27

ന്യൂ​യോ​ര്‍​ക്ക്: ഫി​ഫ 2026 ലോ​ക​ക​പ്പ് ഫു​ട്‌​ബോ​ള്‍ അ​തി​ന്‍റെ നോ​ക്കൗ​ട്ട് ചൂ​ടി​ലേ​ക്ക്. ഇ​ന്ത്യ​ന്‍ സ​മ​യം ഞാ​യ​ര്‍ രാ​വി​ലെ 7.30ന് ​ന​ട​ക്കു​ന്ന അ​ര്‍​ജ​ന്‍റീ​ന x ജോ​ര്‍​ദാ​ൻ, അ​ള്‍​ജീ​രി​യ x ഓ​സ്ട്രി​യ മ​ത്സ​ര​ങ്ങ​ളോ​ടെ ഗ്രൂ​പ്പ് പോ​രാ​ട്ട​ങ്ങ​ള്‍ സ​മാ​പി​ക്കും. പി​ന്നീ​ട് റൗ​ണ്ട് ഓ​ഫ് 32 നോ​ക്കൗ​ട്ട്. ലോ​ക​ക​പ്പ് ച​രി​ത്ര​ത്തി​ല്‍ ആ​ദ്യ​മാ​യാ​ണ് റൗ​ണ്ട് ഓ​ഫ് 32 നോ​ക്കൗ​ട്ട് അ​ര​ങ്ങേ​റു​ന്ന​ത്.

ബ്ര​സീ​ല്‍ x ജ​പ്പാ​ന്‍

തി​ങ്ക​ള്‍ പു​ല​ര്‍​ച്ചെ 12.30ന് ​ദ​ക്ഷി​ണാ​ഫ്രി​ക്ക​യും കാ​ന​ഡ​യും ഏ​റ്റു​മു​ട്ടു​ന്ന​തോ​ടെ റൗ​ണ്ട് ഓ​ഫ് 32 തു​ട​ങ്ങും. തി​ങ്ക​ള്‍ രാ​ത്രി 10.30ന് ​ബ്ര​സീ​ലും ജ​പ്പാ​നും ത​മ്മി​ലാ​ണ് നോ​ക്കൗ​ട്ടി​ലെ ര​ണ്ടാം മ​ത്സ​രം. ചൊ​വ്വാ​ഴ്ച രാ​വി​ലെ 6.30ന് ​നെ​ത​ര്‍​ല​ന്‍​ഡ്‌​സും മൊ​റോ​ക്കോ​യും ത​മ്മി​ല്‍ ഏ​റ്റു​മു​ട്ടും. റൗ​ണ്ട് ഓ​ഫ് 32 മു​ത​ല്‍ തോ​ല്‍​ക്കു​ന്ന ടീ​മു​ക​ള്‍ പു​റ​ത്താ​ണ്. അ​തു​കൊ​ണ്ടു​ത​ന്നെ ജീ​വ​ന്മ​ര​ണ പോ​രാ​ട്ട​ങ്ങ​ളി​ലേ​ക്കാ​ണ് ലോ​ക​ക​പ്പ് ക​ട​ക്കു​ന്ന​ത്.

