18

അ​ങ്ക​മാ​ലി: എ​ട​ക്കു​ന്ന് നൈ​പു​ണ്യ പ​ബ്ലി​ക് സ്കൂ​ളി​ൽ വി​ദ്യാ​ർ​ഥി​ക​ൾ​ക്ക്‌ മി​ക​ച്ച സൗ​ക​ര്യ​ങ്ങ​ളോ​ടെ ഒ​രു​ക്കി​യ സ്പോ​ർ​ട്സ് കോം​പ്ല​ക്സി​ന്‍റെ​യും ഫി​ഫ ലോ​ക ക​പ്പ് ആ​ഘോ​ഷ​ത്തി​ന്‍റെ​യും ഉ​ദ്ഘാ​ട​നം ഉ​ന്ന​ത വി​ദ്യാ​ഭ്യാ​സ​മ​ന്ത്രി റോ​ജി എം. ​ജോ​ൺ നി​ർ​വ​ഹി​ച്ചു. വി​ദ്യാ​ർ​ഥി​ക​ളു​ടെ സ​മ​ഗ്ര വ്യ​ക്തി​ത്വ വി​കാ​സ​ത്തി​ൽ കാ​യി​ക​രം​ഗ​ത്തി​നു​ള്ള പ്രാ​ധാ​ന്യ​ത്തെ​ക്കു​റി​ച്ചും ഓ​രോ വി​ദ്യാ​ർ​ഥി​ക​ൾ​ക്കും വ​രും കാ​ല​ങ്ങ​ളി​ൽ ലോ​ക​ക​പ്പി​ന്‍റെ ഭാ​ഗ​മാ​കാ​ൻ സാ​ധി​ക്ക​ട്ടെ​യെ​ന്നും അ​ദ്ദേ​ഹം പ​റ​ഞ്ഞു.

ച​ട​ങ്ങി​ൽ മ​ന്ത്രി​യെ പൊ​ന്നാ​ട അ​ണി​യി​ച്ചും മെ​മെ​ന്‍റോ ന​ൽ​കി​യും സ്വീ​ക​രി​ച്ചു. എ​റ​ണാ​കു​ളം-​അ​ങ്ക​മാ​ലി അ​തി​രൂ​പ​ത വി​കാ​രി ജ​ന​റ​ലും സ്കൂ​ൾ ഡ​യ​റ​ക്ട​റു​മാ​യ ഫാ. ​ഡോ. ആ​ന്‍റോ ചേ​രാ​ൻ​തു​രു​ത്തി മു​ഖ്യാ​തി​ഥി​യാ​യി​രു​ന്നു. സ്പോ​ർ​ട്സ് കോം​പ്ല​ക്സ് നി​ർ​മാ​ണം മി​ക​ച്ച രീ​തി​യി​ൽ പൂ​ർ​ത്തി​യാ​ക്കി​യ കോ​ൺ​ട്രാ​ക്ട​ർ കെ. ​ജെ. സെ​ബാ​സ്റ്റ്യ​നും ഉ​പ​ഹാ​രം ന​ൽ​കി.
വി​ദ്യാ​ർ​ഥി​ക​ൾ​ക്ക്‌ ഷൂ​ട്ട് ഔ​ട്ട് മ​ത്സ​ര​വും ഹൈ​സ്കൂ​ൾ, ഹ​യ​ർ സെ​ക്ക​ണ്ട​റി വി​ദ്യാ​ർ​ഥി​ക​ൾ​ക്ക്‌ ഫു​ട്ബോ​ൾ സെ​വ​ൻ​സ് മാ​ച്ചും ഉ​ണ്ടാ​യി​രു​ന്നു. വി​ജ​യി​ക​ൾ​ക്ക് അ​വാ​ർ​ഡു​ദാ​ന​വും ന​ട​ത്തി.

നൈ​പു​ണ്യ പ​ബ്ലി​ക് സ്കൂ​ൾ എ​ക്സി​ക്യൂ​ട്ടീ​വ് ഡ​യ​റ​ക്ട​ർ ഫാ. ​ഡോ. ബി​ന്‍റോ കി​ലു​ക്ക​ൻ, അ​സി​സ്റ്റ​ന്‍റ് എ​ക്സി​ക്യൂ​ട്ടീ​വ് ഡ​യ​റ​ക്ട​ർ ഫാ. ​റോ​ബി​ൻ വാ​ഴ​പ്പി​ള്ളി, സ്കൂ​ൾ പ്രി​ൻ​സി​പ്പാ​ൾ എം. ​പി. രാ​ജ​ല​ക്ഷ്മി , വൈ​സ് പ്രി​ൻ​സി​പ്പ​ൽ ര​ജി​ത ജോ​സ​ഫ്, ക​റു​കു​റ്റി ഗ്രാ​മ​പ​ഞ്ചാ​യ​ത്ത് മെ​മ്പ​ർ എ​ൻ. വി. ​പോ​ളി, ര​ക്ഷാ​ക​ർ​ത്തൃ പ്ര​തി​നി​ധി പി. ​എ. മാ​ർ​ട്ടി​ൻ, വി​ദ്യാ​ർ​ഥി പ്ര​തി​നി​ധി ആ​ൻ​മ​രി​യ സീ​സ​ൺ എ​ന്നി​വ​ർ പ്ര​സം​ഗി​ച്ചു.

ഓ​പ്പ​ൺ ജിം, ​ക്രി​ക്ക​റ്റ് പി​ച്ച്, വോ​ളി​ബോ​ൾ കോ​ർ​ട്ട്, ഫു​ട്ബോ​ൾ ഗ്രൗ​ണ്ട് എ​ന്നി​വ​യു​ൾ​പ്പെ​ടെ ഉ​ന്ന​ത നി​ല​വാ​ര​ത്തി​ലു​ള്ള കാ​യി​ക സൗ​ക​ര്യ​ങ്ങ​ളാ​ണ് ഇ​വി​ടെ പു​തു​താ​യി സ​ജ്ജീ​ക​രി​ച്ചി​രി​ക്കു​ന്ന​ത്.

Tags : Local News Nattuvishesham Ernakulam