ദേശീയ ഡോക്ടേഴ്സ് ദിനത്തോടനുബന്ധിച്ച് വയത്തൂർ യുപി സ്കൂളിലെ വിദ്യാർഥികൾ ആശുപത്രികളിലെത്തി ഡോക്ടർമാരെ ആദരിച്ചപ്പോൾ
ഉളിക്കൽ: ദേശീയ ഡോക്ടേഴ്സ് ദിനത്തോടനുബന്ധിച്ച് വയത്തൂർ യുപി സ്കൂളിലെ വിദ്യാർഥികൾ ഉളിക്കൽ എംപിസി ഹോസ്പിറ്റലിലെയും ശ്രീകൃഷ്ണ ഹോസ്പിറ്റലിലെയും ഡോക്ടർമാരെ ആദരിച്ചു.
മുഖ്യാധ്യാപകൻ എൻ.ജെ. തോമസ് നേതൃത്വം നൽകി. ഫാ. നിധിൻ കണ്ടത്തിൽ, അധ്യാപകരായ ബ്യൂട്ടി ജേക്കബ്, ഡെൽബിൻ ബാബു, വി.സി. ദീപാ എന്നിവർ പങ്കെടുത്തു.
ഇരിട്ടി: അയ്യൻകുന്ന് പഞ്ചായത്തിലെ മുഴുവൻ ഡോക്ടർമാരെയും ആദരിച്ചു. അലോപ്പതി, ആയുർവേദ, ഹോമിയോ, വെറ്റിനറി ആശുപത്രികളിലായി ജോലി ചെയ്യുന്ന 10 ഡോക്ടർമാരെയാണ് പഞ്ചായത്ത് ഭരണസമിതിയുടെ നേതൃത്വത്തിൽ ആദരിച്ചത്. പഞ്ചായത്ത് പ്രസിഡന്റ് മിനി വിശ്വനാഥന്റെ നേതൃത്വത്തിൽ നടന്ന പരിപാടിയിൽ മേരി റെജി, ജോസുകുഞ്ഞ് തടത്തിൽ, മേഴ്സി മരിയ, ഷിബോ അഗസ്റ്റിൻ, ടോമി സൈമൺ, റീന ബോബി, ബിന്ദു ഷാജി, അനീഷ് കെ. പോൾ എന്നിവർ പങ്കെടുത്തു.
പാല: പേരാവൂർ പെരുമ്പുന്ന അർച്ചന ഹോസ്പിറ്റലിലെ ഡോ. സിസ്റ്റർ ട്രീസ കമ്പകക്കുഴിയെ പാല ഗവ. ഹയർസെക്കൻഡറി സ്കൂളിലെ എൻഎസ്എസ് യൂണിറ്റിന്റെ നേതൃത്വത്തിൽ ആദരിച്ചു. ആതുരസേവനരംഗത്ത് (ഗൈനക്കോളജി വിഭാഗം) അരനൂറ്റാണ്ട് പിന്നിടുമ്പോൾ ഇറ്റലി, അയർലൻഡ്, മുംബൈ, വെല്ലൂർ, തൃശൂർ, എറണാകുളം, കണ്ണൂർ (ചെറുകുന്ന്, പേരാവൂർ) എന്നിവിടങ്ങളിലായി ഡോ. ട്രീസ സേവനമനുഷ്ഠിച്ചിട്ടുണ്ട്. എൻഎസ്എസ് പ്രോഗ്രാം ഓഫീസർ ഡോ. ദീപ ചിറ്റാക്കൂൽ, നിമിഷ ജോർജ്, എൻഎസ്എസ് വോളണ്ടിയർമാരായ വി. നിവേദ് , ധീരജ് സുധീഷ്, കെ. നവദീപ്, ദിയ സാഹിതി, അനുനന്ദ സുരേഷ് എന്നിവർ പ്രസംഗിച്ചു.
Tags : Nattuvishesham District news