30

വെ​ള്ളി​യാ​മ​റ്റം: ന​യ​ന​മ​നോ​ഹ​ര​മാ​യ വെ​ള്ള​ച്ചാ​ട്ട​വും മലനിരകളുടെ ദൃ​ശ്യ​ചാ​രു​ത​യും ഒ​ത്തി​ണ​ങ്ങി​യ വെ​ള്ളി​യാ​മ​റ്റം പ​ഞ്ചാ​യ​ത്തി​ന് ടൂ​റി​സം രം​ഗ​ത്ത് അ​ന​ന്ത​സാ​ധ്യ​ത​യാ​ണു​ള്ള​ത്. എ​ന്നാ​ല്‍, അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം തി​രി​ച്ച​ടി​യാ​കു​ന്നു.

പ​ഞ്ചാ​യ​ത്തും വി​നോ​ദ​സ​ഞ്ചാ​ര വ​കു​പ്പും കൈ​കോ​ര്‍​ത്താ​ല്‍ ഇ​വി​ടത്തെ വി​നോ​ദ​സ​ഞ്ചാ​രകേ​ന്ദ്ര​ങ്ങ​ള്‍ അ​നേ​ക​രെ അ​ക​ര്‍​ഷി​ക്കു​ന്ന കേ​ന്ദ്ര​ങ്ങ​ളാ​യി മാ​റ്റാ​നാ​കും. പ​ഞ്ചാ​യ​ത്തി​ലെ നെ​ല്ലി​ക്കാ​മ​ല, മു​തി​യാ​മ​ല, ഇ​രു​ക​ല്ലും​പാ​റ, പ​തി​ക്ക​മ​ല, ക​ക്കാ​ട്ടു​ഗു​ഹ, പ​റ​വ​ക്ക​യം, ഞ​ണ്ടി​റു​ക്കി വെ​ള്ള​ച്ചാ​ട്ടം എ​ന്നി​വ​യെ​ല്ലാം പ്രകൃതിരമണീയമായ കാഴ്ചകളാണ്.

ഞ​ണ്ടി​റു​ക്കി​യി​ല്‍ മാ​ത്രം സം​ര​ക്ഷ​ണ​വേ​ലി​യും വെ​ള്ള​ച്ചാ​ട്ട​ത്തി​ന് മു​ക​ളി​ല്‍ വ​രെ എ​ത്താ​ന്‍ ന​ട​ക​ളും നി​ര്‍​മി​ച്ചി​ട്ടു​ണ്ട്. മ​ഴ​ക്കാ​ല​ത്ത് മാ​ത്ര​മാ​ണ് വെ​ള്ള​ച്ചാ​ട്ട​ത്തി​ന്‍റെ മനോ ഹാരിത ന​ന്നാ​യി ആ​സ്വ​ദി​ക്കാ​നാ​കു​ന്ന​ത്. ഇ​വി​ടെ മ​ണ്‍​സൂ​ണ്‍​കാ​ല വി​നോ​ദ​സ​ഞ്ചാ​രം പ്രോ​ത്സാ​ഹി​പ്പി​ക്കാ​ന്‍ ന​ട​പ​ടി സ്വീ​ക​രി​ച്ചാ​ല്‍ സ​ഞ്ചാ​രി​ക​ള്‍ ഇ​വി​ടേ​ക്ക് ഒ​ഴു​കി​യെ​ത്തും.

ഞ​ണ്ടി​റു​ക്കി വെ​ള്ള​ച്ചാ​ട്ടം

മ​ല​യു​ടെ മു​ക​ളി​ല്‍നി​ന്നു സൗ​ന്ദ​ര്യ​ത്തി​ന്‍റെ നി​റ​വാ​യി താ​ഴേ​ക്ക് ഒ​ഴു​കി​യി​റ​ങ്ങു​ന്ന ഞ​ണ്ടി​റു​ക്കി വെ​ള്ള​ച്ചാ​ട്ടം ആ​രു​ടെ​യും മ​നം ക​വ​രും. പാ​ല​രു​വി​യാ​യ് താ​ഴേ​ക്ക് പ​തി​ക്കു​ന്ന ജ​ല​പ്ര​വാ​ഹം കാ​ണാ​ന്‍ നി​ര​വ​ധി​പ്പേ​ര്‍ എ​ത്തു​ന്നു​ണ്ട്.
ചെ​പ്പു​കു​ളം മ​ല​നി​ര​ക​ളി​ല്‍നി​ന്ന് ഉ​ത്ഭ​വി​ച്ച് പൂ​മാ​ല, മേ​ത്തൊട്ടി വ​ന​മേ​ഖ​ല​യി​ലെ പാ​റ​ക്കെ​ട്ടു​ക​ളി​ലൂ​ടെ ഞ​ണ്ടു​ക​ള്‍ ഇ​ഴ​ഞ്ഞു​നീ​ങ്ങു​ന്ന​തു​പോ​ലെ ചെ​രി​ഞ്ഞ് ഒ​ഴു​കു​ന്ന​തി​നാ​ലാ​ണ് ഇ​തി​ന് ഈ ​പേ​ര് ല​ഭി​ച്ച​ത്. 200 അ​ടി​യി​ല്‍​കൂ​ടു​ത​ല്‍ ഉ​യ​ര​ത്തി​ല്‍നി​ന്നു താ​ഴേ​ക്ക് പ​തി​ക്കു​ന്ന​ വെ​ള്ള​ച്ചാ​ട്ടം സം​സ്ഥാ​ന​ത്തെ ഉ​യ​ര​മു​ള്ള വെ​ള്ള​ച്ചാ​ട്ട​ങ്ങ​ളി​ലൊ​ന്നാ​ണ്.

