18

ഇ​ന്നും ലോ​ക​ത്തി​നു പ്ര​ത്യാ​ശ പ​ക​രു​ന്ന തി​രു​നാ​ൾ

മ​ര​ണ​ത്തി​നു​മേ​ൽ ജീ​വ​നും അ​ന്ധ​കാ​ര​ത്തി​നു​മേ​ൽ പ്ര​കാ​ശ​വും വി​ജ​യം വ​രി​ച്ച​തി​ന്‍റെ ഓ​ർ​മ വീ​ണ്ടെ​ടു​ത്ത് നാം ​ഈ​സ്റ്റ​ർ ആ​ഘോ​ഷി​ക്കു​ക​യാ​ണ്.
ഭ​യ​പ്പെ​ടേ​ണ്ട, ക്രൂ​ശി​ക്ക​പ്പെ​ട്ട യേ​ശു​വി​നെ​യാ​ണു നി​ങ്ങ​ൾ അ​ന്വേ​ഷി​ക്കു​ന്ന​തെ​ന്ന് എ​നി​ക്ക​റി​യാം; അ​വ​ൻ ഇ​വി​ടെ​യി​ല്ല; താ​ൻ അ​രു​ൾ​ചെ​യ്ത​തു​പോ​ലെ അ​വ​ൻ ഉ​യി​ർ​പ്പി​ക്ക​പ്പെ​ട്ടു (മ​ത്താ​യി 28: 56) എ​ന്ന മാ​ലാ​ഖ​യു​ടെ വാ​ക്കു​ക​ൾ ര​ണ്ടാ​യി​രം വ​ർ​ഷ​ങ്ങ​ൾ​ക്കി​പ്പു​റ​വും ലോ​ക​ത്തി​നു പ​ക​രു​ന്ന​തു പ്ര​ത്യാ​ശ​യാ​ണ്.

ഇ​ന്നു യു​ദ്ധ​ങ്ങ​ളു​ടെ​യും വം​ശീ​യ​ക​ലാ​പ​ങ്ങ​ളു​ടെ​യും വാ​ർ​ത്ത​ക​ൾ ദി​നം​പ്ര​തി ന​മ്മെ വേ​ട്ട​യാ​ടു​ന്നു. ഈ ​ഇ​രു​ണ്ട പ​ശ്ചാ​ത്ത​ല​ത്തി​ൽ, ഉ​ത്ഥി​ത​നാ​യ ക്രി​സ്തു​വി​ന്‍റെ സ​ന്ദേ​ശം കൂ​ടു​ത​ൽ പ്ര​സ​ക്ത​മാ​ണ്. വി​ദ്വേ​ഷ​വും ക​ല​ഹ​ങ്ങ​ളും വ​ർ​ധി​ച്ചു​വ​രു​ന്ന ഈ ​കാ​ല​ഘ​ട്ട​ത്തി​ൽ വി​ശു​ദ്ധ ഫ്രാ​ൻ​സി​സ് അ​സീ​സി​യെ​പ്പോ​ലെ സ​മാ​ധാ​ന​ത്തി​ന്‍റെ വ​ക്താ​ക്ക​ളാ​കാ​നും, അ​ത്യാ​ധു​നി​ക​കാ​ല​ത്തി​ൽ ഡി​ജി​റ്റ​ൽ മി​ഷ​ന​റി​മാ​രാ​യി​ക്കൊ​ണ്ടും ഈ​സ്റ്റ​റി​ന്‍റെ യ​ഥാ​ർ​ഥ​സ​ന്ദേ​ശം ലോ​കം മു​ഴു​വ​ൻ ജീ​വി​തം​കൊ​ണ്ട് കൊ​ടു​ക്കാ​നും, ലെ​യോ മാ​ർ​പാ​പ്പ പ​റ​ഞ്ഞ​തു​പോ​ലെ പ്ര​ത്യാ​ശ​യു​ടെ മി​ഷ​ന​റി​മാ​രാ​കാ​നും ന​മു​ക്കു സാ​ധി​ക്കു​ന്പോ​ഴാ​ണ് ഈ​സ്റ്റ​ർ അ​ർ​ഥ​പൂ​ർ​ണ​മാ​കു​ക.

ഇ​ന്ന​ത്തെ ന​മ്മു​ടെ ചു​റ്റു​പാ​ടു​ക​ളും സ​മൂ​ഹ​വും നി​ർ​ണാ​യ​ക​മാ​യ ഘ​ട്ട​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. തെ​ര​ഞ്ഞെ​ടു​പ്പ് അ​ടു​ത്തെ​ത്തി​യ സാ​ഹ​ച​ര്യ​ത്തി​ൽ, സ​ത്യ​സ​ന്ധ​ത​യും നീ​തി​യും ഉ​യ​ർ​ത്തി​പ്പി​ടി​ക്കു​ന്ന നേ​തൃ​ത്വ​ത്തി​നാ​യി പ്രാ​ർ​ഥി​ക്കാം. രാ​ഷ്ട്രീ​യ​മാ​യ ചേ​രി​തി​രി​വു​ക​ൾ​ക്ക​പ്പു​റം ന​മ്മു​ടെ നാ​ടി​ന്‍റെ ഐ​ക്യ​വും മ​തേ​ത​ര​ത്വ​വും ഭ​ര​ണ​ഘ​ട​ന​യും കാ​ത്തു​സൂ​ക്ഷി​ക്കാ​ൻ ജാ​ഗ​രൂ​ക​രാ​ക​ണം.

