ഡൽഹി ആസ്ഥാനമായ പ്രസാർ ഭാരതിയുടെ കീഴിലെ ആകാശവാണി, ദൂരദർശൻ കേന്ദ്രങ്ങളിൽ ടെക്നിക്കൽ ഇന്‍റേൺ തസ്‌തികയിൽ അവസരം. ഡൽഹി ഹെഡ് ഓഫീസിലും സൗത്ത്, വെസ്റ്റ്, നോർത്ത്, നോർത്ത് ഈസ്റ്റ്, ഈസ്റ്റ് സോണുകളിലായി 410 ഒഴിവ്.
ഒരു വർഷ കരാർ നിയമനമാണ്. സൗത്ത് സോണിനു കീഴിൽ തിരുവനന്തപുരം ആകാശവാണി, ദൂരദർശൻ കേന്ദ്രങ്ങളിലായി 9 ഒഴിവുകളുണ്ട്. ജൂൺ 30 വരെ ഓൺലൈനായി അപേക്ഷിക്കാം.
യോഗ്യത: ഇലക്ട്രോണിക്സ്/ടെലികമ്യൂണിക്കേഷൻ/ ഇലക്‌ട്രിക്കൽ/ സിവിൽ/ ഐടി/ കംപ്യൂട്ടർ സയൻസ് എൻജിനിയറിംഗ് വിഭാഗങ്ങളിൽ ബിരുദം/ പിജി (65% മാർക്കോടെ). അവസാന വർഷ ഫലം കാക്കുന്നവർക്കും അപേക്ഷിക്കാം.
പ്രായം: 30 കവിയരുത്. സ്റ്റൈപൻഡ്: 25,000. www.prasarbharati.gov.in