ADVERTISEMENT
ചങ്ങനാശേരി: തുരുത്തി-മുളയ്ക്കാംതുരുത്തി-വാലടി റൂട്ടില് ചങ്ങനാശേരിയില്നിന്നുള്ള കെഎസ്ആര്ടിസി ബസ് സര്വീസുകള് ഇന്നു രാവിലെ മുതല് ആരംഭിക്കും. ബസ് സര്വീസ് പുനരാരംഭിക്കാന് കെഎസ്ടിപി എക്സിക്യൂട്ടീവ് എന്ജിനിയര് കെഎസ്ആര്ടിസി അധികൃതര്ക്ക് രേഖാമൂലം നിര്ദേശം നല്കിയതിന്റെ അടിസ്ഥാനത്തിലാണിത്. കോട്ടയം ഡിപ്പോയില്നിന്നുള്ള ബസ് സര്വീസുകള് ഇന്നലെ ആരംഭിച്ചിരുന്നു.
മുളയ്ക്കാംതുരുത്തിക്കും വാലടിക്കുമിടയില് ഒരു കിലോമീറ്ററോളം ദൂരം റോഡ് സഞ്ചാരയോഗ്യമല്ലെന്ന് റൂട്ട് പരിശോധന നടത്തിയ ചങ്ങനാശേരി ഡിപ്പോ അധികൃതര് ചൂണ്ടിക്കാട്ടിയിട്ടുണ്ട്. ഇതിന്റെ അടിസ്ഥാനത്തില് ഗട്ടറുകള് നികത്തി റോഡ് സഞ്ചാരയോഗ്യമാക്കി വാഹനയാത്ര സുരക്ഷിതമാക്കാന് നിര്മാണജോലികള് ഏറ്റെടുത്തു നടത്തുന്ന കരാറുകാരന് നടപടി സ്വീകരിച്ചിട്ടുണ്ട്.
കെഎസ്ടിപി അനുമതി നല്കിയാല് തുരുത്തി-മുളയ്ക്കാംതുരുത്തി-വാലടി റൂട്ടില് സര്വീസുകള് പുനരാരംഭിക്കുമെന്ന് ചങ്ങനാശേരി കെഎസ്ആര്ടിസി ഡിപ്പോ അധികൃതര് അറിയിച്ചിരുന്നു. ഇതിന്റെ അടിസ്ഥാനത്തില് കെഎസ്ടിപി കോട്ടയം, ആലപ്പുഴ ഡിപ്പോയിലെ ഡിടിഒമാര്ക്ക് കഴിഞ്ഞദിവസം നിര്ദേശം നല്കിയിരുന്നു. ഇതോടെയാണ് ഇന്നലെ രാവിലെ മുതല് കോട്ടയം ഡിപ്പോയില്നിന്നുള്ള സര്വീസുകള് ആരംഭിച്ചത്.
റോഡ് വികസനത്തിന്റെ ഭാഗമായി വാലടി ഒന്നാം കലുങ്ക് നിര്മാണം നടന്നപ്പോള് കെഎസ്ടിപി നോട്ടീസ് നല്കിയതിന്റെ അടിസ്ഥാനത്തിലാണ് ഈ റൂട്ടിലെ ബസ് സര്വീസുകള് നിര്ത്തിവച്ചത്. ഈ റൂട്ടില് രണ്ടുമാസക്കാലമായി കെഎസ്ആര്ടിസി ബസ് സര്വീസ് നിര്ത്തിവച്ചിരുന്നതുമൂലം യാത്രക്കാര് ദുരിതപ്പെടുന്നതായി ദീപിക കഴിഞ്ഞ മൂന്നു ദിവസങ്ങളിലായി റിപ്പോര്ട്ട് ചെയ്തിരുന്നു. തുരുത്തി-മുളയ്ക്കാംതുരുത്തി-വാലടി-കിടങ്ങറ-എടത്വ-വീയപുരം റോഡ് നിര്മാണം കെഎസ്ടിപിയുടെ നേതൃത്വത്തില് പുരോഗമിച്ചുവരികയാണ്.
Tags : Local News Nattuvishesham Kottayam
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram