പത്തനംതിട്ട: കണ്ണൂര് എഡിഎം ആയിരുന്ന മലയാലപ്പുഴ സ്വദേശി നവീന് ബാബുവിന്റെ മരണം സംബന്ധിച്ച് വിശദമായ അന്വേഷണം നടത്താന് തലശേരി സെഷന്സ് കോടതിയുടെ വിധി സ്വാഗതാര്ഹമാണെന്ന് ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പിൽ.
സിപിഎം നേതൃത്വത്തിന്റെ ഹിതമനുസരിച്ചും നിര്ദ്ദേശാനുസരണവും അന്വേഷണം നടത്തിവന്ന സംഘത്തിനേറ്റ തിരിച്ചടിയാണ് ഈ വിധിയെന്നും സതീഷ് കൊച്ചുപറമ്പില് അഭിപ്രായപ്പെട്ടു.നവീന് ബാബുവിന്റെ മരണം കൊലപാതകമാണെന്നാണ് സാധാരണ ജനങ്ങള് ഇപ്പോഴും വിശ്വസിക്കുന്നത്.
അന്നത്തെ ജില്ലാ പഞ്ചായത്ത് പ്രസിഡന്റ് പി.പി. ദിവ്യയുടെ ഇടപെടലുകള് കൃത്യമായി അന്വേഷിക്കണം. ഈ കോടതിവിധി വാങ്ങുവാന് നവീന് ബാബുവിന്റെ ഭാര്യ നടത്തിയ നിയമ പോരാട്ടത്തെ അഭിനന്ദിക്കുന്നതായും, നവീന് ബാബുവിന്റെ കുടുംബത്തെ ചേര്ത്തു പിടിച്ച് അവര്ക്ക് വേണ്ട സഹായം ചെയ്യുവാന് കോണ്ഗ്രസ് പാര്ട്ടി ഉണ്ടാകുമെന്നും ഡിസിസി പ്രസിഡന്റ് പറഞ്ഞു.