18

"​മ​ണ്ണ് പൊ​ന്നാ​ണ്..... മ​ന​സ് വി​ത്താ​ണ്’ എ​ന്ന ആ​പ്ത​വാ​ക്യം അ​ന്വ​ർ​ഥ​മാ​ക്കു​ക​യാ​ണ് കു​റു​മ്പനാ​ടം സെ​ന്‍റ് ആ​ന്‍റ​ണീ​സ് എ​ൽ​പി സ്കൂ​ൾ. സ്കൂ​ൾ മാ​നേ​ജ​ർ റ​വ. ഡോ. ​ചെ​റി​യാ​ൻ ക​റു​ക​പ്പ​റമ്പി​ലി​ന്‍റെ അ​നു​ഗ്ര​ഹ​ത്തോ​ടും ഹെ​ഡ്മാ​സ്റ്റ​ർ ബി​നു ജോ​യി​യു​ടെ നേ​തൃ​ത്വ​ത്തി​ലും അ​ധ്യാ​പ​ക​രും വി​ദ്യാ​ർ​ഥി​ക​ളും കൈ​കോ​ർ​ത്ത​പ്പോ​ൾ ക​ഴി​ഞ്ഞ പ​ത്തു വ​ർ​ഷ​മാ​യി സ്കൂ​ൾ വ​ള​പ്പി​ലെ മ​ണ്ണി​ൽ പൊ​ന്നു വി​ള​യു​ക​യാ​ണ്.

മി​ക​ച്ച ക​ർ​ഷ​ക​നാ​യ പി​ടി​എ പ്ര​സി​ഡ​ന്‍റ് ജോ​ളി ജോ​സ​ഫ് എ​ല്ലാ പി​ന്തു​ണ​യു​മാ​യി അ​ധ്യാ​പ​ക​ർ​ക്കൊ​പ്പ​മു​ണ്ട്. സ്കൂ​ൾ ഫാ​ർ​മേ​ഴ്സ് ക്ല​ബ്ബി​നാ​ണ് ഈ ​പ്ര​വ​ർ​ത്ത​ന​ങ്ങ​ളു​ടെ മേ​ൽ​നോ​ട്ട ചു​മ​ത​ല ന​ൽ​കി​യി​രി​ക്കു​ന്ന​ത്.

വൈ​വി​ധ്യ​മാ​ർ​ന്ന കൃ​ഷി രീ​തി​ക​ൾ

സ്കൂ​ളി​നു ചു​റ്റു​മു​ള്ള അ​ര​യേ​ക്ക​റോ​ളം സ്ഥ​ല​ത്താ​ണ് പ​ച്ച​ക്ക​റി​ത്തോ​ട്ടം ഒ​രു​ക്കി​യി​രി​ക്കു​ന്ന​ത്. കാ​ലാ​വ​സ്ഥ​യ്ക്ക് അ​നു​യോ​ജ്യ​മാ​യ രീ​തി​യി​ലു​ള്ള കൃ​ഷി രീ​തി​ക​ളാ​ണ് ഇ​വി​ടെ അ​വ​ലം​ബി​ക്കു​ന്ന​ത്.

"​കും​ഭ​ത്തി​ൽ ന​ട്ടാ​ൽ കു​ട​ത്തോ​ളം' എ​ന്ന് പ​റ​യു​ന്ന​തു​പോ​ലെ കും​ഭ​മാ​സ​ത്തി​ൽ ത​ന്നെ കി​ഴ​ങ്ങു​വ​ർ​ഗ​ങ്ങ​ളാ​യ കാ​ച്ചി​ൽ, ചേ​ന, ചേമ്പ് എ​ന്നി​വ കൃ​ഷി ചെ​യ്ത് തു​ട​ങ്ങു​ന്നു.

