തോ​രാ​മ​ഴ​യും തൊ​ഴി​ൽനഷ്‌ടവും; ജ​ന​ജീ​വി​തം പ്ര​തി​സ​ന്ധി​യി​ൽ
Tuesday, June 3, 2025 5:34 AM IST
റാ​ന്നി: തു​ട​ർ​ച്ച​യാ​യ മ​ഴ​യേ തു​ട​ർ​ന്നു​ള്ള പ്ര​തി​സ​ന്ധി സാ​ധാ​ര​ണ​ക്കാ​രു​ടെ ജീ​വി​ത​ത്തെ താ​ളം തെ​റ്റി​ച്ചു. മ​ല​യോ​ര​ത്തും പ​ടി​ഞ്ഞാ​റ​ൻ മേ​ഖ​ല​യി​ലും ഒ​രേ​പോ​ലെ പ്ര​തി​സ​ന്ധി നി​ല​നി​ൽ​ക്കു​ക​യാ​ണ്.

ഒ​രു മാ​സ​ത്തി​ലേ​റെ​യാ​യി തു​ട​ർ​ച്ച​യാ​യി പെ​യ്യു​ന്ന മ​ഴ കാ​ര​ണം സ്ഥി​ര വ​രു​മാ​ന​മി​ല്ലാ​ത്ത കു​ടും​ബ​ങ്ങ​ളു​ടെ സ്ഥി​തി ദ​യ​നീ​യ​മാ​യി. ര​ണ്ടു​ദി​വ​സ​മാ​യി മ​ഴ പെ​യ്യു​ന്നി​ല്ലെ​ങ്കി​ലും തൊ​ഴി​ലി​ട​ങ്ങ​ൾ സ​ജീ​വ​മാ​യി​ട്ടി​ല്ല. സ്കൂ​ൾ തു​റ​ക്കു​ന്ന സ​മ​യം കൂ​ടി​യാ​യ​തി​നാ​ൽ കു​ടും​ബ ബ​ജ​റ്റു​ക​ൾ ത​കി​ടം മ​റി​ഞ്ഞു.

റ​ബ​ർ ടാ​പ്പ് ചെ​യ്തു ജീ​വി​ക്കു​ന്ന തൊ​ഴി​ലാ​ളി കു​ടും​ബ​ങ്ങ​ളും പ​ട്ടി​ണി​യി​ലാ​ണ്. ടാ​പ്പിം​ഗ് ന​ട​ന്നി​ട്ടു മാ​സ​ങ്ങ​ളാ​യി. ഷേ​ഡ് ഉ​പ​യോ​ഗി​ച്ചി​ട്ടു​ള്ള തോ​ട്ട​ങ്ങ​ളി​ലും തു​ട​ർ​ച്ച​യാ​യ മ​ഴ ടാ​പ്പിം​ഗി​നെ ബാ​ധി​ച്ചു. തോ​ട്ട​ങ്ങ​ളി​ൽ കാ​ടു തെ​ളി​ക്കാ​തെ കി​ട​ക്കു​ന്ന​തു കാ​ര​ണം വ​ന്യ​മൃ​ഗ​ങ്ങ​ളു​ടെ ശ​ല്യ​വും കി​ഴ​ക്ക​ൻ മേ​ഖ​ല​യി​ലു​ണ്ട്.

റ​ബ​ർ വി​ല​യി​ലാ​ണ് അ​സ്ഥി​ര​ത​യാ​ണ് ഈ ​മേ​ഖ​ല​യി​ലെ മ​റ്റൊ​രു പ്ര​തി​സ​ന്ധി. ടാ​പ്പിം​ഗ് ന​ട​ത്താ​നോ റ​ബ​ർ കൃ​ഷി​യെ സം​ര​ക്ഷി​ക്കാ​നും ക​ർ​ഷ​ക​ർ പ​ല​രും ത​യാ​റാ​കു​ന്നി​ല്ല. മെ​ച്ച​പ്പെ​ട്ട വി​ല ല​ഭി​ക്കാ​തെ വ​ന്ന​തോ​ടെ ഏ​റെ​പ്പേ​രും റ​ബ​ർ കൃ​ഷി ഉ​പേ​ക്ഷി​ക്കു​ക​യാ​യി​രു​ന്നു. ചി​ല തോ​ട്ട​ങ്ങ​ൾ തൊ​ഴി​ലാ​ളി​ക​ളു​മാ​യി ആ​ദാ​യം വീ​തം​വ​ച്ച് ടാ​പ്പ് ചെ​യ്യു​ന്നു​ണ്ട്. പ്ലാ​സ്റ്റി​ക് ഷേ​ഡ് ഉ​പ​യോ​ഗി​ച്ച് മ​ഴ​ക്കാ​ല​ത്തു ന​ട​ത്തി​വ​ന്ന ടാ​പ്പിം​ഗും ലാ​ഭ​ക​ര​മ​ല്ലെ​ന്നു വ​ന്ന​തോ​ടെ നി​ർ​ത്തി.

