18

നീ​ലേ​ശ്വ​രം: രാ​ജാ റോ​ഡ് വി​ക​സ​ന​ത്തി​ന് ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് പു​റ​പ്പെ​ടു​വി​ച്ച വി​ജ്ഞാ​പ​ന​ത്തി​ന്‍റെ സ​മ​യ​പ​രി​ധി വീ​ണ്ടും ആ​റു​മാ​സ​ത്തേ​ക്ക് നീ​ട്ടി. റോ​ഡി​ന്‍റെ ഇ​രു​വ​ശ​ങ്ങ​ളി​ലും നി​ന്നാ​യി ഏ​റ്റെ​ടു​ക്കേ​ണ്ടി​വ​രു​ന്ന കെ​ട്ടി​ട​ങ്ങ​ളു​ടെ​യും സ്ഥ​ല​ങ്ങ​ളു​ടെ​യും ഉ​ട​മ​ക​ൾ​ക്ക് ന​ഷ്ട​പ​രി​ഹാ​രം ന​ൽ​കു​ന്ന​തി​നു​ള്ള അ​ധി​ക തു​ക​യാ​യി 15.85 കോ​ടി രൂ​പ കി​ഫ്ബി ഫ​ണ്ടി​ൽ നി​ന്ന് അ​നു​വ​ദി​ച്ചു​കൊ​ണ്ട് ക​ഴി​ഞ്ഞ സ​ർ​ക്കാ​രി​ന്‍റെ അ​വ​സാ​ന​കാ​ല​ത്ത് ഉ​ത്ത​ര​വി​റ​ങ്ങി​യി​രു​ന്നെ​ങ്കി​ലും തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ വ​ന്ന​തി​നാ​ൽ ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ക​ഴി​ഞ്ഞി​രു​ന്നി​ല്ല.

നേ​ര​ത്തേ പു​റ​പ്പെ​ടു​വി​ച്ച വി​ജ്ഞാ​പ​ന​ത്തി​ന്‍റെ സ​മ​യ​പ​രി​ധി ക​ഴി​ഞ്ഞ ഏ​പ്രി​ൽ 10ന് ​അ​വ​സാ​നി​ച്ച സാ​ഹ​ച​ര്യ​ത്തി​ലാ​ണ് റ​വ​ന്യൂ വ​കു​പ്പ് അ​സാ​ധാ​ര​ണ ഗ​സ​റ്റ് വി​ജ്ഞാ​പ​ന​ത്തി​ലൂ​ടെ സ​മ​യ​പ​രി​ധി വീ​ണ്ടും നീ​ട്ടി​യ​ത്.

ഒ​ന്നാം പി​ണ​റാ​യി സ​ർ​ക്കാ​രി​ന്‍റെ കാ​ല​ത്ത് കി​ഫ്ബി​ക്കു കീ​ഴി​ൽ 40.91 കോ​ടി രൂ​പ വ​ക​യി​രു​ത്തി സാ​മ്പ​ത്തി​കാ​നു​മ​തി ന​ൽ​കി​യി​രു​ന്ന പ​ദ്ധ​തി​യു​ടെ അ​ട​ങ്ക​ൽ തു​ക ക​ഴി​ഞ്ഞ സ​ർ​ക്കാ​രി​ന്‍റെ കാ​ല​ത്ത് 52.13 കോ​ടി രൂ​പ​യാ​യി ഉ​യ​ർ​ത്തി​യി​രു​ന്നു.

ഏ​റ്റെ​ടു​ക്കു​ന്ന ഭൂ​മി​യു​ടെ കൃ​ത്യ​മാ​യ രൂ​പ​രേ​ഖ​യും ന​ഷ്ട​പ​രി​ഹാ​ര​ത്തു​ക​യും സം​ബ​ന്ധി​ച്ച സം‍​ശ​യ​ങ്ങ​ളും ത​ർ​ക്ക​ങ്ങ​ളും അ​വ​സാ​നി​ച്ച സാ​ഹ​ച​ര്യ​ത്തി​ൽ അ​ടു​ത്ത ആ​റു​മാ​സ​ത്തി​ന​കം ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷ. ഇ​തോ​ടെ റോ​ഡ് ന​വീ​ക​ര​ണ പ്ര​വൃ​ത്തി​ക​ൾ തു​ട​ങ്ങാ​നാ​കും.

രാ​ജാ​റോ​ഡ് വി​ക​സ​ന​ത്തി​ന്‍റെ അ​നു​ബ​ന്ധ പ​ദ്ധ​തി​യാ​യ ക​ച്ചേ​രി​ക്ക​ട​വ് പാ​ലം നി​ർ​മാ​ണ​പ്ര​വൃ​ത്തി​ക​ൾ ഇ​പ്പോ​ൾ അ​വ​സാ​ന​ഘ​ട്ട​ത്തി​ലേ​ക്ക് ക​ട​ക്കു​ക​യാ​ണ്. ഉ​ൾ​നാ​ട​ൻ ജ​ല​പാ​ത​യ്ക്കു കൂ​ടി സ​ഹാ​യ​ക​മാ​യ രീ​തി​യി​ൽ വി​ല്ലി​ന്‍റെ ആ​കൃ​തി​യി​ൽ മു​ക​ളി​ലേ​ക്കു വ​ള​ഞ്ഞ ഗ​ർ​ഡ​റു​ക​ളോ​ടു കൂ​ടി​യ മ​ധ്യ​ഭാ​ഗ​ത്തി​ന്‍റെ നി​ർ​മാ​ണ​മാ​ണ് ഇ​പ്പോ​ൾ ന​ട​ക്കു​ന്ന​ത്.

മ​ഴ​ക്കാ​ലം നേ​ര​ത്തേ എ​ത്തി​യ​തോ​ടെ പാ​ലം നി​ർ​മാ​ണ​ത്തി​നാ​യി പു​ഴ​യു​ടെ മ​ധ്യ​ത്തി​ൽ നി​ർ​മി​ച്ച ബ​ണ്ട് തു​റ​ന്നു​കൊ​ടു​ക്കേ​ണ്ടി​വ​രു​മോ​യെ​ന്ന സം​ശ​യ​മു​യ​ർ​ന്നി​ട്ടു​ണ്ട്. അ​ങ്ങ​നെ​യാ​യാ​ൽ പാ​ലം​പ​ണി കു​റ​ച്ചു​കൂ​ടി നീ​ണ്ടു​പോ​കും. എ​ങ്കി​ലും റോ​ഡ് വി​ക​സ​ന​വും പാ​ല​ത്തി​ന്‍റെ നി​ർ​മാ​ണ​വും ഏ​താ​ണ്ട് ഒ​രേ​സ​മ​യ​ത്ത് പൂ​ർ​ത്തി​യാ​ക്കാ​നാ​കു​മെ​ന്നാ​ണ് പ്ര​തീ​ക്ഷ.

Tags : nattu vishesham Land acquisition notification