സ്കൂ​ൾ വ​ള​പ്പി​ലെ ച​പ്പു​ച​വ​റു​ക​ൾ മു​ഴു​വ​ൻ കു​ഴി​ക​ളി​ലി​ട്ട് മൂ​ടി ത​ടം ത​യാ​റാ​ക്കു​ന്നു. സ്കൂ​ൾ വ​ള​പ്പി​ൽ​നി​ന്നു​ത​ന്നെ ശേ​ഖ​രി​ക്കു​ന്ന വി​ത്തു​ക​ൾ ഉ​പ​യോ​ഗി​ക്കു​ന്നു എ​ന്ന​ത് ഇ​വി​ടു​ത്തെ മ​റ്റൊ​രു പ്ര​ത്യേ​ക​ത​യാ​ണ്.

തു​ട​ർ​ന്നു​ള്ള മാ​സ​ങ്ങ​ളി​ൽ പ​യ​ർ, പാ​വ​ൽ, കോ​വ​ൽ, വെ​ണ്ട, വെ​ള്ള​രി, വ​ഴു​ത​ന, ത​ക്കാ​ളി, പ​ട​വ​ലം, കു​ക്കു​ന്പ​ർ, പ​ച്ച​മു​ള​ക് തു​ട​ങ്ങി​യ പ​ച്ച​ക്ക​റി ഇ​ന​ങ്ങ​ൾ കൃ​ഷി ചെ​യ്യു​ന്നു.

കു​ട്ടി​ക​ൾ​ക്കു പ​ര​സ്പ​ര സ​ഹ​ക​ര​ണ​വും ഉ​ത്ത​ര​വാ​ദി​ത്വ ബോ​ധ​വും പ്ര​കൃ​തി​യോ​ടു​ള്ള സ്നേ​ഹ​വും വ​ള​ർ​ത്താ​ൻ ഇ​വി​ടു​ത്തെ കൃ​ഷി​രീ​തി​ക​ൾ സ​ഹാ​യ​ക​മാ​കു​ന്നു. രാ​സ​വ​ള​ങ്ങ​ൾ പൂ​ർ​ണ​മാ​യും ഒ​ഴി​വാ​ക്കി അ​ടു​ക്ക​ള മാ​ലി​ന്യ​ത്തി​ൽ​നി​ന്നു നി​ർ​മ്മി​ക്കു​ന്ന ജൈ​വ​വ​ള​മാ​ണ് ഉ​പ​യോ​ഗി​ക്കു​ന്ന​ത്.

ഇ​തു പ​രി​സ്ഥി​തി സം​ര​ക്ഷ​ണ​ത്തി​ന്‍റെ പ്രാ​ധാ​ന്യം കു​ട്ടി​ക​ളി​ലെ​ത്തി​ക്കാ​ൻ സ​ഹാ​യി​ക്കു​ന്നു. വി​ദ്യാ​ർ​ഥി​ക​ളും അ​ധ്യാ​പ​ക​രും ഒ​ത്തൊ​രു​മി​ച്ചു പ​ച്ച​ക്ക​റി പ​രി​പാ​ല​ന​വും വെ​ള്ളം ന​ന​ക്ക​ലും ക​ള​പ​റി​ക്ക​ലും വ​ള​മി​ടീ​ലും​വ​രെ​യു​ള്ള എ​ല്ലാ പ്ര​വ​ർ​ത്ത​ന​ങ്ങ​ളും ചെ​യ്തു പോ​രു​ന്നു.

ആ​ഴ്ച​ക​ൾ​ക്കു​ള്ളി​ൽ​ത​ന്നെ ന​ട്ടു​ന​ന​ച്ച വി​ത്തു​ക​ളെ​ല്ലാം മു​ള​പൊ​ട്ടു​ന്ന​തി​ലൂ​ടെ പ​ച്ച​ക്ക​റി​ത്തോ​ട്ടം പ​ച്ച​പ്പു​കൊ​ണ്ട് നി​റ​യാ​ൻ തു​ട​ങ്ങും. വ​ള​ർ​ച്ച​യു​ടെ ഓ​രോ ഘ​ട്ട​വും കു​ട്ടി​ക​ൾ​ക്കു നേ​രി​ട്ടു മ​ന​സി​ലാ​ക്കാ​ൻ സാ​ധി​ക്കു​ന്ന​ത് അ​വ​ർ​ക്കു ല​ഭി​ക്കു​ന്ന വ​ലി​യൊ​രു ഭാ​ഗ്യ​മാ​ണ്.