തൂ​വ​ൽ വെ​ള്ള​ച്ചാ​ട്ടം

നെ​ടു​ങ്ക​ണ്ടം: പ്ര​കൃ​തി​യു​ടെ പ​ച്ച​പ്പും കു​ത്തി​യൊ​ഴു​കു​ന്ന വെ​ള്ള​ത്തി​ന്‍റെ സം​ഗീ​ത​വും ഒ​ത്തു​ചേ​രു​ന്ന തൂ​വ​ൽ വെ​ള്ള​ച്ചാ​ട്ടം സ​ഞ്ചാ​രി​ക​ളു​ടെ മ​ന​സു​ക​വ​രു​ന്ന കാ​ഴ്ച​യാ​യി മാ​റു​ന്നു. ഇ​ടു​ക്കി​യു​ടെ മ​ല​നി​ര​ക​ളു​ടെ പ​ശ്ചാ​ത്ത​ല​ത്തി​ൽ വെ​ള്ള​ച്ചാ​ട്ടം തൂ​വ​ൽ​പോ​ലെ താ​ഴേ​ക്ക് പ​തി​ക്കു​ന്ന കാ​ഴ്ച​യാ​ണ് ഇ​വി​ട​ത്തെ പ്ര​ധാ​ന ആ​ക​ർ​ഷ​ണം.​ മ​ഴ​ക്കാ​ല​ത്ത് നീ​രൊ​ഴു​ക്ക് ശ​ക്ത​മാ​കു​ന്ന​തോ​ടെ തൂ​വ​ൽ വെ​ള്ള​ച്ചാ​ട്ട​ത്തി​ന്‍റെ സൗ​ന്ദ​ര്യം ഇ​ര​ട്ടി​യാ​കും. പാ​റ​ക്കെ​ട്ടു​ക​ൾ​ക്കി​ട​യി​ലൂ​ടെ വെ​ള്ളം കു​ത്തി​യൊ​ഴു​കി താ​ഴേ​ക്ക് പ​തി​ക്കു​ന്ന​തും ചു​റ്റു​മു​ള്ള പ​ച്ച​പ്പും മ​ഞ്ഞു​മൂ​ടി​യ മ​ല​നി​ര​ക​ളും ചേ​ർ​ന്ന് മ​നോ​ഹ​ര​മാ​യ പ്ര​കൃ​തി​ദൃ​ശ്യ​മാ​ണ് ഒ​രു​ക്കു​ന്ന​ത്.

വെ​ള്ള​ച്ചാ​ട്ടം മു​ക​ളി​ൽ​നി​ന്ന് ആ​സ്വ​ദി​ക്കാ​നാ​കു​ന്ന​തും ഇ​വി​ട​ത്തെ പ്ര​ത്യേ​ക​ത​യാ​ണ്. പ്ര​കൃ​തി​യു​ടെ സ്വാ​ഭാ​വി​ക സൗ​ന്ദ​ര്യം ആ​സ്വ​ദി​ക്കാ​ൻ നി​ര​വ​ധി സ​ഞ്ചാ​രി​ക​ളാ​ണ് തൂ​വ​ലി​ൽ എ​ത്തു​ന്ന​ത്. എ​ന്നാ​ൽ, പ്ര​കൃ​തി​യു​ടെ ഈ ​മ​നോ​ഹാ​രി​ത​യ്ക്കൊ​പ്പം അ​പ​ക​ട​സാ​ധ്യ​ത​യും നി​ല​നി​ൽ​ക്കു​ന്ന പ്ര​ദേ​ശ​മാ​ണി​ത്. അ​തി​നാ​ൽ സു​ര​ക്ഷാ നി​ർ​ദേ​ശ​ങ്ങ​ൾ പാ​ലി​ച്ച് അ​ക​ലെ​നി​ന്ന് കാ​ഴ്ച ആ​സ്വ​ദി​ക്ക​ണ​മെ​ന്ന മു​ന്ന​റി​യി​പ്പ് അ​ധി​കൃ​ത​രും നാ​ട്ടു​കാ​രും ന​ൽ​കു​ന്ന​ത്.

