2

മാ​റ​ന​ല്ലൂ​ർ : ക​ന​ത്ത മ​ഴയെത്തുടർന്ന് മ​ല​വി​ള പാ​ല​ത്തി​ന്‍റെ ബ​ണ്ട് റോ​ഡ് ഇ​ടി​ഞ്ഞ് ക​നാ​ലി​ൽ പ​തി​ച്ചു. ര​ണ്ടു വ​ർ​ഷം മു​ൻ​പും ബണ്ട് റോഡ് ത​ക​ർ​ന്ന​ിരുന്നു. മു​ൻ​പ് ഇ​ടി​ഞ്ഞ ഭാ​ഗ​ത്തി​ന് സ​മീ​പ​ത്ത് ത​ന്നെ​യാ​ണ് ഇ​പ്പോൾ മ​ണ്ണി​ടി​ഞ്ഞത്.

ഇ​ന്ന​ല​ത്തെ ക​ന​ത്ത മ​ഴ​യെ തു​ട​ർ​ന്ന് ഇ​വി​ടെ നി​ര​വ​ധി വൈ​ദ്യു​തി തൂ​ണു​ക​ൾക്കും ത​ക​രാ​ർ സം​ഭ​വി​ച്ചി​ട്ടു​ണ്ട്. നി​ല​വി​ൽ ഇ​വി​ടെ ഇ​തു​വ​ഴി​യു​ള്ള ഗ​താ​ഗ​തം പോ​ലീ​സ് നി​രോ​ധി​ച്ചി​ട്ടു​ണ്ട്. പാ​ല​വും റോ​ഡും ബ​ന്ധി​പ്പി​ക്കു​ന്ന സ്ഥ​ല​ത്ത്. ര​ണ്ടു മാ​സം മു​ൻ​പ് ചെ​റി​യ തോ​തി​ൽ മ​ണ്ണ് വി​ട്ട് മാ​റി​യി​രു​ന്നു.​ഇ​ത് പി​ന്നീ​ട് അ​റ്റ​കു​റ്റപ്പണി ന​ട​ത്തി​.

തീരമേഖല ആശങ്കയിൽ

വ​ലി​യ​തു​റ: വെ​ള​ളി​യാ​ഴ്ച രാ​ത്രി മു​ത​ല്‍ ഇ​ട​വി​ട്ട് ശ​ക്ത​മാ​യി പെ​യ്യു​ന്ന മ​ഴ​യി​ല്‍ ശം​ഖും​മു​ഖം , ക​ണ്ണാ​ന്തു​റ , വെ​ട്ടു​കാ​ട് , കൊ​ച്ചു​വേ​ളി മേ​ഖ​ല​യി​ല്‍ ക​ട​ലി​നോ​ട് ചേ​ര്‍​ന്ന് താ​മ​സി​ക്കു​ന്ന ജ​നം ഏ​റെ ആ​ശ​ങ്ക​യി​ൽ. മ​ഴ ക​ടു​ത്ത​തോ​ടെ ശം​ഖും​മു​ഖം , ക​ണ്ണാ​ന്തു​റ ഭാ​ഗ​ങ്ങ​ളി​ല്‍ ശ​ക്ത​മാ​യ ക​ട​ലാ​ക്ര​മ​ണ​മാ​ണ് ഉ​ണ്ടാ​യി​ട്ടു​ള​ള​ത്. നി​ല​വി​ല്‍ ഭീ​ഷ​ണി​യി​ല്ലെ​ങ്കി​ലും മ​ഴ ശ​ക്ത​മാ​കു​ക​യാ​ണെ​ങ്കി​ല്‍ ക​ട​ലി​നോ​ട് ചേ​ര്‍​ന്ന് നി​ല​കൊ​ള​ളു​ന്ന നി​ര​വ​ധി വീ​ടു​ക​ള്‍ ക​ട​ലാ​ക്ര​മ​ണ​ത്തി​ന് വി​ധേ​യ​മാ​കു​മെ​ന്നാ​ണ് തീ​ര​ദേ​ശ വാ​സി​ക​ള്‍ പ​റ​യു​ന്ന​ത്.

വ​ലി​യ​തു​റ ഭാ​ഗ​ത്ത് ക​ട​ല്‍ ഭി​ത്തി നി​ര്‍​മാ​ണം പൂ​ര്‍​ത്തി​യാ​യ​തി​നാ​ല്‍ ഇ​വി​ടെ തി​ര​മാ​ല​ക​ള്‍ ശ​ക്ത​മാ​യി വീ​ശി​യ​ടു​ക്കു​ന്നു​ണ്ടെ​ങ്കി​ലും ജ​ന​ങ്ങ​ള്‍​ക്ക് ആ​ശ​ങ്ക​പ്പെടേണ്ട സാ​ഹ​ച​ര്യ​മി​ല്ലെ​ന്നാ​ണ് സ​മീ​പ​വാ​സി​ക​ളും വാ​ര്‍​ഡ് കൗ​ണ്‍​സി​ല​റും പ​റ​യു​ന്ന​ത്. പൂ​ന്തു​റ, കൊ​ച്ചു​വേ​ളി ഭാ​ഗ​ങ്ങ​ളി​ലും ശ​ക്ത​മാ​യ ക​ട​ലാ​ക്ര​മ​ണം ഉ​ണ്ടാ​യി​ട്ടു​ള​ള​താ​യി പ്ര​ദേ​ശ​വാ​സി​ക​ള്‍ പ​റ​യു​ന്നു.

Tags : Nattuvishesham DistrictNews DeepikaNews bund road