പുതുക്കാട്: തൃക്കൂര് നെല്ലിച്ചോട് യുവാവിനെ ചുറ്റികകൊണ്ട് തലയ്ക്കടിച്ച് കൊലപ്പെടുത്താന് ശ്രമിച്ച കേസിലെ രണ്ടാംപ്രതി അറസ്റ്റില്. മറ്റത്തൂര്കുന്ന് സ്വദേശി നെടുംമ്പാക്കാരന് വീട്ടില് ജിസ്മി തെരേസ് ജോഷിയെയാണ് പുതുക്കാട് പോലീസ് അറസ്റ്റ് ചെയ്തത്. മരത്താക്കര പുഴമ്പള്ളം സ്വദേശി വെളിയംകുളങ്ങര വീട്ടില് ഡീനസ് ഡേവിസിനാണ് പരിക്കേറ്റത്. കേസിലെ ഒന്നാം പ്രതിയായ പോട്ട പനമ്പിള്ളി നഗര് സ്വദേശി സിറിളിനെ മുന്പ് അറസ്റ്റ് ചെയ്തിരുന്നു. ഡീനസിന്റെ ഭാര്യയായ ജിസ്മിയും അവിവാഹിതനായ ഒന്നാംപ്രതി സിറിളും തമ്മിലുള്ള വഴിവിട്ട ബന്ധമാണ് ക്രൂരമായ അതിക്രമത്തിന് കാരണമായത്. ഒരുമിച്ച് ജീവിക്കുന്നതിനായി ഇരുവരും ചേര്ന്ന് ഡീനസിനെ വധിക്കാന് ആസൂത്രണം ചെയ്യുകയായിരുന്നു. മെയ് എട്ടിന് രാത്രി നെല്ലിച്ചോട്ടിലെ ജിമ്മിന് മുന്നില് ഒളിച്ചിരുന്ന സിറിള്, വര്ക്കൗട്ട്കഴിഞ്ഞ് പുറത്തിറങ്ങിയ ഡീനസിനെ ചുറ്റിക കൊണ്ട് തലയ്ക്കടിച്ച് വീഴ്ത്തിയാണ് കൊലപ്പെടുത്താന് ശ്രമിച്ചത്.
Tags : Woman arrested Nattuvishesham District news