മ​നോ​ഹാ​രി​ത​യ്ക്കൊ​പ്പം മ​ര​ണ​ച്ചു​ഴി

കാ​ഴ്ച​യി​ൽ അ​തി​മ​നോ​ഹ​ര​മാ​യ തൂ​വ​ൽ വെ​ള്ള​ച്ചാ​ട്ടം അ​പ​ക​ട​ങ്ങ​ളു​ടെ കാ​ര്യ​ത്തി​ലും ആ​ശ​ങ്ക​പ്പെ​ടു​ത്തു​ന്നു. ക​ഴി​ഞ്ഞ ഒ​രു ദ​ശാ​ബ്ദ​ത്തി​നി​ടെ തൂ​വ​ല​രു​വി​യു​ടെ ആ​ഴ​ങ്ങ​ളി​ൽ 12 പേ​ർ മ​രി​ച്ച​താ​യി ഫ​യ​ർ​ഫോ​ഴ്സ് അ​ധി​കൃ​ത​രെ ഉ​ദ്ധ​രി​ച്ചു​ള്ള റി​പ്പോ​ർ​ട്ടു​ക​ൾ വ്യ​ക്ത​മാ​ക്കു​ന്നു.​ വെ​ള്ള​ച്ചാ​ട്ട​ത്തി​ന് താ​ഴെ​യു​ള്ള ഭാ​ഗ​ങ്ങ​ളി​ൽ ആ​ഴ​മേ​റി​യ ക​യ​ങ്ങ​ളും വ​ഴു​ക്ക​ലു​ള്ള പാ​റ​ക​ളും അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. പ്ര​ത്യേ​കി​ച്ച് കു​ത്തൊ​ഴു​ക്കു​ള്ള സ​മ​യ​ത്ത് അ​രു​വി മു​റി​ച്ചു​ക​ട​ക്കാ​നു​ള്ള ശ്ര​മ​ങ്ങ​ളാ​ണ് അ​പ​ക​ട​ങ്ങ​ൾ​ക്ക് പ്ര​ധാ​ന കാ​ര​ണ​മാ​കു​ന്ന​ത്. വെ​ള്ള​ച്ചാ​ട്ട​ത്തി​ന്‍റെ താ​ഴ്ഭാ​ഗ​ത്തേ​ക്ക് പ്ര​വേ​ശി​ക്കു​ന്ന​തി​ന് നി​യ​ന്ത്ര​ണ​മു​ണ്ടെ​ങ്കി​ലും മു​ന്ന​റി​യി​പ്പു​ക​ൾ അ​വ​ഗ​ണി​ച്ച് സ​ഞ്ചാ​രി​ക​ൾ അ​പ​ക​ട​മേ​ഖ​ല​യി​ലേ​ക്ക് എ​ത്തു​ന്ന​താ​യി റി​പ്പോ​ർ​ട്ടു​ക​ളു​ണ്ട്.

2023 ഓ​ഗ​സ്റ്റി​ൽ തൂ​വ​ൽ വെ​ള്ള​ച്ചാ​ട്ട​ത്തി​ന് സ​മീ​പം ര​ണ്ടു വി​ദ്യാ​ർ​ഥി​ക​ളു​ടെ മൃ​ത​ദേ​ഹ​ങ്ങ​ൾ ക​ണ്ടെ​ത്തി​യി​രു​ന്നു. 2025 ജൂ​ണി​ൽ തൂ​വ​ൽ വെ​ള്ള​ച്ചാ​ട്ട​ത്തി​ൽ ഫോ​ട്ടോ എ​ടു​ക്കു​ന്ന​തി​നി​ടെ ത​മി​ഴ്നാ​ട്ടി​ൽനി​ന്നെ​ത്തി​യ സ​ഞ്ചാ​രി വ​ഴു​തി വെ​ള്ള​ത്തി​ലേ​ക്ക് വീ​ണെ​ങ്കി​ലും നാ​ട്ടു​കാ​രു​ടെ സ​മ​യോ​ചി​ത​മാ​യ ഇ​ട​പെ​ട​ലി​ലൂ​ടെ ര​ക്ഷ​പ്പെ​ട്ടു. ആ​ഴ​മേ​റി​യ ക​യ​ങ്ങ​ളും വ​ഴു​ക്ക​ലു​ള്ള പാ​റ​ക​ളും ഉ​ൾ​പ്പെ​ടു​ന്ന പ്ര​ദേ​ശ​മാ​യ​തി​നാ​ൽ അ​തീ​വ ജാ​ഗ്ര​ത വേ​ണ​മെ​ന്നാ​ണ് അ​ധി​കൃ​ത​രു​ടെ മു​ന്ന​റി​യി​പ്പ്.

