തേക്കടി: ആഗോളതാപനവും കാലാവസ്ഥാ വ്യതിയാനവും ഭൂമിയുടെ നിലനില്പ്പിന് ഭീഷണിയാകുന്ന സാഹചര്യത്തില് പ്രകൃതിസംരക്ഷണത്തിന്റെ സന്ദേശവുമായി തേക്കടിയില് ഗ്രീന് പനോരമ-2026 പരിസ്ഥിതി ചലച്ചിത്രമേളയ്ക്ക് തുടക്കമായി.
പരിസ്ഥിതി ദിനാചരണത്തോടനുബന്ധിച്ച് പെരിയാര് ടൈഗര് റിസര്വും ചൈതന്യ ഫിലിം സൊസൈറ്റിയും സംയുക്തമായാണ് മൂന്നു ദിവസം നീണ്ടുനില്ക്കുന്ന ചലച്ചിത്രമേള സംഘടിപ്പിക്കുന്നത്.
തേക്കടി ബാംബൂ ഗ്രോവിലെ കളരി ഹാളില് നടന്ന ചടങ്ങില് ചലച്ചിത്ര സംവിധായകന് ഡോ. ബിജു മേള ഉദ്ഘാടനം ചെയ്തു.
പ്രകൃതിയോടുള്ള മനുഷ്യന്റെ അനിയന്ത്രിതമായ ഇടപെടലിന്റെ ഫലമായുണ്ടാകുന്ന ആഘാതങ്ങള് ദൃശ്യമാധ്യമങ്ങളിലൂടെ സമൂഹത്തിന് മുന്നിലെത്തിക്കേണ്ടത് കാലഘട്ടത്തിന്റെ ആവശ്യമാണെന്ന് അദ്ദേഹം പറഞ്ഞു. പെരിയാര് ടൈഗര് റിസര്വ് ഡെപ്യൂട്ടി ഡയറക്ടര് പി.യു. സാജു അധ്യക്ഷത വഹിച്ചു.
ഇക്കോ ഡെവലപ്മെന്റ് റേഞ്ച് ഫോറസ്റ്റ് ഓഫീസറായ സൂരജ് ഭാസ്കര് പ്രസംഗിച്ചു. പരിസ്ഥിതിയും സിനിമയും തമ്മിലുള്ള ബന്ധത്തെക്കുറിച്ച് സിനിമാ നിരൂപകന് എം.സി. രാജ് നാരായണന് മുഖ്യപ്രഭാഷണം നടത്തി.
Tags : Kumily Nattuvishesham District News