ക​ർ​ഷ​ക​ജ​ന​ത​യു​ടെ ക​ണ്ണു​നീ​രും തീ​ര​ദേ​ശ മ​ല​യോ​ര​മേ​ഖ​ല​ക​ളി​ലെ പ്ര​ശ്ന​ങ്ങ​ളും വി​സ്മ​രി​ക്ക​രു​ത്. അ​തി​ജീ​വ​ന​ത്തി​നാ​യി പോ​രാ​ടു​ന്ന​വ​രോ​ടൊ​പ്പം നി​ൽ​ക്കു​ക എ​ന്ന​തു ക്രി​സ്തീ​യ​ദൗ​ത്യ​മാ​ണ്. വ​ർ​ധി​ച്ചു​വ​രു​ന്ന ല​ഹ​രി ഉ​പ​യോ​ഗ​വും കു​ടി​യേ​റ്റ​പ്ര​ശ്ന​ങ്ങ​ളും കേ​ര​ളീ​യ​യു​വ​ത​യ്ക്കു വെ​ല്ലു​വി​ളി​യാ​കു​ന്പോ​ൾ, ഉ​ത്ഥി​ത​ന്‍റെ പ്ര​കാ​ശ​ത്തി​ൽ പു​തി​യൊ​രു ദി​ശാ​ബോ​ധം ക​ണ്ടെ​ത്താ​ൻ ന​മു​ക്കു സാ​ധി​ക്ക​ണം.

യേ​ശു പ​റ​ഞ്ഞു: ഞാ​നാ​ണ് പു​ന​രു​ത്ഥാ​ന​വും ജീ​വ​നും. എ​ന്നി​ൽ വി​ശ്വ​സി​ക്കു​ന്ന​വ​ൻ മ​രി​ച്ചാ​ലും ജീ​വി​ക്കും (യോ​ഹ​ന്നാ​ൻ11: 25). ത​ക​ർ​ച്ച​ക​ളി​ൽ​നി​ന്ന് പു​തി​യൊ​രു ജീ​വി​ത​ത്തി​ലേ​ക്ക് ഉ​യ​രാ​ൻ ഈ ​വ​ച​നം ന​മു​ക്കു ക​രു​ത്തു ന​ൽ​ക​ട്ടെ.

സ​ത്യ​ത്തി​ന്‍റെ​യും നീ​തി​യു​ടെ​യും അ​ന്തി​മ​വി​ജ​യം

മ​നു​ഷ്യ​ച​രി​ത്ര​ത്തി​ലെ ഏ​റ്റ​വും വ​ലി​യ അ​ദ്ഭു​ത​മാ​ണ് ക്രി​സ് തു​വി​ന്‍റെ പു​ന​രു​ത്ഥാ​നം. ഇ​രു​ളി​ന്‍റെമേ​ല്‍ വെ​ളി​ച്ച​വും മ​ര​ണ​ത്തി​ ന്മേ​ല്‍ ജീ​വ​നും നേ​ടി​യ വി​ജ​യ​മാ​ണി​ത്. ഈ ​മ​ഹാ​സം​ ഭ​വ​ത്തി​ല്‍​നി​ന്ന് ന​മു​ക്ക് ഉ​ള്‍​ക്കൊ​ള്ളാ​ന്‍ ക​ഴി​യു​ന്ന മൂ​ന്നു ചി​ന്ത​ക​ള്‍ പ​ങ്കു​വ​യ്ക്ക​ട്ടെ.

തി​ന്മ​യ്ക്കും അ​സ​ത്യ​ത്തി​നും താ​ത്കാ​ലി​ക​മാ​യ വി​ജ​യ​ങ്ങ​ള്‍ ഉ​ണ്ടാ​യേ​ക്കാം. ക്രി​സ്തു​വി​നെ വി​ചാ​ര​ണ ചെ​യ്ത​പ്പോ​ഴും ക്രൂ​ശി​ച്ച​പ്പോ​ഴും അ​നീ​തി ജ​യി​ച്ചു എ​ന്നു ലോ​കം ക​രു​തി. എ​ന്നാ​ല്‍ മൂ​ന്നാം​നാ​ള്‍ ശൂ​ന്യ​മാ​യ ക​ല്ല​റ ലോ​ക​ ത്തോ​ടു​ വി​ളി​ച്ചു​പ​റ​ഞ്ഞു: സ​ത്യം എ​ന്നും ജ​യി​ക്കും. വി​ശു​ദ്ധ അ​ഗ​സ്റ്റി​ന്‍ പ​റ​ഞ്ഞ​തു​പോ​ലെ, ദൈ​വം ഒ​ന്നി​നെ​യും വെ​റു​തെ സം​ഭ​വി​ക്കാ​ന്‍ അ​നു​വ​ദി​ക്കു​ന്നി​ല്ല. തി​ന്മ​യി​ല്‍​നി​ന്നു​പോ​ലും ന​ന്മ ഉ​ള​വാ​ക്കാ​ന്‍ അ​വി​ടു​ത്തേ​ക്കു ക​ഴി​യു​ന്നു.

