2

ദേ​ശീ​യ​പാ​ത​യോ​ര​ത്ത് അ​പ​ക​ട​ഭീ​ഷ​ണി​യാ​യി ഉ​പേ​ക്ഷി​ക്ക​പ്പെ​ട്ട വാ​ഹ​ന​ങ്ങ​ൾ

കൊ​ര​ട്ടി: ദേ​ശീ​യ​പാ​ത 544ൽ ​മു​രി​ങ്ങൂ​രി​നും കൊ​ര​ട്ടി​ക്കും ഇ​ട​യി​ൽ കോ​ട്ട​മു​റി ജം​ഗ്ഷ​നു​സ​മീ​പം വ​ർ​ഷ​ങ്ങ​ളാ​യി കാ​ടും വ​ള്ളി​പ്പ​ട​ർ​പ്പു​ക​ളും മൂ​ടി​ക്കി​ട​ന്ന കാ​ർ ദേ​ശീ​യ​പാ​ത​യോ​രം വൃ​ത്തി​യാ​ക്കു​ന്ന​തി​നി​ടെ പു​റ​ത്തെ​ടു​ത്തു. അ​പ​ക​ട​ത്തി​ൽ പ്പെ​ട്ട​തോ മ​റ്റേ​തെ​ങ്കി​ലും കേ​സു​മാ​യി ബ​ന്ധ​പ്പെ​ട്ട​തോ എ​ന്ന് വ്യ​ക്ത​മ​ല്ലാ​ത്ത നി​ല​യി​ൽ വ​ർ​ഷ​ങ്ങ​ളാ​യി പാ​ത​യോ​ര​ത്ത് കി​ട​ന്നി​രു​ന്ന വാ​ഹ​ന​മാ​ണ് ഇ​പ്പോ​ൾ കാ​ടു​വെ​ട്ടി​ത്തെ​ളി​ച്ച​തോ​ടെ പു​റ​ത്താ​യ​ത്.

വാ​ഹ​ന​ത്തി​ന്‍റെ അ​വ​ശി​ഷ്ട​ങ്ങ​ൾ​പോ​ലും തി​രി​ച്ച​റി​യാ​നാ​കാ​ത്ത​വി​ധം തു​രു​മ്പെ​ടു​ത്തു ന​ശി​ച്ച നി​ല​യി​ലാ​ണ്. കാ​ടും വ​ള്ളി​പ്പ​ട​ർ​പ്പു​ക​ളും മൂ​ടി​യി​രു​ന്ന​തി​നാ​ൽ ഇ​ത്ര​യും കാ​ലം വാ​ഹ​ന​ത്തി​ന്‍റെ സാ​ന്നി​ധ്യം ശ്ര​ദ്ധ​യി​ൽ​പ്പെ​ടാ​തി​രി​ക്കു​ക​യാ​യി​രു​ന്നു.
ദേ​ശീ​യ​പാ​ത​യു​ടെ ഇ​രു​വ​ശ​ങ്ങ​ളി​ലും ഇ​ത്ത​ര​ത്തി​ൽ നി​ര​വ​ധി വാ​ഹ​ന​ങ്ങ​ൾ അ​നാ​ഥ​മാ​യി കി​ട​ക്കു​ന്ന​താ​യി നാ​ട്ടു​കാ​ർ പ​റ​യു​ന്നു. അ​പ​ക​ട​ങ്ങ​ളി​ൽ​പ്പെ​ട്ട വാ​ഹ​ന​ങ്ങ​ളും വി​വി​ധ കേ​സു​ക​ളു​മാ​യി ബ​ന്ധ​പ്പെ​ട്ട വാ​ഹ​ന​ങ്ങ​ളും ഉ​ട​മ​ക​ളോ ബ​ന്ധ​പ്പെ​ട്ട അ​ധി​കൃ​ത​രോ നീ​ക്കം ചെ​യ്യാ​തെ പാ​ത​യോ​ര​ങ്ങ​ളി​ൽ ഉ​പേ​ക്ഷി​ക്കു​ന്ന​താ​ണ് പ്ര​ശ്ന​ത്തി​നു കാ​ര​ണ​മാ​കു​ന്ന​ത്.

കാ​ടു​മൂ​ടി​ക്കി​ട​ക്കു​ന്ന വാ​ഹ​ന​ങ്ങ​ൾ രാ​ത്രി​കാ​ല​ങ്ങ​ളി​ൽ ദൃ​ശ്യ​മാ​കാ​തെ പോ​കു​ന്ന​തും അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു​ണ്ട്. കൂ​ടാ​തെ സാ​മൂ​ഹി​ക​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കും മാ​ലി​ന്യം നി​ക്ഷേ​പി​ക്കു​ന്ന​തി​നു​മു​ള്ള ഇ​ട​ങ്ങ​ളാ​യി ഇ​ത്ത​രം വാ​ഹ​ന​ങ്ങ​ൾ മാ​റാ​നു​ള്ള സാ​ധ്യ​ത​യു​മു​ണ്ട്. ദീ​ർ​ഘ​കാ​ലം കി​ട​ക്കു​ന്ന വാ​ഹ​ന​ങ്ങ​ൾ തു​രു​മ്പെ​ടു​ത്ത് ന​ശി​ക്കു​ന്ന​തോ​ടെ പ​രി​സ​ര​വും മ​ലി​ന​മാ​കു​ന്നു.

ദേ​ശീ​യ​പാ​ത​യു​ടെ സു​ര​ക്ഷ​യ്ക്കും യാ​ത്ര​ക്കാ​രു​ടെ സു​ഗ​മ​മാ​യ സ​ഞ്ചാ​ര​ത്തി​നും ഭീ​ഷ​ണി​യാ​കു​ന്ന ത​ര​ത്തി​ൽ പാ​ത​യോ​ര​ങ്ങ​ളി​ൽ കി​ട​ക്കു​ന്ന ഉ​പേ​ക്ഷി​ക്ക​പ്പെ​ട്ട വാ​ഹ​ന​ങ്ങ​ൾ ക​ണ്ടെ​ത്തി പ​ട്ടി​ക ത​യാ​റാ​ക്കി അ​ടി​യ​ന്ത​ര​മാ​യി നീ​ക്കം ചെ​യ്യ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. അ​പ​ക​ട​ത്തി​ൽ​പ്പെ​ട്ട വാ​ഹ​ന​ങ്ങ​ളോ കേ​സു​ക​ളു​മാ​യി ബ​ന്ധ​പ്പെ​ട്ട വാ​ഹ​ന​ങ്ങ​ളോ ആ​ണെ​ങ്കി​ൽ ആ​വ​ശ്യ​മാ​യ നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്കി സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റാ​നും അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : Nattuvishesham DistrictNews DeepikaNews Car