എരുമേലിയിൽ ഓപ്പറേഷൻ തൂഫാൻ 2.0 ഉദ്ഘാടനം പഞ്ചായത്ത് ഓഫീസിന് മുന്നിൽ പതാക ഉയർത്തി പ്രസിഡന്റ് അമ്പിളി സജീവൻ നിർവഹിക്കുന്നു.
എരുമേലി: ഓപ്പറേഷൻ തൂഫാൻ 2.0 ഉദ്ഘാടനം എരുമേലി പഞ്ചായത്ത് ഓഫിസിന് മുമ്പിൽ പതാക ഉയർത്തി പഞ്ചായത്ത് പ്രസിഡന്റ് അമ്പിളി സജീവൻ നിർവഹിച്ചു. തുടർന്ന് പഞ്ചായത്ത് ഹാളിൽ ജനജാഗ്രതാസമിതി ചേർന്ന് ലഹരി വിരുദ്ധ പ്രവർത്തനങ്ങൾ വിലയിരുത്തി.
വൈസ് പ്രസിഡന്റ് സാറാമ്മ ഏബ്രഹാം, സിഐ സുരേഷ്, എസ്എച്ച്ഒ ശാന്തി കെ. ബാബു, വികസന സ്റ്റാൻഡിംഗ് കമ്മിറ്റി ചെയർമാൻ നാസർ പനച്ചി, പ്ലാച്ചേരി ഡപ്യൂട്ടി റേഞ്ച് ഫോറസ്റ്റ് ഓഫിസർമാരായ നജിമോൻ, എം. സുരേഷ്, പഞ്ചായത്തംഗങ്ങൾ തുടങ്ങിയവർ പ്രസംഗിച്ചു.
വിവിധ കായികവിനോദങ്ങൾ നടത്തിയിരുന്ന കനകപ്പലത്ത് വനംവകുപ്പിന്റെ സ്ഥലത്ത് കളികൾ നിരോധിച്ചത് വനംവകുപ്പ് പിൻവലിക്കണമെന്ന് ജനജാഗ്രതാസമിതി യോഗത്തിൽ ആവശ്യമുയർന്നു. ലഹരിയുടെ പിടിയിൽനിന്നു യുവജനതയെ കായികരംഗത്തേക്ക് കൊണ്ടുവരുന്നത് മുൻനിർത്തി പഞ്ചായത്ത് പരിധിയിൽ പൊതു കളിസ്ഥലം ഒരുക്കണമെന്നും ആവശ്യപ്പെട്ടു.
Tags : NattuVishesham DistrictNews