27

നെ​ന്മാ​റ: റോ​ഡി​ന്‍റെ വീ​തി​ക്കു​റ​വും അ​ന​ധി​കൃ​ത പാ​ർ​ക്കിം​ഗും ചേ​ർ​ന്ന​തോ​ടെ നെ​ന്മാ​റ ടൗ​ണി​ലെ ഗ​താ​ഗ​ത​ക്കു​രു​ക്ക് ദി​നം​പ്ര​തി രൂ​ക്ഷ​മാ​കു​ന്നു. പ്ര​ത്യേ​കി​ച്ച് മം​ഗ​ലം- ഗോ​വി​ന്ദാ​പു​രം പ്ര​ധാ​ന റോ​ഡി​ലൂ​ടെ വാ​ഹ​ന​യാ​ത്ര ഏ​റെ ദു​ഷ്ക​ര​മാ​യ സാ​ഹ​ച​ര്യ​ത്തി​ൽ.
ടൗ​ണി​ന്‍റെ വി​വി​ധ ഭാ​ഗ​ങ്ങ​ളി​ലാ​യി റോ​ഡ​രി​കി​ൽ വാ​ഹ​ന​ങ്ങ​ൾ പാ​ർ​ക്കു​ചെ​യ്യു​ന്ന​ത് പ​തി​വാ​യ​തോ​ടെ കാ​ൽ​ന​ട​യാ​ത്ര​ക്കാ​രും ബു​ദ്ധി​മു​ട്ടി​ലാ​ണ്.

ബ​സ് സ്റ്റാ​ൻ​ഡി​നോ​ടു ചേ​ർ​ന്നു​ള്ള ക​ട​ക​ളി​ലേ​ക്കും ഷോ​പ്പിം​ഗ് കോം​പ്ല​ക്സു​ക​ളി​ലേ​ക്കും എ​ത്തു​ന്ന ഉ​പ​ഭോ​ക്താ​ക്ക​ൾ​ക്കാ​യി മ​തി​യാ​യ പാ​ർ​ക്കിം​ഗ് സൗ​ക​ര്യം ഒ​രു​ക്കാ​ത്ത​താ​ണ് റോ​ഡ​രി​കി​ലെ അ​ന​ധി​കൃ​ത പാ​ർ​ക്കിം​ഗി​നു പ്ര​ധാ​ന കാ​ര​ണം. ഇ​രു​ച​ക്ര​വാ​ഹ​ന​ങ്ങ​ൾ മു​ത​ൽ കാ​റു​ക​ൾ വ​രെ റോ​ഡി​ന്‍റെ ഇ​രു​വ​ശ​ങ്ങ​ളി​ലും പാ​ർ​ക്ക് ചെ​യ്യു​ന്ന​തോ​ടെ ഗ​താ​ഗ​ത​ക്കു​രു​ക്കും പ​തി​വാ​യി.

ഗ​താ​ഗ​ത നി​യ​ന്ത്ര​ണ​ത്തി​നാ​യി ബ​സ് സ്റ്റാ​ൻ​ഡി​ലും പ്ര​ധാ​ന ക​വ​ല​ക​ളി​ലും പോ​ലീ​സ് നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ടെ​ങ്കി​ലും പ്ര​ശ്ന​ത്തി​നു ശാ​ശ്വ​ത​പ​രി​ഹാ​രം കാ​ണാ​ൻ ക​ഴി​ഞ്ഞി​ട്ടി​ല്ല. അ​ന​ധി​കൃ​ത പാ​ർ​ക്കിം​ഗ് നി​രോ​ധി​ച്ചു​ള്ള മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ച്ചി​ട്ടും പ​ല​രും അ​വ​ഗ​ണി​ക്കു​ന്ന​തും വി​ന​യാ​വു​ക​യാ​ണ്.
അ​തേ​സ​മ​യം, നെ​ന്മാ​റ ടൗ​ണി​ലെ ഗ​താ​ഗ​ത​ക്കു​രു​ക്കി​ന് ശാ​ശ്വ​ത​പ​രി​ഹാ​ര​മാ​യി നി​ർ​ദേ​ശി​ച്ചി​ട്ടു​ള്ള ബൈ​പാ​സ് റോ​ഡ് പ​ദ്ധ​തി​യി​ലാ​ണ് പ്ര​ദേ​ശ​വാ​സി​ക​ളു​ടെ പ്ര​തീ​ക്ഷ. അ​യി​നം​പാ​ട​ത്ത് നി​ന്നാ​രം​ഭി​ച്ച് വി​ത്ത​ന​ശേ​രി വ​രെ എ​ത്തു​ന്ന ത​ര​ത്തി​ലാ​ണ് ബൈ​പാ​സ് റോ​ഡ് പ​ദ്ധ​തി വി​ഭാ​വ​നം ചെ​യ്തി​രി​ക്കു​ന്ന​ത്.

എ​ന്നാ​ൽ വ​ർ​ഷ​ങ്ങ​ളാ​യി പ്ര​ഖ്യാ​പ​ന​ങ്ങ​ളി മാ​ത്രം ഒ​തു​ങ്ങി​ക്കി​ട​ക്കു​ന്ന പ​ദ്ധ​തി ഇ​തു​വ​രെ യാ​ഥാ​ർ​ഥ്യ​മാ​യി​ട്ടി​ല്ല. പ​ദ്ധ​തി​യു​ടെ ന​ട​പ​ടി​ക​ൾ വേ​ഗ​ത്തി​ലാ​ക്കി നി​ർ​മാ​ണം ഉ​ട​ൻ ആ​രം​ഭി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : parking tightened Nattuvishesham District news