ന​മ്മു​ടെ രാ​ഷ്ട്ര​പി​താ​വാ​യ മ​ഹാ​ത്മാ​ഗാ​ന്ധി​യു​ടെ വാ​ക്കു​ക​ള്‍ ഇ​വി​ടെ പ്ര​സ​ക്ത​മാ​ണ്. സ​ത്യ​വും സ്‌​നേ​ഹ​വു​മാ​ണ് എ​പ്പോ​ഴും വി​ജ​യി​ച്ചി​ട്ടു​ള്ള​തെ​ന്നു ച​രി​ത്രം പ​രി​ശോ​ധി​ച്ചാ​ല്‍ ന​മു​ക്കു കാ​ണാം. സ്വേ​ച്ഛാ​ധി​പ​തി​ക​ളും കൊ​ല​പാ​ത​കി​ക​ളും, അ​നീ​തി​യും അ​ഴി​മ​തി​യും ചെ​യ്യു​ന്ന​വ​രും ഒ​രു​കാ​ല​ത്ത് അ​ജ​യ്യ​രാ​യി തോ​ ന്നി​യി​രി​ക്കാം. പ​ക്ഷേ, അ​വ​സാ​നം അ​വ​ര്‍ ത​ക​ര്‍​ന്ന​ടി​യും. ഉ​ത്ഥി​ത​നാ​യ ഈ​ശോ സ​ത്യ​ത്തി​ലും നീ​തി​യി​ലും അ​ധി​ഷ്ഠി​ത​മാ​യ സ​മാ​ധാ​ന​മാ​ണ് ന​മു​ക്കു ന​ല്കു​ന്ന​ത്.

യേ​ശു ത​ന്‍റെ ശി​ഷ്യ​ന്മാ​ര്‍​ക്കു പ്ര​ത്യ​ക്ഷ​പ്പെ​ട്ട​പ്പോ​ള്‍ കാ​ണി​ച്ചു​കൊ​ടു​ത്ത​തു ത​ന്‍റെ മ​ഹ​ത്വ​ത്തി​ന്‍റെ കി​രീ​ട​മ​ല്ല, മ​റി​ച്ച് പീ​ഡാ​നു​ഭ​വ​ത്തി​ന്‍റെ മു​റി​പ്പാ​ടു​ക​ളാ​ണ്. ആ ​മു​റി​വു​ക​ള്‍ വി​ജ​യ​ത്തി​ന്‍റെ അ​ട​യാ​ള​ങ്ങ​ളാ​യി​രു​ന്നു. കു​രി​ശി​ലെ വേ​ദ​ന​യി​ല്ലാ​തെ ഉ​യി​ര്‍​പ്പി​ന്‍റെ സ​ന്തോ​ഷ​മി​ല്ല. ന​മ്മു​ടെ ജീ​വി​ത​ത്തി​ലെ ക​ഷ്ട​പ്പാ​ടു​ക​ളും രോ​ഗ​ങ്ങ​ളും ത​ക​ര്‍​ച്ച​ക​ളും വെ​റു​തെ​യ​ല്ല. അ​വ ദൈ​വ​മ​ഹ​ത്വ​ത്തി​ലേ​ക്കു​ള്ള വ​ഴി​ക​ളാ​ണ്. കു​രി​ശുചു​മ​ക്കാ​ന്‍ ത​യാ​റു​ള്ള​വ​ര്‍​ക്കു​മാ​ത്ര​മേ ഉ​യി​ര്‍​പ്പി​ന്‍റെ ആ​ന​ന്ദം അ​നു​ഭ​വി​ക്കാ​ന്‍ ക​ഴി​യൂ.

ഉ​ത്ഥി​ത​നാ​യ ഈ​ശോ​യെ തി​രി​ച്ച​റി​ഞ്ഞ​ത് അ​വി​ടു​ത്തെ മു​റി​പ്പാ​ടു​ക​ളി​ലൂ​ടെ​യാ​ണ്.ഈ​സ്റ്റ​ര്‍ വെ​റു​മൊ​രു ആ​ഘോ​ഷ​മ​ല്ല, മ​റി​ച്ച് ഒ​രു പു​തി​യ തു​ട​ക്ക​മാ​ണ്. ക​ല്ല​റ​യ്ക്കു പു​റ​ത്തു​വ​ന്ന ക്രി​സ്തു​വി​നെ​പ്പോ​ലെ ന​മ്മു​ടെ ഭ​യ​ങ്ങ​ളി​ല്‍​നി​ന്നും പാ​പ​ങ്ങ​ളി​ല്‍​നി​ന്നും പു​റ​ത്തു​വ​ന്ന് പ്ര​ത്യാ​ശ​യു​ടെ വെ​ളി​ച്ച​ത്തി​ല്‍ ന​ട​ക്കാ​ന്‍ ന​മു​ക്കു സാ​ധി​ക്ക​ട്ടെ.

