18

കൊ​ല്ലം: അ​ന്ത​രീ​ക്ഷ​വും പ്ര​ചാ​ര​ണ​രം​ഗ​വും ഒ​രു പോ​ലെ ക​ത്തി​ക്കയറുകയാ​ണ്. ഓ​രോ മ​ണ്ഡ​ല​വും വീ​റും വാ​ശി​യും പ്ര​ക​ടി​പ്പി​ച്ചു​ക​ഴി​ഞ്ഞു.​ വാ​ക്പോ​രി​ലും പ്ര​വ​ർ​ത്ത​ക​രു​ടെ വാ​ശി​യേ​റി​യ വോ​ട്ട് അ​ഭ്യ​ർ​ഥന​യി​ലും തീ​പി​ടി​ച്ച് തെ​ര​ഞ്ഞെ​ടു​പ്പ് പ്ര​ചാ​ര​ണം. ജി​ല്ല​യി​ലെ വ​ഴി​ക​ളി​ലെ​ല്ലാം രാ​ഷ്ട്രീ​യ പാ‌​ർ​ട്ടി​ക​ളു​ടെ തെ​ര​ഞ്ഞെ​ടു​പ്പ് സ്ക്വാ​ഡു​ക​ളും അ​നൗ​ൺ​സ്മെ​ന്‍റ് വാ​ഹ​ന​ങ്ങ​ളു​മാ​ണ്. ആ​വേ​ശ​ത്തി​ര​യി​ള​ക്കി സ്ഥാ​നാ​ർ​ഥിക​ളു​ടെ സ്വീ​ക​ര​ണ പ​ര്യ​ട​ന​വും ജി​ല്ല​യി​ലാ​കെ മു​ന്നേ​റു​ന്നു.

സ്ഥാ​നാ​ർ​ഥി​ക​ൾ വോ​ട്ട് തേ​ടി ഫീ​ൽ​ഡി​ലി​റ​ങ്ങു​മ്പോ​ൾ പാ​ർ​ട്ടി നേ​താ​ക്ക​ൾ അ​ണി​യ​റ​യി​ൽ ക​ണ​ക്കു​ക​ൾ കൂ​ട്ടി​ക്കി​ഴി​ക്കു​ക​യാ​ണ്. മൂ​ന്നു മു​ന്ന​ണി​ക​ളും ല​ഭി​ക്കാ​ൻ സാ​ധ്യ​ത​യു​ള്ള വോ​ട്ടു​ക​ൾ ബൂ​ത്ത് അ​ടി​സ്ഥാ​ന​ത്തി​ൽ പ​രി​ശോ​ധി​ച്ച് വ​രി​ക​യാ​ണ്. ചാ​ഞ്ചാ​ടി നി​ൽ​ക്കു​ന്ന വോ​ട്ടു​ക​ൾ പെ​ട്ടി​യി​ലാ​ക്കാ​നു​ള്ള ത​ന്ത്ര​ങ്ങ​ളും പ​യ​റ്റി​ത്തു​ട​ങ്ങി. അ​ടി​യൊ​ഴു​ക്കി​നു​ള്ള ശ്ര​മ​ങ്ങ​ളും നേ​താ​ക്ക​ൾ ന​ട​ത്തു​ന്നു​ണ്ട്.

ക​ന​ത്ത ചൂ​ടി​നെ അ​വ​ഗ​ണി​ച്ചാ​ണ് സ്ഥാ​നാ​ർ​ഥി​ക​ളു​ടെ സ്വീ​ക​ര​ണ പ​ര്യ​ട​ന​ങ്ങ​ൾ മു​ന്നേ​റു​ന്ന​ത്. ഇ​രു​ച​ക്ര വാ​ഹ​ന​ങ്ങ​ളു​ടെ​യും ചെ​ണ്ട​മേ​ള​ത്തി​ന്‍റെ​യും അ​ക​മ്പ​ടി​യോ​ടെ​യാ​ണ് സ്ഥാ​നാ​ർ​ഥി സ്വീ​ക​ര​ണ കേ​ന്ദ്ര​ങ്ങ​ളി​ലേ​ക്ക് എ​ത്തു​ന്ന​ത്. ചി​ലയിടത്ത് നൃ​ത്ത​ച്ചു​വ​ടു​ക​ളി​ലൂ​ടെ​യും സ്ഥാ​നാ​ർ​ഥി​യെ വ​ര​വേ​ൽ​ക്കു​ന്നു. എ​ല്ലാ സോ​ഷ്യ​ൽ മീ​ഡി​യ പ്ലാ​റ്റ്ഫോ​മു​ക​ളി​ലും സ്ഥാ​നാ​ർ​ഥി​ക​ളു​ടെ പ്ര​ചാ​ര​ണ പ​രി​പാ​ടി​ക​ളു​ടെ ചി​ത്ര​ങ്ങ​ളു​ടെ​യും വീ​ഡി​യോ​ക​ളു​ടെ​യും പ്ര​ള​യ​മാ​ണ്. പ​രി​പാ​ടി​ക​ൾ സോ​ഷ്യ​ൽ മീ​ഡി​യ​യി​ൽ ത​ത്സ​മ​യം അ​പ്പ് ലോ​ഡ് ചെ​യ്യാ​ൻ എ​ല്ലാ സ്ഥാ​നാ​ർ​ഥി​ക​ൾ​ക്കും ഒ​പ്പം സോ​ഷ്യ​ൽ മീ​ഡി​യ സം​ഘ​ങ്ങ​ളും സ​ഞ്ച​രി​ക്കു​ന്നു​ണ്ട്.

ജി​ല്ല​യി​ലെ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ എ​ൽ​ഡി​എ​ഫ് പ്ര​വ​ർ​ത്ത​ക​ർ​ക്ക് വ​ലി​യ ആ​വേ​ശം പ​ക​ർ​ന്നാ​ണ് മ​ട​ങ്ങി​യ​ത്. ശ​ശി​ത​രൂ​രും സ​ച്ചി​ൻ പൈ​ല​റ്റും കോ​ൺ​ഗ്ര​സി​നെ ആവേ​ശ​ത്തി​ലാ​ക്കി. ബി​ജെ​പി ദേ​ശീ​യ അ​ധ്യ​ക്ഷ​ൻ നി​തി​ൻ ന​ബീ​ൻ കൊ​ല്ല​ത്തും ക​രു​നാ​ഗ​പ്പ​ള്ളി​യി​ലും എ​ൻ​ഡി​എ​യു​ടെ പ്ര​ചാ​ര​ണ പ​രി​പാ​ടി​ക​ളി​ൽ പ​ങ്കെ​ടു​ത്തു. സി​പി​ഐ സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം വി​വി​ധ കേ​ന്ദ്ര​ങ്ങ​ളി​ൽ പ്ര​സം​ഗി​ച്ചു. യുഡിഎ​ഫ് ക്യാ​മ്പി​ന് ആ​വേ​ശം പ​ക​രാ​ൻ പ്രി​യ​ങ്ക ഗാ​ന്ധി എം​പി ഇ​ന്ന് കൊ​ല്ല​ത്തെ​ത്തും. പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ, എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി.​വേ​ണു​ഗോ​പാ​ൽ, മു​ൻ പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല എ​ന്നി​വ​ർ നേ​ര​ത്തെ ജി​ല്ല​യി​ൽ വ​ന്നു​പോ​യി​രു​ന്നു.

Tags : Local News Nattuvishesham Kollam