ഗ്രൂ​പ്പ് സ​മാ​പ​നം

ഇ​ന്ത്യ​ന്‍ സ​മ​യം ഞാ​യ​ര്‍ പു​ല​ര്‍​ച്ചെ 2.30 മു​ത​ല്‍ സൂ​പ്പ​ര്‍ ടീ​മു​ക​ളാ​യ ഇം​ഗ്ല​ണ്ട്, ക്രൊ​യേ​ഷ്യ, പോ​ര്‍​ച്ചു​ഗ​ല്‍ ടീ​മു​ക​ളും ക​ള​ത്തി​ലു​ണ്ട്. ഗ്രൂ​പ്പ് എ​ല്ലി​ല്‍ ഇം​ഗ്ല​ണ്ടി​ന്‍റെ എ​തി​രാ​ളി​ക​ള്‍ പാ​ന​മ​യാ​ണ്. ഞാ​യ​ര്‍ പു​ല​ര്‍​ച്ചെ 2.30നാ​ണ് ഈ ​പോ​രാ​ട്ടം. ഗ്രൂ​പ്പ് എ​ല്ലി​ലെ മ​റ്റൊ​രു മ​ത്സ​ര​ത്തി​ല്‍ ക്രൊ​യേ​ഷ്യ​യും ഘാ​ന​യും ഏ​റ്റു​മു​ട്ടും. ഈ ​മ​ത്സ​ര​വും 2.30നാ​ണ്. ഇം​ഗ്ല​ണ്ടി​നും ഘാ​ന​യ്ക്കും നാ​ലു വീ​ത​വും ക്രൊ​യേ​ഷ്യ​ക്ക് മൂ​ന്നും പോ​യി​ന്‍റാ​ണ്.

ഗ്രൂ​പ്പ് കെ​യി​ല്‍ ക്രി​സ്റ്റ്യാ​നോ റൊ​ണാ​ള്‍​ഡോ​യു​ടെ പോ​ര്‍​ച്ചു​ഗ​ല്‍, നോ​ക്കൗ​ട്ട് ഉ​റ​പ്പി​ച്ച കൊ​ളം​ബി​യ​യു​മാ​യി ഏ​റ്റു​മു​ട്ടും. സ​മ​നി​ല നേ​ടി​യാ​ല്‍ ഗ്രൂ​പ്പി​ലെ ര​ണ്ടാം സ്ഥാ​ന​ത്തോ​ടെ പോ​ര്‍​ച്ചു​ഗ​ലി​നു നോ​ക്കൗ​ട്ടി​ലേ​ക്ക് മു​ന്നേ​റാം. കോം​ഗോ​യും ഉ​സ്ബ​ക്കി​സ്ഥാ​നും ത​മ്മി​ലാ​ണ് ഗ്രൂ​പ്പി​ലെ മ​റ്റൊ​രു പോ​രാ​ട്ടം. ര​ണ്ടു മ​ത്സ​ര​ങ്ങ​ളും ഇ​ന്ത്യ​ന്‍ സ​മ​യം ഞാ​യ​ര്‍ പു​ല​ര്‍​ച്ചെ അ​ഞ്ചി​നാ​ണ്. ഒ​രു പോ​യി​ന്‍റു​ള്ള കോം​ഗോ​യ്ക്കു ജ​യി​ക്കാ​നായാ​ല്‍ നോ​ക്കൗ​ട്ട് സാ​ധ്യ​ത തെ​ളി​യും.

ഗ്രൂ​പ്പ് ജെ​യി​ല്‍ ല​യ​ണ​ല്‍ മെ​സി​യു​ടെ അ​ര്‍​ജ​ന്‍റീ​ന ര​ണ്ടു ജ​യ​ത്തോ​ടെ നോ​ക്കൗ​ട്ട് ഉ​റ​പ്പാ​ക്കി​യ​താ​ണ്. ര​ണ്ടു തോ​ല്‍​വി​യോ​ടെ പു​റ​ത്താ​യ ജോ​ര്‍​ദാ​ന്‍ വ​ന്‍​തോ​ല്‍​വി ഒ​ഴി​വാ​ക്കാ​നാ​യി​രി​ക്കും ശ്ര​മി​ക്കു​ക. മൂ​ന്നു പോ​യി​ന്‍റ് വീ​ത​മു​ള്ള ഓ​സ്ട്രി​യ​യും അ​ള്‍​ജീ​രി​യ​യും ജ​യ​ത്തോ​ടെ നോ​ക്കൗ​ട്ട് ഉ​റ​പ്പി​ക്കാ​നാ​ണ് നേ​ര്‍​ക്കു​നേ​ര്‍ ഇ​റ​ങ്ങു​ന്ന​ത്.

Tags : FIFA 2026 World Cup Football ends Group stage knockouts begin