സ​മാ​ന​ത​ക​ളി​ല്ലാ​ത്ത ഇ​ട​യ​ന്‍റെ ഉ​യി​ർ​ത്തെ​ഴു​ന്നേ​ൽ​പ്പ്

ക്രി​സ്തു നി​ദ്ര​കൊ​ണ്ട​വ​രി​ൽ ആ​ദ്യ​ഫ​ല​മാ​യി മ​രി​ച്ച​വ​രു​ടെ ഇ​ട​യി​ൽ​നി​ന്ന് ഉ​യി​ർ​ത്തി​രി​ക്കു​ന്നു (1 കൊറി. 15:20). പാ​പ​ത്തെ​യും സാ​ത്താ​നെ​യും അ​വ​സാ​നം മ​ര​ണ​ത്തെ​യും തോ​ല്പി​ച്ച് മ​രി​ച്ച​വ​രി​ൽ​നി​ന്ന് ആ​ദ്യ​ഫ​ല​മാ​യി ഉ​യി​ർ​ത്തെ​ഴു​ന്നേ​റ്റ ക്രി​സ്തു​വി​ന്‍റെ എ​ന്നേ​ക്കു​മു​ള്ള വി​ജ​യ​മാ​ണ് ഉ​യി​ർ​പ്പു​തി​രു​നാ​ളി​ൽ ആ​ഘോ​ഷി​ക്കു​ന്ന​ത്.

ആ​ടു​ക​ൾ​ക്കു​വേ​ണ്ടി ജീ​വ​ൻ കൊ​ ടു​ത്ത, അ​വ​ർ​ക്കു​മു​ന്പേന​ട​ന്ന, ന​ല്ല മേ​ച്ചി​ൽ​പ്പു​റ​ങ്ങ​ൾ ക​ണ്ടെ​ത്തി​യ, അ​വ​രെ പേ​രു​ചൊ​ല്ലി വി​ളി​ച്ച, ശ​ത്രു​ക്ക​ളി​ൽ​നി​ന്നു ര​ക്ഷി​ച്ച, ലോ​ക​ത്തി​നു സ​മാ​ധാ​നം ക​ല് പി​ച്ച, ഞാ​നാ​ണ് വ​ഴി​യും സ​ത്യ​വും ജീ​വ​നും എ​ന്നു പ​ഠി​പ്പി​ച്ച, ന​ല്ല ഇ​ട​യ​നാ​യ ക്രി​സ്തു​വി​ന്‍റെ മാ​തൃ​ക​യ്ക്കും താ​ൻ കാ​ണി​ച്ചു​ത​ന്ന സ്നേ​ഹ​വി​പ്ല​വ​ത്തി​ന്‍റെ മാ​ർ​ഗ​ത്തി​നും മ​ര​ണ​ത്തി​ൻ​മേ​ലു​ള്ള ഉ​യി​ർ​ത്തെ​ഴു​ന്നേ​ൽ​പ്പി​നും സ​മാ​ന​ത​ക​ളി​ല്ല.

അ​ധി​കാ​രം പി​ടി​ച്ചെ​ടു​ക്കാ​നാ​യി ക​പ​ട​വാ​ഗ്ദാ​ന​ങ്ങ​ൾ ന​ൽ​കു​ന്ന, ജ​ന​ങ്ങ​ളെ ഭി​ന്നി​പ്പി​ച്ച് വോ​ട്ടു​നേ​ടു​ന്ന, ഭ​യം ഉ​പ​യോ​ഗി​ച്ച് അ​ധി​കാ​രം ഉ​റ​പ്പി​ക്കു​ന്ന, സ​ത്യം മ​റ​ച്ചു​വ​ച്ച് നു​ണ വി​ത​റു​ന്ന, വെ​റു​പ്പ്, വി​ഭ​ജ​നം, ഭ​യം തു​ട​ങ്ങി ന്യൂ​ന​പ​ക്ഷ​ങ്ങ​ളെ പീ​ഡി​പ്പി​ക്കു​ന്ന, അ​ധി​കാ​രാ​വ​കാ​ശ​ങ്ങ​ൾ ക​വ​ർ​ന്നെ​ടു​ക്കു​ ന്ന, യു​ദ്ധ​ങ്ങ​ളും രാ​ഷ്ട്രീ​യ​ക​ല​ഹ​ങ്ങ​ളും നി​റ​ഞ്ഞ ഈ ​ലോ​ക​ത്തി​ൽ, ഇ​ന്ന​ത്തെ നേ​താ​ക്ക​ളു​ടെ ഇ​ട​യി​ൽ യേ​ശു വ്യ​ത്യ​സ്ത​നാ​ണ്: ആ​ടു​ക​ൾ​ക്കു​മു​ന്നി​ൽ ന​ട​ക്കു​ന്നു.

അ​വ​ർ​ക്കു​വേ​ണ്ടി അ​വ​ൻ ജീ​വ​നെ കൊ​ടു​ക്കു​ന്നു. അ​വ​ന്‍റെ സ​മാ​ധാ​ന​ശ​ബ്ദം സ്നേ​ഹ​ത്തി​ലൂ​ടെ ഐ​ക്യ​ത്തി​ലേ​ക്കും സ​ത്യ​ത്തി​ലേ​ക്കും വി​ജ​യ​ത്തി​ലേ​ക്കും ന​യി​ക്കു​ന്നു. ക്രി​സ്തു​വി​ന്‍റെ രാ​ഷ്ട്രീ​യ​മാ​തൃ​ക പി​ന്തു​ട​രാ​ൻ ഇ​ന്ന​ത്തെ ലോ​ക​നേ​താ​ക്ക​ൾ​ക്കു ക​ഴി​ഞ്ഞി​രു​ന്നെ​ങ്കി​ൽ ലോ​ക​സ​മാ​ധാ​ന​പ്ര​ത്യാ​ശ​യും, ഇ​ന്ന​ത്തെ മ​രി​ച്ച അ​വ​സ്ഥ​ക​ളി​ൽ​നി​ന്നു​ള്ള ഉ​യി​ർ​ത്തെ​ഴു​ന്നേ​ല്പും അ​തി​വി​ദൂ​ര​മ​ല്ല എ​ന്നാ​ശി​ക്കു​ന്നു.

