി​ട്ടു​ണ്ട്.

സ്വ​ന്ത​മാ​യി വി​ക​സി​പ്പി​ച്ചെ​ടു​ത്ത തെ​ങ്ങി​ൻ തൈ​ക​ൾ സ്വ​ന്തം തോ​ട്ട​ത്തി​ൽ ഫ​ലം ചൂ​ടി​നി​ൽ​ക്കു​ന്ന​തും ഈ ​ക​ർ​ഷ​ക​ന് കൂ​ടു​ത​ൽ സ​ന്തോ​ഷം ന​ൽ​കു​ന്നു.

ഫോ​ണ്‍: 9495726612

Tags : Karshakan Agriculture