തോ​ട്ട​ത്തി​ന്‍റെ പ​ല ഭാ​ഗ​ങ്ങ​ളി​ലും ന​ട്ടു​പി​ടി​പ്പി​ച്ചി​ട്ടു​ള്ള ബ​ന്തി​ച്ചെ​ടി​ക​ളു​ടെ പ്ര​ത്യേ​ക ഗ​ന്ധം കീ​ട​ങ്ങ​ളെ പ​ച്ച​ക്ക​റി​ത്തോ​ട്ട​ത്തി​ൽ​നി​ന്ന് അ​ക​റ്റി നി​ർ​ത്തു​ന്നു. ഇ​വ​ർ സ്വീ​ക​രി​ച്ചി​രി​ക്കു​ന്ന പ്ര​കൃ​തി ത​രു​ന്ന ഈ ​ജൈ​വ പ്ര​തി​രോ​ധ മാ​ർ​ഗം തി​ക​ച്ചും മാ​തൃ​കാ​പ​ര​മാ​ണ്.

സ​മ​ഗ്ര​മാ​യ മാ​റ്റ​ങ്ങ​ൾ

വി​ള​വെ​ടു​ത്ത പ​ച്ച​ക്ക​റി​ക​ൾ സ്കൂ​ൾ ഉ​ച്ച​ഭ​ക്ഷ​ണ പ​ദ്ധ​തി​യി​ൽ ഉ​പ​യോ​ഗി​ക്കു​ന്ന​തി​ലൂ​ടെ വി​ഷാം​ശ​മി​ല്ലാ​ത്ത പ​ച്ച​ക്ക​റി​ക​ൾ ക​ഴി​ക്കാ​ൻ കു​ട്ടി​ക​ൾ​ക്ക് അ​വ​സ​രം ല​ഭി​ക്കു​ന്നു. സീ​സ​ണ്‍ സ​മ​യ​ത്ത് ല​ഭി​ക്കു​ന്ന കു​ക്കു​ന്പ​ർ ഉ​പ​യോ​ഗി​ച്ച് നി​ർ​മി​ക്കു​ന്ന സ​ലാ​ഡ് കു​ട്ടി​ക​ൾ​ക്ക് ഏ​റെ പ്രി​യ​പ്പെ​ട്ട​താ​ണ്.

പ​റ​ന്പി​ൽ ഏ​ക​ദേ​ശം 400 മൂ​ട് ക​പ്പ കൃ​ഷി ചെ​യ്യു​ന്നു​ണ്ട്, ക​പ്പ​യി​ലെ ത​ന്നെ നാ​ട​ൻ ഇ​ന​ങ്ങ​ളാ​ണ് ഇ​വി​ടെ കൃ​ഷി​ചെ​യ്ത് പോ​രു​ന്ന​ത്.

ശീ​ത​കാ​ല വി​ള​ക​ൾ

ന​വം​ബ​ർ മാ​സ​ത്തോ​ടെ ശീ​ത​കാ​ല കൃ​ഷി​ക്ക് നി​ല​മൊ​രു​ക്കു​ക​യാ​ണ് അ​ടു​ത്ത ഘ​ട്ടം. ശീ​ത​കാ​ല വി​ള​ക​ളാ​യ കാ​ബേ​ജ്, കോ​ളി​ഫ്ള​വ​ർ, ബ്രൊ​ക്കോ​ളി, ക്യാ​ര​റ്റ്, ബീ​റ്റ്റൂ​ട്ട് തു​ട​ങ്ങി​യ​വ ന​വം​ബ​ർ മാ​സം ന​ടു​ന്ന​തോ​ടെ ശീ​ത​കാ​ല കൃ​ഷി​ക്കു തു​ട​ക്ക​മാ​യി.