പു​തി​യ തു​ട​ക്ക​ത്തി​ലേ​ക്കു​ള്ള ആ​ത്മീ​യ അ​നു​ഭ​വം

ക്രി​സ്തു​വി​ന്‍റെ പെ​സ​ഹാ​ര​ഹ​സ്യ​ങ്ങ​ൾ ക്രൈ​സ്ത​വ​വി​ശ്വാ​സ​ത്തി​ന്‍റ ഹൃ​ദ​യ​മാ​ണ്. യേ​ശു​ക്രി​സ്തു​വി​ന്‍റെ പു​ന​രു​ത്ഥാ​നം ആ​ഘോ​ഷി​ക്കു​ന്ന ഈ ​ദി​വ​സം, മ​ര​ണ​ത്തെ അ​തി​ജീ​വി​ച്ച ക്രി​സ്തു​വി​ന്‍റെ വി​ജ​യം ന​മ്മെ പ്ര​ത്യാ​ശ​യി​ലേ​ക്കും ജീ​വ​നി​ലേ​ക്കും ന​യി​ക്കു​ന്നു. ഈ​സ്റ്റ​ർ വെ​റു​മൊ​രു ആ​ഘോ​ഷ​മ​ല്ല, മ​റി​ച്ച് ജീ​വി​ത​ത്തി​ന്‍റെ പു​തി​യ തു​ട​ക്ക​ത്തെ പ്ര​തി​നി​ധീ​ക​രി​ക്കു​ന്ന ആ​ത്മീ​യ അ​നു​ഭ​വ​മാ​ണ്.

പ്ര​ത്യാ​ശ​യാ​ണ് ഈ​സ്റ്റ​റി​ന്‍റെ പ്ര​ധാ​ന സ​ന്ദേ​ശം. ഇ​ന്ന​ത്തെ ലോ​കം അ​നി​ശ്ചി​ത​ത്വ​ങ്ങ​ളും പ്ര​തി​സ​ന്ധി​ക​ളും നി​റ​ഞ്ഞു നി​രാ​ശ​യി​ൽ നി​പ​തി​ക്കു​മ്പോ​ൾ ഈ​സ്റ്റ​ർ ന​മ്മെ ഓ​ർ​മി​പ്പി​ക്കു​ന്ന​ത് ദുഃ​ഖ​ത്തി​നും ഇ​രു​ട്ടി​നും അ​പ്പു​റം ഒ​രു പു​തി​യ വെ​ളി​ച്ച​മു​ണ്ട് എ​ന്ന​താ​ണ്. ജീ​വി​ത​ത്തി​ലെ പ​രാ​ജ​യ​ങ്ങ​ളും വേ​ദ​ന​ക​ളും ന​മ്മെ ത​ള​ർ​ത്തു​മ്പോ​ൾ ഉ​യി​ർ​ത്തെ​ഴു​ന്നേ​റ്റ ക്രി​സ്തു​വി​ന്‍റെ മാ​തൃ​ക ന​മ്മെ വീ​ണ്ടും ഉ​യ​ർ​ന്നു​നി​ൽ​ക്കാ​ൻ പ്ര​ചോ​ദി​പ്പി​ക്കു​ന്നു.

ഇ​ന്ന​ത്തെ മാ​ധ്യ​മ​സ്വാ​ധീ​ന സാ​ഹ​ച​ര്യ​ങ്ങ​ളി​ൽ ഈ​സ്റ്റ​റി​നു വ​ള​രെ വ​ലി​യ പ്ര​സ​ക്തി​യു​ണ്ട്. വ്യ​ക്തി​ജീ​വി​ത​ത്തി​ലെ അ​ക​ൽ​ച്ച​യും, സ്വാ​ർ​ഥ​ത​യു​ടെ​യും സം​ഘ​ർ​ഷ​ങ്ങ​ളു​ടെ​യും അ​തി​പ്ര​സ​ര​വും നി​ല​നി​ൽ​ക്കു​ന്ന ഈ ​കാ​ല​ഘ​ട്ട​ത്തി​ൽ ഈ​സ്റ്റ​ർ സ്നേ​ഹ​ത്തി​ന്‍റെ​യും ക്ഷ​മ​യു​ടെ​യും സ​ന്ദേ​ശം ന​ൽ​കു​ന്നു. മ​റ്റു​ള്ള​വ​രെ മ​ന​സി​ലാ​ക്കാ​നും ക്ഷ​മി​ക്കാ​നും ഒ​ത്തൊ​രു​മ​യോ​ടെ ജീ​വി​ക്കു​വാ​നും ആ​ഹ്വാ​നം ചെ​യ്യു​ന്നു.

