എൽഐസി ഹൗസിംഗ് ഫിനാൻസ് ലിമിറ്റഡിൽ 250 അപ്രന്‍റിസ് ഒഴിവ്. ജൂൺ 30 വരെ ഓൺലൈനായി അപേക്ഷിക്കാം. ഒരു വർഷത്തേക്കാണ് അപ്രന്‍റിസ്ഷിപ്പ്. കേരളത്തിൽ എറണാകുളം (2 ഒഴിവ്), തൃശൂർ (2) കൊല്ലം, കോഴിക്കോട്, പാലക്കാട് എന്നിവിടങ്ങളിലായി 7 ഒഴിവുകളുണ്ട്.
യോഗ്യത: ബിരുദം. 2021 ജൂൺ ഒന്നിനുശേഷം യോഗ്യത നേടിയവരാകണം. പ്രായം: 20-25. യോഗ്യത, പ്രായം എന്നിവ 2025 ജൂൺ 1 അടിസ്ഥ‌ാനമാക്കി കണക്കാക്കും. തെരഞ്ഞെടുപ്പ്: എൻട്രൻസ് പരീക്ഷ, ഇന്‍റർവ്യൂ എന്നിവയുടെ അടിസ്‌ഥാനത്തിൽ. ഒരു മണിക്കൂർ ദൈർഘ്യമുള്ള പരീക്ഷ ജൂലൈ 3നു നടത്തും.
സ്റ്റൈപെൻഡ്: 12,000. ഫീസ്: 944 രൂപ. പട്ടികവിഭാഗം വനിതകൾക്ക് 708 രൂപ. ഭിന്നശേഷിക്കാർക്കു 472രൂപ. ഓൺലൈനായി അടയ്ക്കാം.
അപേക്ഷിക്കേണ്ട വിധം: ഓൺലൈൻ രജിസ്ട്രേഷൻ ഉൾപ്പെടെയുള്ളവ www.nats. education.gov.in എന്ന വെബ്സൈറ്റിലൂടെയാണു ചെയ്യേണ്ടത്. വിജ്ഞാപനം www. lichousing.com എന്ന വെബ്സൈറ്റിൽ.