കൊച്ചി: കോഴിക്കറിയുടെ രുചിപ്പാട്ടായി. ലോക ചിക്കൻ കറി ദിനത്തിൽ ഈസ്റ്റേൺ ആണ് ‘ചിക്കൻ സോംഗ്’ എന്നപേരിൽ ഫോക്-റോക്ക് മ്യൂസിക് ഫിലിം പുറത്തിറക്കിയത്.
കേരളത്തിന്റെ തനത് രുചിവൈവിധ്യങ്ങളെയും സാംസ്കാരികപൈതൃകത്തെയും കോർത്തിണക്കിയാണു പാട്ടിന്റെ അവതരണം.
മലയാളിയുടെ ദൈനംദിന ജീവിതത്തിലും ആഘോഷങ്ങളിലും ഒഴിച്ചുകൂടാനാകാത്ത സാന്നിധ്യമായ കോഴിക്കറി വിഭവത്തോടുള്ള ആദരമാണ് ഈ സംഗീതശില്പമെന്ന് ഈസ്റ്റേൺ സിഇഒ ഗിരീഷ് നായർ പറഞ്ഞു.
സാധാരണക്കാരന്റെ പ്രാതൽ മുതൽ വലിയ ആഘോഷങ്ങളിലെ വിരുന്നുകളിൽ വരെ കോഴിക്കറി എങ്ങനെ ഒരു വികാരമായി മാറുന്നുവെന്ന് പാട്ടിലൂടെ ആവിഷ്കരിക്കുന്നുണ്ടെന്നും അദ്ദേഹം പറഞ്ഞു.
പിന്നണി ഗായകൻ സൂരജ് സന്തോഷും നടൻ മണിക്കുട്ടനും അണിനിരക്കുന്ന ഗാനാവിഷ് കാരം മൃദുൽ നായരാണു സംവിധാനം ചെയ്തത്. സുഹൈൽ കോയയുടെ വരികൾക്ക് മണികണ്ഠൻ അയ്യപ്പ ഈണമിട്ടു. കൊച്ചിയിൽ നടന്ന ചടങ്ങിൽ പാട്ടിന്റെ അവതരണം നടത്തി.
Tags : Eastern 'Chicken Song released