വ​ള​ർ​ച്ച​യു​ടെ വി​വി​ധ​ഘ​ട്ട​ങ്ങ​ൾ പി​ന്നി​ടു​ന്ന ശീ​ത​കാ​ല വി​ള​ക​ൾ കു​ട്ടി​ക​ൾ​ക്കും മാ​താ​പി​താ​ക്ക​ൾ​ക്കും പൊ​തു​ജ​ന​ങ്ങ​ൾ​ക്കും കാ​ഴ്ച​യു​ടെ വ​സ​ന്തം വി​ട​ർ​ത്തും. ഈ ​വി​ള​ക​ൾ കാ​ണു​ന്ന​തി​നും കൃ​ഷി രീ​തി​ക​ൾ മ​ന​സി​ലാ​ക്കു​ന്ന​തി​നു​മാ​യി ധാ​രാ​ളം ആ​ളു​ക​ൾ സ്കൂ​ളി​ലെ​ത്താ​റു​ണ്ട്.

ക​ഴി​ഞ്ഞ 10 വ​ർ​ഷ​മാ​യി മു​ട​ങ്ങാ​തെ സ്കൂ​ളി​ൽ ഭ​ക്ഷ്യ​മേ​ള ന​ട​ത്തി​വ​രു​ന്നു. തോ​ട്ട​ത്തി​ൽ​നി​ന്നു പ​റി​ച്ചെ​ടു​ക്കു​ന്ന ക​പ്പ​യും ചേ​ന​യും കാ​ച്ചി​ലു​മെ​ല്ലാം ഉ​പ​യോ​ഗി​ച്ച് ത​യാ​റാ​ക്കു​ന്ന വി​ഭ​വ​ങ്ങ​ൾ മേ​ള​യു​ടെ മാ​റ്റു​കൂ​ട്ടു​ന്നു. നാ​ട​ൻ വി​ഭ​വ​ങ്ങ​ൾ ആ​ണ് ഭ​ക്ഷ്യ​മേ​ള​യു​ടെ ആ​ക​ർ​ഷ​ണീ​യ​ത.

ക​പ്പ​ബി​രി​യാ​ണി​യാ​ണ് രു​ചി​യി​ലും ജ​ന​പ്രീ​തി​യി​ലും മു​ന്നി​ൽ. വ​റ്റ മീ​ൻ കൊ​ണ്ടു​ണ്ടാ​ക്കി​യ മീ​ൻ​ക​റി​യും ക​പ്പ​യും ആ​ണ് മ​റ്റൊ​രു വി​ഭ​വം, കോ​ളി​ഫ്ള​വ​ർ ബ​ജി കു​ട്ടി​ക​ൾ​ക്ക് ഏ​റെ പ്രി​യ​പ്പെ​ട്ട മ​റ്റൊ​രു വി​ഭ​വ​മാ​ണ്.

ഒ​ട്ടേ​റെ മ​റ്റു വി​ഭ​വ​ങ്ങ​ളും ഭ​ക്ഷ്യ​മേ​ള​യി​ൽ ഇ​ടം പി​ടി​ക്കാ​റു​ണ്ട് കൂ​ടാ​തെ പ​റ​മ്പിൽ​നി​ന്നു ശേ​ഖ​രി​ക്കു​ന്ന പ​ച്ച​ക്ക​റി​ക​ൾ, ക​പ്പ, ചേ​ന, കാ​ച്ചി​ൽ, ചേ​ന്പ് തു​ട​ങ്ങി​യ​വ വാ​ങ്ങു​വാ​ൻ നി​ര​വ​ധി നാ​ട്ടു​കാ​രും മാ​താ​പി​താ​ക്ക​ളും എ​ത്തി​ച്ചേ​രാ​റു​ണ്ട്. നാ​ടി​ന്‍റെ ഉ​ത്സ​വ​മാ​യി ഇ​വി​ടു​ത്തെ ഭ​ക്ഷ്യ​മേ​ള മാ​റി​യി​ട്ടു​ണ്ട് എ​ന്ന​താ​ണ് സ​ത്യം.

