21

ഒ​റ്റ​പ്പാ​ലം: ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടു​ന്ന ഒ​റ്റ​പ്പാ​ലം ന​ഗ​ര​ത്തി​ൽ പി​ഡ​ബ്ല്യു​ഡി​യു​ടെ ഓ​ട്ട​യ​ട​യ്ക്ക​ലി​നെ​തി​രേ വ്യാ​പ​ക പ​രാ​തി. ഓ​ണ​ക്കാ​ലം പ്ര​മാ​ണി​ച്ച് ന​ഗ​ര​ത്തി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കാ​ൻ പ്ര​ധാ​ന​കാ​ര​ണം ന​ഗ​ര​ത്തി​നു​ള്ളി​ലെ കു​ഴി​ക​ളാ​ണെ​ന്നു വ്യാ​പ​ക​മാ​യി വി​മ​ർ​ശ​നം ഉ​യ​ർ​ന്നി​രു​ന്നു.

പോ​ലീ​സ്, പി​ഡ​ബ്ല്യു​ഡി വി​ഭാ​ഗ​ങ്ങ​ൾ ഒ​രു​മി​ച്ച് ചേ​ർ​ന്ന യോ​ഗ​ത്തി​ലും ഇ​തു​സം​ബ​ന്ധി​ച്ച് പി​ഡ​ബ്ല്യു​ഡി ക്കെ​തി​രെ രൂ​ക്ഷ​മാ​യ വി​മ​ർ​ശ​ന​മാ​ണു​യ​ർ​ന്ന​ത്.

ഈ​സ്റ്റ് ഒ​റ്റ​പ്പാ​ലം പാ​ല​ത്തി​നു​മു​ക​ളി​ലും പ​രി​സ​ര​ത്തു​മാ​ണ് ഏ​റ്റ​വു​മ​ധി​കം കു​ഴി​ക​ൾ രൂ​പ​പ്പെ​ട്ടി​ട്ടു​ള്ള​ത്. ഈ ​കു​ഴി​ക​ളി​ൽ​പെ​ടാ​തി​രി​ക്കാ​ൻ വാ​ഹ​ന​ങ്ങ​ൾ വേ​ഗ​ത കു​റ​യ്ക്കു​ന്ന​തോ​ടു​കൂ​ടി ഗ​താ​ഗ​ത​ക്കു​രു​ക്കും രൂ​പ​പ്പെ​ടും. പാ​ല​ത്തി​നു മു​ക​ളി​ലും പ​രി​സ​ര​ത്തും ഗ​താ​ഗ​ത​ക്കു​രു​ക്ക് രൂ​പ​പ്പെ​ട്ടാ​ൽ ഇ​തി​ന്‍റെ പ്ര​തി​ഫ​ല​നം അ​നു​ഭ​വ​പ്പെ​ടു​ക ഈ​സ്റ്റ് ഒ​റ്റ​പ്പാ​ല​ത്തേ​ക്കും ക​ണ്ണി​യം​പു​റ​ത്തേ​ക്കു​മാ​ണ്.

വാ​ഹ​ന​ങ്ങ​ളു​ടെ നീ​ണ്ട നി​ര​യാ​ണ് പി​ന്നീ​ടു​ണ്ടാ​വു​ക. ഇ​തോ​ടു​കൂ​ടി ന​ഗ​രം പൂ​ർ​ണ​മാ​യും സ്തം​ഭി​ക്കും.
ഇ​ക്കാ​ര്യ​ങ്ങ​ളെ​ല്ലാം മ​റ്റാ​രെ​ക്കാ​ൾ​കൂ​ടു​ത​ൽ പി​ഡ​ബ്ല്യു​ഡി അ​ധി​കൃ​ത​ർ​ക്ക് അ​റി​വു​ള്ള​താ​ണ്. എ​ന്നാ​ൽ ക​ണ്ടം​വ​ച്ച കോ​ട്ടു​പോ​ലെ ചി​ല ഭാ​ഗ​ങ്ങ​ളി​ൽ പേ​രി​നു​മാ​ത്രം കു​ഴി​ക​ൾ​ക്കു​മീ​തെ ടാ​ർ തൂ​വി​പ​പോ​വു​ക​യാ​ണ് പി​ഡ​ബ്ല്യു​ഡി ചെ​യ്തി​ട്ടു​ള്ള​ത്.

ക​ഴി​ഞ്ഞ ദി​വ​സ​മാ​ണ് ഈ ​പ്ര​വൃ​ത്തി​ക​ൾ ന​ട​ത്തി​യ​ത്. എ​ന്നാ​ൽ മ​ണി​ക്കൂ​റു​ക​ൾ​ക്ക​കം അ​ട​ർ​ന്നു പോ​വു​ക​യും ചെ​യ്തു.

Tags : PWD NattuVishasham DistrictNews