കെഎസ്ആർടിസി അന്തർസംസ്ഥാന സർവീസുകളിൽ ഫ്ലെക്സി നിരക്ക് : Deepika.com Kerala News |

Click here for detailed news of all items

കെഎസ്ആർടിസി അന്തർസംസ്ഥാന സർവീസുകളിൽ ഫ്ലെക്സി നിരക്ക്

Sunday, April 14, 2024 1:02 AM IST

പ്രദീപ് ചാത്തന്നൂർ

ചാത്തന്നൂർ: അന്തർ സംസ്ഥാനയാത്രക്കാരുടെ തിരക്ക് ഏറെയുള്ള മേയ്, ജൂൺ ജൂലൈ മാസങ്ങളിൽ കെഎസ്ആർടിസിയുടെയും കെ സ്വിഫ്റ്റിന്‍റെയും ബസുകളിൽ ഫ്ലെക്സി (സീസൺ അനുസരിച്ച് ടിക്കറ്റ് നിരക്കിൽ വ്യത്യാസം വരുത്തുക) നിരക്ക് നടപ്പാക്കും.

ഈ മാസങ്ങളിൽ ബംഗളൂരു, മൈസൂരു, ചെന്നൈ എന്നിവിടങ്ങളിൽനിന്ന് കേരളത്തിലെ വിവിധകേന്ദ്രങ്ങളിലേയ്ക്ക് അധിക സർവീസുകളും നടത്തും. കൂടുതൽ തിരക്ക് അനുഭവപ്പെടുന്ന റൂട്ടുകളിലേക്കായിരിക്കും അധിക സർവീസുകൾ.

അന്തർ സംസ്ഥാന സർവീസുകളുടെ ആകെ ദൂരത്തിന്‍റെ 75 ശതമാനത്തിലധികം വരുന്ന ദൂരത്തിലേക്ക് ഏത് സമയവും ടിക്കറ്റ് റിസർവ് ചെയ്യാം. യാത്രക്കാരുടെ തിരക്ക് കുറവുള്ള ചൊവ്വ, ബുധൻ വ്യാഴം ദിവസങ്ങളിൽ ടിക്കറ്റ് നിരക്കിളവ് ലഭിക്കും.

എസി സ്ലീപർ, മൾട്ടി ആക്സിൽ, എസി സീറ്റർ എന്നീ അന്തർ സംസ്ഥാന സർവീസുകളിൽ 15 ശതമാനമായിരിക്കും നിരക്കിളവ്. എന്നാൽ വെള്ളി, ശനി, ഞായർ ദിവസങ്ങളിൽ 30 ശതമാനം കൂടുതലായിരിക്കും ടിക്കറ്റ് നിരക്ക്.

സൂപ്പർ ഡീലക്സ്, സൂപ്പർ എക്സ്പ്രസ് ബസുകളിൽ ചൊവ്വ, ബുധൻ വ്യാഴം ദിവസങ്ങളിൽ സാധാരണ നിരക്കായിരിക്കും.

വെള്ളി, ശനി, ഞായർ ദിവസങ്ങളിൽ 30 ശതമാനം കൂടുതലായിരിക്കും. തിരക്ക് കുറവുള്ള ഭാഗത്തേയ്ക്ക് യാത്രക്കാരെ ആകർഷിക്കുന്നതിനായി മാന്വൽ ടിക്കറ്റുകൾക്ക് 10 ശതമാനവും ഓൺലൈൻ റിസർവേഷൻ ടിക്കറ്റുകൾക്ക് 15 ശതമാനവും നിരക്കിളവ് ഉണ്ടായിരിക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.