ഇ​രു​ക​ല്ലുംപാ​റ

വെ​ള്ളി​യാ​മ​റ്റം, ഉ​ടു​മ്പ​ന്നൂ​ര്‍ പ​ഞ്ചാ​യ​ത്തു​ക​ളു​ടെ അ​തി​ര്‍​ത്തി​യി​ലാ​ണ് ഇ​ത് സ്ഥി​തി​ചെ​യ്യു​ന്ന​ത്. അ​തി​മ​നോ​ഹ​ര​മാ​യ വ്യൂ ​പോ​യി​ന്‍റാ​ണ് ഇ​രു​ക​ല്ലുംപാ​റ. വ​ലി​യ ര​ണ്ടു​ പാ​റ​ക്കെ​ട്ടു​ക​ള്‍ അ​ടു​ത്ത​ടു​ത്ത് സ്ഥി​തി ചെ​യ്യു​ന്ന​തി​നാ​ലാ​ണ് ഇ​തി​ന് ഇ​രു​ക​ല്ലും​പാ​റ എ​ന്ന പേ​ര് ല​ഭി​ച്ച​ത്. പ്ര​കൃ​തി​ഭം​ഗി ആ​സ്വ​ദി​ക്കാ​നെ​ത്തു​ന്ന സ​ഞ്ചാ​രി​ക​ള്‍​ക്ക് പ​റ്റി​യ ഇ​ട​മാ​ണി​ത്. ഇ​വി​ടെ നി​ന്നാ​ല്‍ മൂ​ല​മ​റ്റം, തൊ​ടു​പുഴ പ്ര​ദേ​ശ​ങ്ങ​ളു​ടെ വിദൂ​രകാ​ഴ്ച​യുണ്ട്. സ​ദാ​ മ​ഞ്ഞുമൂ​ടി​യ മ​ല​യാ​ണ് ഇ​വി​ടം. സം​ര​ക്ഷ​ണ​വേ​ലി ഇ​വി​ടെ​യി​ല്ല.​അ​തി​നാ​ല്‍ അ​പ​ക​ടസാ​ധ്യ​ത​യേ​റെ​യാ​ണ്.

പ​ന്നി​മ​റ്റ​ത്തു​നി​ന്ന് ഇ​വി​ടേ​ക്ക് സാ​ഹ​സി​ക​യാ​ത്ര​യ്ക്കു പ​റ്റി​യ റോ​ഡു​ണ്ട്.​ എ​ന്നാ​ല്‍ പ്ര​ധാ​ന വ​ഴി ക​ല​യ​ന്താ​നി​യി​ല്‍നി​ന്നാ​രം​ഭി​ച്ച് പ​തി​ക്ക​മ​ല വ​ഴി ചെ​പ്പു​കു​ള​ത്തെത്തിയ ശേ​ഷം ഇ​രു​ക​ല്ലുംപാ​റ​യി​ലെ​ത്താം. ഈ ​റോ​ഡി​ന്‍റെ ഏ​താ​നും ഭാ​ഗം ജി​ല്ലാ പ​ഞ്ചാ​യ​ത്ത് ടാ​റിം​ഗ് ന​ട​ത്തി​യെ​ങ്കി​ലും മൂ​ന്നു കി​ലോ​മീ​റ്റ​ര്‍ ദൂ​രം ഇ​നി​യും ടാ​റിം​ഗ് പൂ​ര്‍​ത്തി​യാ​ക്കാ​നു​ണ്ട്.

