26

​തൊ​ടു​പു​ഴ: നാ​ട​ന്‍ തോ​ക്കു​ക​ളും തി​ര​ക​ളും ചാ​രാ​യം വാ​റ്റു​ന്ന​തി​നു​ള്ള കോ​ട​യു​മാ​യി ഒ​രാ​ള്‍ പോ​ലീ​സിന്‍റെ പി​ടി​യി​ൽ.

ഉ​ടു​മ്പ​ന്നൂ​ര്‍ പ​ഞ്ചാ​യ​ത്തി​ലെ ഉ​പ്പു​കു​ന്ന് സി​കെ ക​ട ഭാ​ഗ​ത്ത് പോ​ലീ​സ് ന​ട​ത്തി​യ റെ​യ്ഡി​ലാ​ണ് ഇ​ള​മാ​യ്ക്ക​ല്‍ പ്ര​വീ​ണ്‍ (44) അ​റ​സ്റ്റി​ലാ​യ​ത്. ജി​ല്ലാ പോ​ലീ​സ് മേ​ധാ​വി​യു​ടെ ഡാ​ന്‍​സാ​ഫ് ടീ​മും ക​രി​മ​ണ്ണൂ​ര്‍ പോ​ലീ​സ് സം​ഘ​വും ചേ​ര്‍​ന്ന് ന​ട​ത്തി​യ റെ​യ്ഡി​ല്‍ ര​ണ്ട് നി​റ നാ​ട​ന്‍തോ​ക്കു​ക​ള്‍, ഒ​രു തോ​ട്ട കു​ഴ​ല്‍ തോ​ക്ക്, തോ​ക്കി​ല്‍ നി​റ​യ്ക്കു​ന്ന 13 തോ​ട്ട, നാ​ട​ന്‍ തോ​ക്കി​ല്‍ നി​റ​യ്ക്കു​ന്ന 32 ഇ​രു​മ്പ് ക​രു​ക്ക​ള്‍, 37 ഇ​രു​മ്പ് ബോ​ളു​ക​ള്‍, ചെ​റി​യ ഇ​രു​മ്പി​ന്‍റെ ബോ​ളു​ക​ള്‍, നാ​ട​ന്‍ തോ​ക്കി​ല്‍ നി​റ​യ്ക്കു​ന്ന ഗ​ണ്‍ പൗ​ഡ​ര്‍, നി​ര്‍​മാ​ണ​ത്തി​ലി​രി​ക്കു​ന്ന തോ​ക്കി​ന്‍റെ ത​ടി​യു​ടെ ബ​ട്ട് ഭാ​ഗം, ഇ​രു​മ്പി​ന്‍റെ ബാ​ര​ല്‍ എ​ന്നി​വ ക​ണ്ടെ​ടു​ത്തു.

കൂ​ടാ​തെ വീ​ട്ടി​ല്‍നി​ന്ന് 25 ലി​റ്റ​ര്‍ കോ​ട​യും ക​ണ്ടെ​ത്തി. ര​ഹ​സ്യ വി​വ​ര​ത്തെത്തു​ട​ര്‍​ന്ന് ജി​ല്ലാ പോ​ലീ​സ് മേ​ധാ​വി ന​ല്‍​കി​യ നി​ര്‍​ദേ​ശ​ത്തെത്തു​ട​ര്‍​ന്നാ​യി​രു​ന്നു റെ​യ്ഡ്.
ക​രി​മ​ണ്ണൂ​ര്‍ എ​സ്‌​ഐ ജ​യിം​സ് മാ​ത്യു, എ​എ​സ്‌​ഐ ര​ജ​നീ​ഷ് അ​ഗ​സ്റ്റി​ന്‍, വ​നി​താ ഉ​ദ്യോ​ഗ​സ്ഥ​രാ​യ ടി.​ബി. അ​ഞ്ജു, അ​മ്പി​ളി പ്ര​സ​ന്ന​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. പ്ര​തി​യെ ഇ​ന്നു കോ​ട​തി​യി​ല്‍ ഹാ​ജ​രാ​ക്കും.

Tags : One arrested nattuvishesham local news