ഈ​സ്റ്റ​ർ ന​മ്മെ ഒ​രു ആ​ത്മ​പ​രി​ശോ​ധ​ന​യി​ലേ​ക്കു ക്ഷ​ണി​ക്കു​ന്നു. ശ​രി​യും തെ​റ്റും തി​രി​ച്ച​റി​ഞ്ഞു ശ​രി​യി​ൽ ഉ​റ​ച്ചു​നി​ൽ​ക്കാ​നു​ള്ള വൈ​ഭ​വ​മാ​ണ് ഉ​യി​ർ​ത്തെ​ഴു​ന്നേ​ല്പ് സ​മ്മാ​നി​ക്കു​ന്ന​ത്. ഈ​സ്റ്റ​ർ സ​ന്തോ​ഷ​ത്തി​ന്‍റെ​യും പു​തു​ജീ​വി​ത​ത്തി​ന്‍റെ​യും തി​രു​നാ​ളാ​ണ്. ഓ​രോ മ​നു​ഷ്യ​നും ത​ന്‍റെ ജീ​വി​ത​ത്തി​ൽ കൂ​ടു​ത​ൽ പ്ര​ത്യാ​ശ​യും ശ​രി​യാ​യ ല​ക്ഷ്യ​വും ക​ണ്ടെ​ത്താ​ൻ ഈ ​ദി​നം പ്ര​ചോ​ദ​ന​മാ​ക​ട്ടെ. ഉ​യി​ർ​ത്തെ​ഴു​ന്നേ​റ്റ ക്രി​സ്തു​വി​ന്‍റെ സ്നേ​ഹ​വും സ​മാ​ധാ​ന​വും ന​മ്മു​ടെ ഹൃ​ദ​യ​ങ്ങ​ളി​ൽ നി​റ​യ​ട്ടെ.

ഉ​ത്ഥാ​ന​ത്തി​ന്‍റെ മ​ക്ക​ളാ​കാ​നു​ള്ള വി​ളി​യാ​ണ് ഈ​സ്റ്റ​ർ

മ​ര​ണ​ത്തോ​ടെ അ​വ​ന്‍റെ ക​ഥ​യ​വ​സാ​നി​ച്ചെ​ന്നു ക​രു​തി​യ ശ​ത്രു​ക്ക​ൾ​പോ​ലും ആ​ദ്യ ഈ​സ്റ്റ​റി​ൽ തി​രി​ച്ച​റി​ഞ്ഞു, ക്രി​സ്തു​വി​ന്‍റെ ക​ഥ ആ​രം​ഭി​ച്ചി​ട്ടേ​യു​ള്ളൂ​ എ​ന്ന്. അ​ത് ആ​ദ്യം പ്ര​ഘോ​ഷി​ച്ച​താ​ക​ട്ടെ, ദൈ​വ​ദൂ​ത​നും. അ​വ​ന്‍റെ ചേ​ത​ന​യ​റ്റ മൃ​ത​ശ​രീ​രം അ​ന്വേ​ഷി​ച്ചു​വ​ന്ന സ്ത്രീ​ക​ളോ​ട് അ​വ​ൻ പ​റ​ഞ്ഞു: ""ഭ​യ​പ്പെ​ടേ​ണ്ടാ; ക്രൂ​ശി​ക്ക​പ്പെ​ട്ട യേ​ശു​വി​നെ​യാ​ണു നി​ങ്ങ​ൾ അ​ന്വേ​ഷി​ക്കു​ന്ന​തെ​ന്ന് എ​നി​ക്ക​റി​യാം. അ​വ​ൻ ഇ​വി​ടെ​യി​ല്ല; താ​ൻ അ​രു​ളി​ച്ചെ​യ്ത​തു​പേ​ലെ അ​വ​ൻ ഉ​യി​ർ​പ്പി​ക്ക​പ്പെ​ട്ടു'' (മ​ത്താ​യി 28:5-6).

മ​ഗ്ദ​ല​നാ​യി​ലെ മ​റി​യ​ത്തി​ൽ ആ​രം​ഭി​ച്ച് തു​ട​ർ​ന്ന​ങ്ങോ​ട്ട് ഉ​ത്ഥി​ത​നെ ക​ണ്ടു​മു​ട്ടി​യ​വ​രു​ടെ അ​നേ​കം ജീ​വി​ത​സാ​ക്ഷ്യ​ങ്ങ​ൾ ബൈ​ബി​ൾ ന​മ്മോ​ടു പ​ങ്കു​വ​യ്ക്കു​ന്നു. വി​ജ​യ​പ​രാ​ജ​യ​ങ്ങ​ളി​ലൂ​ടെ​യും ഉ​യ​ർ​ച്ച​താ​ഴ്ച​ക​ളി​ലൂ​ടെ​യും ക​ട​ന്നു​പോ​യ സ​ഭ​യു​ടെ ര​ണ്ടു സ​ഹ​സ്രാ​ബ്ദ​ങ്ങ​ൾ ഇ​ന്നും ജീ​വി​ക്കു​ന്ന​വ​നാ​യ യേ​ശു​ക്രി​സ്തു​വി​ന്‍റെ ച​രി​ത​മാ​ണ് ന​മ്മെ പ​ഠി​പ്പി​ക്കു​ന്ന​ത്. യേ​ശു​ക്രി​സ്തു ഇ​ന്നും ജീ​വി​ക്കു​ന്നു എ​ന്ന യാ​ഥാ​ർ​ഥ്യ​ത്തി​ന്‍റെ പ്ര​ഘോ​ഷ​ണ​വും ആ​ഘോ​ഷ​വു​മാ​ണ് ഈ​സ്റ്റ​ർ.