നെ​ല്ലി​ക്കാ​മ​ല

നെ​ല്ലി​ക്കാ​മ​ല​യും മു​തി​യാ​മ​ല​യും സം​ഗ​മി​ക്കു​ന്ന മ​ല​നി​ര​ക​ളാ​ണ് വെ​ള്ളി​യാ​മ​റ്റം പ​ഞ്ചാ​യ​ത്തി​ലെ മ​റ്റൊ​രു ആ​ക​ര്‍​ഷ​ണം. മ​ല​യു​ടെ ഉ​ച്ചി​യി​ലെ​ത്തി​യാ​ല്‍ പു​ല്‍​മേ​ട് എ​ക്കോ പോ​യി​ന്‍റ്, വ​ള്ള​പ്പാ​റ, മു​തി​യാ​മ​ല, മു​ത്തി​പ്പാ​റ, കു​രി​ശു​മ​ല, തോ​ട്ടാ​ട്ട് ഗു​ഹാസ​മു​ച്ച​യം, പു​രാ​ത​ന സി​എ​സ്‌​ഐ ​പ​ള്ളി, മൂ​ല​മ​റ്റം, മ​ല​ങ്ക​ര ജ​ലാ​ശ​യം, ഇ​ല​വീ​ഴാ​പൂ​ഞ്ചി​റ എ​ന്നി​വ​യു​ടെ ദൃ​ശ്യ​ഭം​ഗി ആ​സ്വ​ദി​ക്കാം. പാ​റ​ക്കെ​ട്ടു​ക​ളും ഗു​ഹ​ക​ളും പു​രാ​ത​ന ആ​രാ​ധ​നാ​ല​യ​ങ്ങ​ളും ഉ​ള്‍​പ്പടെ കാ​ഴ്ച​ക​ളു​ടെ നീ​ണ്ട നി​ര ഇ​വി​ടെ​യു​ണ്ട്.

ക​ക്കാ​ട്ടു​ ഗു​ഹ

ച​രി​ത്രമു​റ​ങ്ങു​ന്ന ക​ക്കാ​ട്ടു​ ഗു​ഹ തൊ​ടു​പു​ഴ-​പു​ളി​യ​ന്‍​മ​ല റേ​ഡി​ല്‍ ക​രി​പ്പി​ല​ങ്ങാ​ടാ​ണു​ള്ള​ത്. ഇ​തി​ന​ടു​ത്തു​വ​രെ പ​ഞ്ചാ​യ​ത്ത് റോ​ഡു​ണ്ട്. ഇ​നി ഗു​ഹ​യ്ക്ക​ടു​ത്തു​വ​രെ എ​ത്താ​ന്‍ ന​ട​ക​ള്‍ നി​ര്‍​മി​ക്ക​ണം. എ​ങ്കി​ലേ ഇ​വി​ടേ​ക്ക് സ​ഞ്ചാ​രി​ക​ള്‍​ക്ക് എ​ത്താ​നാ​കൂ. പ​റ​വ​ക്കാ​യ​വും കി​ഴ​ക്ക​ന്‍മ​ല ക്ഷേ​ത്ര​വും ഇ​തി​നു സ​മീ​പ​മാ​ണ് സ്ഥി​തി​ചെ​യ്യു​ന്ന​ത്.

മാ​സ്റ്റ​ര്‍ പ്ലാ​ന്‍ വേ​ണം

പ​ഞ്ചാ​യ​ത്തി​ലെ വി​വി​ധ വി​നോ​ദസ​ഞ്ചാ​ര കേ​ന്ദ്ര​ങ്ങ​ള്‍ കോ​ര്‍​ത്തി​ണ​ക്കി ടൂ​റി​സം മാ​സ്റ്റ​ർപ്ലാ​ന്‍ ത​യാ​റാ​ക്കി​യാ​ല്‍ ടൂ​റി​സം വി​ക​സ​ന​ത്തി​ന് ഏ​റെ സാ​ധ്യ​ത​യാ​ണു​ള്ള​ത്. സ്വ​കാ​ര്യ പ​ങ്കാ​ളി​ത്ത​ത്തോ​ടെ പ​ദ്ധ​തി ന​ട​പ്പാ​ക്കാ​നാ​കും.
പ​ഞ്ചാ​യ​ത്തും വി​നോ​ദ​സ​ഞ്ചാ​ര വ​കു​പ്പും ചേ​ര്‍​ന്ന് സ​ഹ​ക​രി​ച്ചാ​ലും ടൂ​റി​സം വി​ക​സ​ന​പ​ദ്ധ​തി​ക​ള്‍​ക്ക് രൂ​പം ന​ല്‍​കാ​ന്‍ ക​ഴി​യും. ജി​ല്ല​യി​ലെ അ​റി​യ​പ്പെ​ടു​ന്ന ടൂ​റി​സം ഹ​ബ്ബാ​യി ഈ ​പ്ര​ദേ​ശ​ത്തെ മാ​റ്റാ​ന്‍ ക​ഴി​യും.

Tags : Nattuvishesham DistrictNews DeepikaNews waterfall