ഇ​തോ​ടെ ടാ​പ്പിം​ഗ് തൊ​ഴി​ലാ​ളി കു​ടും​ബ​ങ്ങ​ൾ​ക്ക് മ​ഴ​ക്കാ​ല​ത്ത് ജീ​വി​ത​മാ​ർ​ഗം അ​ട​ഞ്ഞ സ്ഥി​തി​യാ​ണ്. ടാ​ക്സി ഡ്രൈ​വ​ർ​മാ​ർ, മ​റ്റു പു​റ​ത്തു പ​ണി​യെ​ടു​ക്കു​ന്ന​വ​ർ സ​ർ​ക്കാ​ർ, സ്വ​കാ​ര്യ ജോ​ലി​ക​ളി​ല്ലാ​ത്ത സാ​ധാ​ര​ണ​ക്കാ​ർ എ​ന്നി​വ​രു​ടെ​യെ​ല്ലാം ജീ​വി​ത​മാ​ർ​ഗ​ങ്ങ​ൾ വ​ഴി​മു​ട്ടു​ക​യാ​ണ്.

വ​രു​മാ​നം നി​ല​ച്ച ക​ർ​ഷ​ക​രും സാ​ധാ​ര​ണ​ക്കാ​രു​മാ​യ​വ​രു​ടെ കു​ടും​ബ​ങ്ങ​ൾ​ക്ക് സ​ർ​ക്കാ​ർ സ​ഹാ​യ​ങ്ങ​ളും ഇ​ല്ല. വി​വി​ധ ക്ഷേ​മ പെ​ൻ​ഷ​നു​ക​ൾ കൃ​ത്യ​മാ​യി ല​ഭി​ക്കാ​ത്ത​തും പ്ര​തി​സ​ന്ധി​യു​ടെ ആ​ഴം കൂ​ട്ടി.

നി​ത്യോ​പ​യോ​ഗ സാ​ധ​ന​ങ്ങ​ൾ​ക്കു വി​ല കു​തി​ച്ചു​യ​രു​ന്ന​തും ഇ​വ​രു​ടെ ജീ​വി​ത​ത്തെ സാ​ര​മാ​യി ബാ​ധി​ച്ചു. കു​ട്ടി​ക​ളെ സ്കൂ​ളു​ക​ളി​ലേ​ക്ക് അ​യ​യ്ക്കു​ന്ന​തി​നു മു​ന്പാ​യി പ​ഠ​ന​സാ​മ​ഗ്രി​ക​ളും യൂ​ണി​ഫോ​മു​മൊ​ക്കെ വാ​ങ്ങേ​ണ്ട​വ​രും ബു​ദ്ധി​മു​ട്ടു​ക​യാ​ണ്.

ബാ​ഗി​നും കു​ട​ക​ൾ​ക്കു​മെ​ല്ലാം വി​പ​ണി​യി​ൽ വി​ല കു​തി​ച്ചു​യ​ർ​ന്നി​രി​ക്കു​ക​യാ​ണ്. താ​ഴെ​ത്ത​ട്ടി​ലു​ള്ള കു​റെ ആ​ളു​ക​ൾ​ക്ക് മാ​ത്ര​മാ​ണ് സ​ർ​ക്കാ​ർ സ​ന്ന​ദ്ധ സം​ഘ​ട​ന​ക​ൾ എ​ന്നി​വ​രു​ടെ​യൊ​ക്കെ സ​ഹാ​യം ല​ഭി​ക്കു​ക.

എ​ന്നാ​ൽ ഇ​ട​ത്ത​ര​ക്കാ​രു​ടെ പ്ര​ശ്ന​ങ്ങ​ൾ​ക്കു പ​രി​ഹാ​രം തേ​ടാ​ൻ ക​ഴി​യു​ന്നി​ല്ല. അ​രി, തേ​ങ്ങ, വെ​ളി​ച്ചെ​ണ്ണ, മീ​ൻ, നി​ത്യോ​പ​യോ​ഗ സാ​ധ​ന​ങ്ങ​ൾ എ​ന്നി​വ​യു​ടെ വി​ല​ക​ൾ ഓ​രോ ദി​വ​സ​വും കു​തി​ച്ചു​യ​രു​ക​യാ​ണ്.
Copyright @ 2018 , Rashtra Deepika Ltd.