മീ​ന​ങ്ങാ​ടി: വ​ഴി​യോ​ര​ങ്ങ​ളി​ലും തോ​ട്ട​ങ്ങ​ളി​ലു​മു​ള്ള കു​റു​ന്തോ​ട്ടി​ക​ള്‍ വേ​രോ​ടെ പി​ഴു​തെ​ടു​ത്ത് വി​ല്‍​ക്കു​ന്ന​ത് വ​രു​മാ​ന​മാ​ര്‍​ഗ​മാ​ക്കി ഗോ​ത്ര കു​ടും​ബ​ങ്ങ​ള്‍.ക​ഴി​ഞ്ഞ ദി​വ​സ​ങ്ങ​ളി​ല്‍ പെ​യ്ത മ​ഴ​യി​ല്‍ മ​ണ്ണി​ലെ ഈ​ര്‍​പ്പം വ​ര്‍​ധി​ച്ച​ത് കു​റു​ന്തോ​ട്ടി ശേ​ഖ​ര​ണം എ​ളു​പ്പ​മാ​ക്കി. മ​ണ്ണ് മൃ​ദു​വാ​യ അ​വ​സ്ഥ​യി​ല്‍ കു​റു​ന്തോ​ട്ടി​ക​ള്‍ കൈ​ക​ള്‍​കൊ​ണ്ട് പി​ഴു​തെ​ടു​ക്കാ​നാ​കും.

മാ​ന​ന്ത​വാ​ടി, തി​രു​നെ​ല്ലി, പു​ല്‍​പ്പ​ള്ളി, ബ​ത്തേ​രി, മു​ത്ത​ങ്ങ, ക​ല്ലൂ​ര്‍, മു​ട്ടി​ല്‍, തൃ​ക്കൈ​പ്പ​റ്റ തു​ട​ങ്ങി​യ പ്ര​ദേ​ശ​ങ്ങ​ളി​ല്‍ കു​റു​ന്തോ​ട്ടി വാ​ങ്ങു​ന്ന ക​ട​ക​ളു​ണ്ട്. പ​ച്ച​ക്കു​റു​ന്തോ​ട്ടി കി​ലോ​ഗ്രാ​മി​ന് 20 രൂ​പ​യാ​ണ് ക​ട​ക​ളി​ല്‍ ന​ല്‍​കു​മ്പോ​ള്‍ ല​ഭി​ക്കു​ന്ന​ത്. ഉ​ണ​ക്കി​ക്കൊ​ടു​ത്താ​ല്‍ 80 മു​ത​ല്‍ 100 വ​രെ രൂ​പ വി​ല കി​ട്ടും. പ​ല​രും പ​ച്ച​ക്കു​റു​ന്തോ​ട്ടി​യാ​ണ് വി​ല്‍​പ​ന​യ്ക്ക് എ​ത്തി​ക്കു​ന്ന​ത്. ദി​വ​സം 20 മു​ത​ല്‍ 30 വ​രെ കി​ലോ​ഗ്രാം കു​റു​ന്തോ​ട്ടി ശേ​ഖ​രി​ക്കു​ന്ന​വ​രു​ണ്ട്.

കു​ടും​ബാം​ഗ​ങ്ങ​ള്‍ ഒ​ന്ന​ട​ങ്കം കു​റു​ന്തോ​ട്ടി ശേ​ഖ​ര​ണ​ത്തി​ന് ഇ​റ​ങ്ങു​ന്ന​ത് അ​പൂ​ര്‍​വ​ത​യ​ല്ല. ജി​ല്ല​യി​ല്‍ ശേ​ഖ​രി​ക്കു​ന്ന കു​റു​ന്തോ​ട്ടി​യു​ടെ വ​ലി​യ ഭാ​ഗം ആ​യു​ര്‍​വേ​ദ ഔ​ഷ​ധ നി​ര്‍​മാ​ണ​ത്തി​നും മ​റ്റും ഇ​ത​ര സ്ഥ​ല​ങ്ങ​ളി​ലേ​ക്കാ​ണ് കൊ​ണ്ടു​പോ​കു​ന്ന​ത്. തൊ​ഴി​ലു​റ​പ്പ് ജോ​ലി​യും കൂ​ലി​പ്പ​ണി​യും കു​റ​ഞ്ഞ​തോ​ടെ​യാ​ണ് പ​ട്ടി​ക​വ​ര്‍​ഗ കു​ടും​ബ​ങ്ങ​ള്‍ കു​റു​ന്തോ​ട്ടി ശേ​ഖ​ര​ണ​ത്തി​ലേ​ക്ക് തി​രി​ഞ്ഞ​ത്. മ​ണ്ണി​ല്‍ ഈ​ര്‍​പ്പം നി​ല​നി​ല്‍​ക്കു​ന്ന കാ​ല​യ​ള​വി​ലാ​ണ് കു​റു​ന്തോ​ട്ടി ശേ​ഖ​ര​ണം സു​ഗ​മ​മാ​യി ന​ട​ത്താ​ന്‍ ക​ഴി​യു​ക. മ​ഴ മാ​റി ചെ​ടി​യു​ടെ വേ​ര് മ​ണ്ണി​ല്‍ ഉ​റ​ച്ചാ​ല്‍ കൈ​ക​ള്‍ ഉ​പ​യോ​ഗി​ച്ച് പി​ഴു​തെ​ടു​ക്കാ​ന്‍ ക​ഴി​യാ​താ​കും.

Tags :