ഉ​ത്ഥാ​ന​ത്തി​ന്‍റെ മ​ക്ക​ളാ​യി ജീ​വി​ക്കാ​നു​ള്ള വി​ളി​യാ​ണ് ഈ​ സ്റ്റ​ർ ന​മു​ക്കു ന​ൽ​കു​ന്ന​ത്. മ​ര​ണ​ത്തോ​ടെ എ​ല്ലാം അ​വ​സാ​നി​ച്ചെ​ ന്നു ക​രു​തു​ന്നോ? ഭ​യ​പ്പെ​ടേ​ണ്ട. മ​ര​ണ​ത്തി​നു​മേ​ൽ വി​ജ​യം വ​രി​ച്ച​വ​ൻ, യേ​ശു​ക്രി​സ്തു ഇ​ന്നും ജീ​വി​ക്കു​ന്നു.

ന​മ്മു​ടെ ജീ​വി​ത​ത്തി​ന്‍റെ സാ​ധാ​ര​ണ​ക​ളെ പു​തി​യ ക​ണ്ണു​ക​ൾ​കൊ​ണ്ട് കാ​ണാ​ൻ ക്രി​സ്തു​വി​ന്‍റെ ഉ​ത്ഥാ​നം ന​മ്മെ പ​ഠി​പ്പി​ക്കു​ന്നു. മ​ര​ണ​ത്തോ​ടെ തീ​രു​ന്ന ജീ​വി​ത​ത്തി​ലെ സു​ഖ​ദുഃ​ഖ​ങ്ങ​ളും നേ​ട്ട കോ​ട്ട​ങ്ങ​ളും നി​രാ​ശ​യും നെ​ടു​വീ​ർ​പ്പു​ക​ളു​മാ​ണ് ന​മ്മു​ടെ ജീ​വി​ത​ത്തെ ഇ​ന്നു നി​യ​ന്ത്രി​ക്കു​ന്ന​തെ​ങ്കി​ൽ, നാം ​വ​ഹി​ക്കു​ന്ന ഭാ​രം മ​ടു​പ്പു​ള​വാ​ക്കു​ന്ന​താ​ണ്. എ​ന്നാ​ൽ, മ​ര​ണ​ത്തെ​യും അ​തി​ജീ​വി​ക്കു​ന്ന ജീ​വി​ത​ല​ക്ഷ്യ​ങ്ങ​ളി​ലേ​ക്ക് ഉ​ത്ഥി​ത​ൻ ന​മ്മെ ക്ഷ​ണി​ക്കു​ന്നു.

യു​ദ്ധ​ങ്ങ​ളു​ടെ​യും ക്രൂ​ര​ത​ക​ളു​ടെ​യും തി​ന്മക​ളു​ടെ​യും അ​ര​ക്ഷി​ത​ത്വ​ത്തി​ന്‍റെ​യും മ​ധ്യേ ജീ​വി​ക്കു​ന്പോ​ഴും, ആ​ത്യ​ന്തി​ക​മാ​യി ദൈ​വ​മാ​ണ് എ​ല്ലാം നി​യ​ന്ത്രി​ ക്കു​ന്ന​ത്. പാ​പ​ത്തി​ന്‍റെ​യും മ​ര​ണ​ത്തി​ന്‍റെ​യും​മേ​ൽ വി​ജ​യം വ​രി​ച്ച​വ​ൻ ന​മ്മു​ടെ ജീ​വി​ത​ത്തി​ലു​ള്ള​പ്പോ​ൾ വി​ജ​യം സു​നി​ശ്ചി​ത​മാ​ണ്. ആ​ത്മ​ബ​ലം ന​ൽ​കു​ന്ന അ​പ്ര​തി​രോ​ധ്യ​മാ​യ ഈ ​പ്ര​ത്യാ​ശ​യു​ടെ തി​രു​നാ​ളാ​ണ് ഈ​സ്റ്റ​ർ.

