ഹൂസ്റ്റൺ: കൻസാസ് സ്റ്റേറ്റിൽ കനത്ത മഴയെത്തുടർന്നുണ്ടായ മിന്നൽപ്രളയത്തിൽ ഇന്ത്യൻ പൗരൻ മുങ്ങിമരിച്ചു. സോഫ്റ്റ്വേർ എൻജിനിയറായ വെങ്കടേഷ് ദൊപ്പലാപുഡി (31) ആണ് മരിച്ചത്. എച്ച്1ബി വീസയുള്ള വെങ്കടേഷ് നെബ്രാസ്കയിലെ ഒമാഹയിലാണ് താമസിച്ചുവന്നിരുന്നത്.
ശനിയാഴ്ച ഉച്ചകഴിഞ്ഞ് ഹൂസ്റ്റണിൽനിന്ന് വീട്ടിലേക്കുള്ള വഴിമധ്യേ ശക്തമായ കാറ്റും മഴയും അവഗണിച്ച് വാഹനമോടിച്ച വെങ്കിടേഷിന്റെ വാഹനം ഒഴുക്കിൽപെടുകയായിരുന്നു.
പ്രതികൂല കാലാവസ്ഥയെ അവഗണിച്ച് നടത്തിയ രക്ഷാപ്രവർത്തനത്തിനിടെ ഹൈവേ പട്രോൾ യൂണിറ്റാണ് വെങ്കടേഷിന്റെ മൃതദേഹം കണ്ടെടുത്തത്. നിയമനടപടികൾ പൂർത്തിയാക്കി മൃതദേഹം വിട്ടുകിട്ടാനുള്ള ശ്രമം തുടരുകയാണെന്ന് ഇന്ത്യൻ കോൺസുലേറ്റ് ഉദ്യോഗസ്ഥർ അറിയിച്ചു.
Tags : Lightning strike citizen tragically