കുമ്പള: കടപ്പുറത്ത് സംസാരിച്ചിരുന്നവരുടെ മുകളിലേക്ക് തെങ്ങ് കടപുഴകി വീണ് മത്സ്യത്തൊഴിലാളിക്ക് ദാരുണാന്ത്യം. പെർവാഡ് കടപ്പുറത്തെ മത്സ്യത്തൊഴിലാളിയും ജമാ അത്ത് കമ്മിറ്റി പ്രസിഡന്റുമായ എ.ബി. അബ്ദുള്ളയാണ് (65) മരിച്ചത്.
ഇന്നലെ രാവിലെ 8.30ഓടെ പെർവാഡ് പിഎസ് ഗ്രൗണ്ടിനു സമീപമാണ് മണ്ട പോയ തെങ്ങ് കടപുഴകിവീണത്. ഒപ്പമുണ്ടായിരുന്ന ഇബ്രാഹിം, ഹസൈനാർ എന്നിവർ പരിക്കില്ലാതെ രക്ഷപ്പെട്ടു. ഗുരുതരമായി പരിക്കേറ്റ അബ്ദുള്ളയെ കുമ്പള സഹകരണാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: സക്കീന. മക്കൾ: ഹനീഫ, ഷംസു, അമീർ, സൈനബ, മിസ് രിയ, ഖദീജ. മരുമക്കൾ: സത്താർ, തസ്ലിം, സിദ്ദിഖ്, ഫാത്തിമ, ആയിഷ, സഹന.
Tags : Fisherman dies coconut falls