അം​ഗീ​കാ​ര​ങ്ങ​ളു​ടെ നെ​റു​ക​യി​ൽ

സം​സ്ഥാ​ന വി​ദ്യാ​ഭ്യാ​സ വ​കു​പ്പ്, സം​സ്ഥാ​ന കൃ​ഷി വ​കു​പ്പ്, കേ​ന്ദ്ര പോ​സ്റ്റ​ൽ ഡി​പ്പാ​ർ​ട്ട്മെ​ന്‍റ്, കോ​ട്ട​യം ജി​ല്ലാ കൃ​ഷി വ​കു​പ്പ്, ച​ങ്ങ​നാ​ശേ​രി സ​ബ് ജി​ല്ലാ വി​ദ്യാ​ഭ്യാ​സ വ​കു​പ്പ്, ച​ങ്ങ​നാ​ശേ​രി അ​തി​രൂ​പ​ത കോ​ർ​പ​റേ​റ്റ് മാ​നേ​ജ്മ​ന്‍റ്, മാ​ട​പ്പ​ള്ളി ഗ്രാ​മ​പ​ഞ്ചാ​യ​ത്ത് തു​ട​ങ്ങി നി​ര​വ​ധി ഇ​ട​ങ്ങ​ളി​ൽ​നി​ന്നു ബി​നു​സാ​റി​നെ​യും സ്കൂ​ളി​നെ​യും തേ​ടി അം​ഗീ​കാ​ര​ങ്ങ​ൾ എ​ത്തി​യി​ട്ടു​ണ്ട്.

2019ൽ ​സം​സ്ഥാ​ന സ​ർ​ക്കാ​രി​ന്‍റെ ഏ​റ്റ​വും മി​ക​ച്ച അ​ധ്യാ​പ​ക​നു​ള്ള അ​വാ​ർ​ഡും 2025ൽ ​ച​ങ്ങ​നാ​ശേ​രി അ​തി​രൂ​പ​ത കോ​ർ​പ്പ​റേ​റ്റ് മാ​നേ​ജ്മെ​ന്‍റി​ന്‍റെ ഏ​റ്റ​വും മി​ക​ച്ച അ​ധ്യാ​പ​ക അ​വാ​ർ​ഡും അ​ദ്ദേ​ഹ​ത്തി​ന് ല​ഭി​ച്ചു.

കൂ​ടാ​തെ കേ​ര​ള സ​ർ​ക്കാ​രി​ന്‍റെ കൃ​ഷി വി​ക​സ​ന ക​ർ​ഷ​ക ക്ഷേ​മ വ​കു​പ്പ് ഏ​ർ​പ്പെ​ടു​ത്തി​യ പ​ച്ച​ക്ക​റി വി​ക​സ​ന പ​രി​പാ​ടി​യി​ൽ പൊ​തു​സ്ഥാ​പ​ന​ങ്ങ​ളു​ടെ വി​ഭാ​ഗ​ത്തി​ൽ ഒ​ന്നാം സ്ഥാ​ന​വും ഈ ​വി​ദ്യാ​ല​യം ക​ര​സ്ഥ​മാ​ക്കി.

കോ​ട്ട​യം ജി​ല്ലാ കൃ​ഷി വ​കു​പ്പി​ന്‍റെ മി​ക​ച്ച പ്ര​ഥ​മാ​ധ്യാ​പ​ക​ൻ, ജി​ല്ല​യി​ലെ മി​ക​ച്ച പൊ​തു​സ്ഥാ​പ​നം, മാ​ട​പ്പ​ള്ളി പ​ഞ്ചാ​യ​ത്തി​ലെ മി​ക​ച്ച ഹ​രി​ത വി​ദ്യാ​ല​യം, രാ​ഷ്ട്ര​ദീ​പി​ക ലി​മി​റ്റ​ഡ് ഏ​ർ​പ്പെ​ടു​ത്തി​യ "ജൈ​വ നന്മ’ ​അ​വാ​ർ​ഡ്, പോ​സ്റ്റ​ൽ വ​കു​പ്പി​ന്‍റെ "സ്വ​ച്ഛ​താ ഹി ​സേ​വ’ പു​ര​സ്കാ​രം എ​ന്നി​വ അ​വ​യി​ൽ ചി​ല​താ​ണ്.

