മാനന്തവാടി: കേരള ജനത നാശത്തിന്റെ വക്കിലാണെന്നും നമ്മുടെ കുട്ടികളുടെ ഭാവിയെക്കുറിച്ച് ആശങ്കയുണ്ടെന്നും ലഹരിയുടെ കെണിയില് വീഴാതെ രക്ഷിതാക്കളും സമൂഹവും ജാഗ്രത പുലര്ത്തണമെന്നും കോഴിക്കോട് എക്സൈസ് ഡെപ്യൂട്ടി കമ്മീഷണര് ജിമ്മി ജോസഫ് പറഞ്ഞു.
അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് മാനന്തവാടി രൂപത മദ്യലഹരി വിരുദ്ധ സമിതി 26 വരെ നീണ്ടു നില്ക്കുന്ന ലഹരിവിരുദ്ധ പ്രചാരണം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പനമരം സെന്റ് ജൂഡ് പള്ളിയങ്കണത്തില് നടന്ന ചടങ്ങില് ലഹരി വിരുദ്ധ പ്രതിജ്ഞയും ലഹരിക്കെതിരേ കയ്യൊപ്പ് ചാര്ത്തലും നടന്നു. രൂപത പ്രസിഡന്റ് രാജു വലിയാറ അധ്യക്ഷത വഹിച്ചു. രൂപത ഡയറക്ടര് ഫാ. ബിജു തൊണ്ടിപ്പറമ്പില്, സെക്രട്ടറി മാത്യു പുതുപ്പറമ്പില്, കുര്യന് താരുവള്ളിത്തറ, ജോസഫ് തെക്കുംപുറം, ലിജി മണ്ണുകുളത്തില്, ലില്ലി പെരുമ്പനാനിയില്, ബേബി പേടപാട്ട്, പി.എ. ജയിംസ്, റീത്ത ഇഞ്ചനാനിയില് എന്നിവര് പ്രസംഗിച്ചു.
Tags :