ഉ​യി​ർ​പ്പു​തി​രു​നാ​ൾ -സ​മാ​ധാ​ന​ത്തി​ന്‍റെ ശാ​ന്തി​മ​ന്ത്രം

അ​നീ​തി​യു​ടെ​യും അ​ക്ര​മ​ത്തി​ ന്‍റെ​യും ന​ടു​വി​ൽ സ​മാ​ധാ​ന​ത്തി​നാ​യി ദാ​ഹി​ക്കു​ന്ന ലോ​ക​ജ​ന​ത​യ്ക്കു​ള്ള ശാ​ന്തി​മ​ന്ത്ര​മാ​ണ് ഈ​സ്റ്റ​ർ. ശി​ഷ്യ​രി​ലൊ​രാ​ൾ ഒ​റ്റി​ക്കൊ​ടു​ത്തി​ട്ടും അ​നീ​തി​പ​ര​മാ​യി മ​ര​ണ​ത്തി​നു വി​ധി​ക്ക​പ്പെ​ട്ടി​ട്ടും അ​തി​ക്രൂ​ര​മാ​യി മ​ർ​ദി​ക്ക​പ്പെ​ട്ടി​ട്ടും അ​പ​മാ​ന​ക​ര​മാ​യി കു​രി​ശി​ൽ കൊ​ല്ല​പ്പെ​ട്ടി​ട്ടും ക​ല്ല​റ​യ്ക്കു മു​ദ്ര​വ​യ്ക്ക​പ്പെ​ട്ടി​ട്ടും പ​ട്ടാ​ള​ക്കാ​ർ കാ​വ​ലി​രു​ന്നി​ട്ടും എ​ന്നും നി​ല​നി​ൽ​ക്കു​ന്ന ദൈ​വ​ത്തി​ന്‍റെ സ്നേ​ഹം ഈ​ശോ​യു​ടെ ഉ​ത്ഥാ​ന​ത്തി​ലൂ​ടെ മ​നു​ഷ്യ​ച​രി​ത്ര​ത്തി​ലേ​ക്കു പൊ​ട്ടി​വി​ട​രു​ക​യാ​ണ്.

എ​ത്ര ക​ടു​ത്ത അ​നീ​തി​ക്കി​ട​യി​ലും സ​ത്യ​വും നീ​തി​യും സ്നേ​ഹ​വും അ​വ​സാ​നം വി​ജ​യി​ക്കു​ക​ത​ന്നെ ചെ​യ്യും. അ​താ​ണ് ഉ​യി​ർ​പ്പി​ന്‍റെ പ്ര​ത്യാ​ശ. മ​ര​ണ​ത്തി​ന​പ്പു​റം ക​ട​ക്കു​ന്ന​താ​ണ് ദൈ​വ​ത്തി​ന്‍റെ സ്നേ​ഹം. മ​ര​ണ​ത്തി​ന്‍റെ താ​ഴ്വ​ര​യ്ക്ക​പ്പു​റം ഉ​യ​ർ​ന്നു​പൊ​ങ്ങു​ന്ന പ്ര​ത്യാ​ശ​യു​ടെ വെ​ള്ളി​ന​ക്ഷ​ത്ര​മാ​ണ് ഈ​സ്റ്റ​ർ..!

സ​ത്യ​വും നീ​തി​യും സ്നേ​ഹ​വും നി​ല​നി​ൽ​ക്കു​ന്പോ​ഴാ​ണ് സ​മാ​ധാ​നം സം​ജാ​ത​മാ​കു​ക. അ​സാ​ധ്യ​മെ​ന്നു തോ​ന്നി​ക്കാ​വു​ന്ന പ്ര​തി​കൂ​ല​സാ​ഹ​ച​ര്യ​ങ്ങ​ളെ അ​തി​ജീ​വി​ക്കാ​ൻ മ​നു​ഷ്യ​നെ പ്രാ​പ്ത​നാ​ക്കു​ന്ന​താ​ണ് ഉ​യി​ർ​പ്പി​ന്‍റെ പ്ര​ത്യാ​ശ. ഈ​ശോ​യു​ടെ ഉ​ത്ഥാ​നം പ്ര​ത്യാ​ശ​യു​ടെ​യും സ​മാ​ധാ​ന​ത്തി​ന്‍റെ​യും അ​ച്ചാ​ര​മാ​യി എ​ന്നും മ​നു​ഷ്യ​ച​രി​ത്ര​ത്തി​ൽ നി​ല​നി​ൽ​ക്കു​ന്നു.

ദൂ​ത​ൻ സ്ത്രീ​ക​ളോ​ടു പ​റ​ഞ്ഞു: ""നി​ങ്ങ​ൾ ഭ​യ​പ്പ​ടേ​ണ്ട; ക്രൂ​ശി​ക്ക​പ്പെ​ട്ട ഈ​ശോ​യെ​യാ​ണ് നി​ങ്ങ​ൾ അ​ന്വേ​ഷി​ക്കു​ന്ന​തെ​ന്ന് എ​നി​ക്ക​റി​യാം. അ​വ​ൻ ഇ​വി​ടെ​യി​ല്ല; അ​രു​ൾ​ച്ചെ​യ്ത​തു​പോ​ലെ അ​വ​ൻ ഉ​യി​ർ​പ്പി​ക്ക​പ്പെ​ട്ടു''( മ​ത്താ​യി 28: 5-6). ഉ​ത്ഥാ​നം​ചെ​യ്ത ഈ​ശോ ശി​ഷ്യ​രോ​ടു പ​റ​ഞ്ഞു: ""ഭ​യ​പ്പെ​ടേ​ണ്ട, ഇ​തു ഞാ​നാ​ണ്. നി​ങ്ങ​ൾ​ക്കു സ​മാ​ധാ​നം..!'' ( ലൂ​ക്ക 24:36). ഏ​വ​ർ​ക്കും ഉ​യി​ർ​പ്പു​തി​രു​നാ​ൾ മം​ഗ​ള​ങ്ങ​ൾ...

Tags : nattu vishesham Happy Easter