സ്കൂ​ൾ വ​ള​പ്പി​ൽ പ​രി​പാ​ലി​ച്ചു​പോ​രു​ന്ന ഫ​ല​വൃ​ക്ഷ​ങ്ങ​ളും പൂ​ന്തോ​ട്ട​വും ഏ​വ​രു​ടെ​യും ശ്ര​ദ്ധ പി​ടി​ച്ചു​പ​റ്റും. ഓ​ണ​ത്തി​നു മു​ന്നോ​ടി​യാ​യി ഓ​ണ​പ്പൂ​ക്ക​ള​ത്തി​നു​ള്ള ബ​ന്ദി​പ്പൂ കൃ​ഷി ഒ​രു കാ​ഴ്ച ത​ന്നെ​യാ​ണ്. ഉ​ദ്യാ​ന​ത്തി​നു ന​ടു​വി​ലു​ള്ള മീ​ൻ​കു​ള​വും ഹൃ​ദ്യ​മാ​യ കാ​ഴ്ച ന​ൽ​കു​ന്നു.

12 മാ​സ​വും ഫ​ലം ത​രു​ന്ന പ്ലാ​വ്, മാ​വ്, പേ​ര, ലൂ​വി, പീ​ന​ട്ട്, സ​പ്പോ​ർ​ട്ട തു​ട​ങ്ങി​യ ഫ​ല വൃ​ക്ഷ​ങ്ങ​ളും ല​ക്ഷ്മി ത​രു, മാ​ത​ളം, നെ​ല്ലി പോ​ലു​ള്ള ഔ​ഷ​ധ വൃ​ക്ഷ​ങ്ങ​ളും ഇ​വി​ടു​ത്തെ ജൈ​വ ഉ​ദ്യാ​ന​ത്തി​ന് മാ​റ്റ് കൂ​ട്ടു​ന്നു.

കൂ​ട്ടാ​യ്മ​യു​ടെ വി​ജ​യ​മാ​യി മാ​റി​യ ഇ​വി​ടു​ത്തെ കൃ​ഷി പ്ര​വ​ർ​ത്ത​ന​ങ്ങ​ൾ വ​ള​രെ അ​നു​ക​ര​ണീ​യ​മാ​ണ്. വി​ദ്യ​ർ​ഥി​ക​ളി​ൽ കൃ​ഷി​യോ​ടു​ള്ള താ​ല്പ​ര്യം വ​ള​ർ​ത്തു​ന്ന​തി​നു​ള്ള മാ​ട​പ്പ​ള്ളി പ​ഞ്ചാ​യ​ത്തി​ന്‍റെ ഈ ​വ​ർ​ഷ​ത്തെ സ​മ​ഗ്ര പ​ച്ച​ക്ക​റി കൃ​ഷി പ​ദ്ധ​തി ഉ​ദ്ഘാ​ട​നം ചെ​യ്യ​പ്പെ​ട്ട​തും ഈ ​വി​ദ്യാ​ല​യ​ത്തി​ൽ​വെ​ച്ചാ​യി​രു​ന്നു.

ക​ഴി​ഞ്ഞ ഒ​രു ദ​ശ​ക​ത്തോ​ള​മാ​യി ഹെ​ഡ്മാ​സ്റ്റ​ർ ബി​നു ജോ​യി​യു​ടെ നേ​തൃ​ത്വ​ത്തി​ൽ അ​ധ്യാ​പ​ക​രും വി​ദ്യാ​ർ​ഥി​ക​ളും ചേ​ർ​ന്ന് ന​ട​ത്തി​യ ഈ ​കൂ​ട്ടാ​യ പ​രി​ശ്ര​മം സ​മാ​ന​ത​ക​ളി​ല്ലാ​ത്ത വി​ജ​യ​മാ​യി മാ​റി​യി​രി​ക്കു​ക​യാ​ണ്.

കു​ട്ടി​ക്ക​ർ​ഷ​ക​ൻ ഇ-​മെ​യി​ൽ വി​ലാ​സം: [email protected]

Tags : Kurumpanadom Karshakan Agriculture