കൂത്താട്ടുകുളത്ത് സംഘടിപ്പിച്ച കെ.ടി. ജേക്കബ്, ജേക്കബ് ഫിലിപ്പ്, കൂത്താട്ടുകുളം മേരി അനുസ്മരണ സമ്മേളനം കെ. രാജൻ എംഎൽഎ ഉദ്ഘാടനം ചെയ്യുന്നു.
കൂത്താട്ടുകുളം: കേന്ദ്രത്തിലെ ബിജെപി സർക്കാരിന്റെ ജനദ്രോഹ നയങ്ങൾക്കും കേരളത്തോടുള്ള അവഗണനയ്ക്കും മുന്നിൽ പൂർണമായി അടിയറവ് പറഞ്ഞിരിക്കുകയാണ് സംസ്ഥാനത്തെ വി.ഡി. സതീശന്റെ നേതൃത്വത്തിലുള്ള യുഡിഎഫ് സർക്കാരെന്ന് സിപിഐ ദേശീയ കൗൺസിൽ അംഗം കെ. രാജൻ എംഎൽഎ. കമ്യൂണിസ്റ്റ് നേതാക്കളായിരുന്ന കെ.ടി. ജേക്കബ്, ജേക്കബ് ഫിലിപ്പ്, കൂത്താട്ടുകുളം മേരി എന്നിവരുടെ അനുസ്മരണ സമ്മേളനം കൂത്താട്ടുകുളം കെ.ടി ജേക്കബ്ബ് ടൗൺ ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കേരളത്തിന് അർഹതപ്പെട്ട ഫണ്ടുകളും വിഹിതങ്ങളും കേന്ദ്രം ബോധപൂർവം തടഞ്ഞുവെച്ചിട്ടും അതിനെതിരെ ഒരു വാക്കുപോലും ഉച്ചരിക്കാൻ വി.ഡി. സതീശൻ സർക്കാരിന് ധൈര്യമില്ല. പുറമെ കേരളത്തിന്റെ അഭിമാനമായ പൊതുമേഖലാ സ്ഥാപനങ്ങളെ ഒന്നൊന്നായി സ്വകാര്യവത്കരിക്കാനാണ് യുഡിഎഫ് സർക്കാർ ശ്രമിക്കുന്നതെന്നും അദ്ദേഹം പറഞ്ഞു.
സിപിഐ മണ്ഡലം സെക്രട്ടേറിയറ്റ് അംഗം എ.എസ്. രാജൻ അധ്യക്ഷത വഹിച്ചു. സിപിഐ ജില്ലാ സെക്രട്ടറി എൻ. അരുൺ അനുസ്മരണ പ്രഭാഷണം നടത്തി. വിവിധ മേഖലകളിൽ കഴിവ് തെളിയിച്ച പ്രതിഭകൾക്കുള്ള പുരസ്കാര സമർപ്പണവും, വിദ്യാഭ്യാസ അവാർഡ് വിതരണവും സിപിഐ സംസ്ഥാന കൗൺസിൽ അംഗം കെ.എൻ സുഗതൻ നിർവഹിച്ചു.
Tags : Local News Nattuvishesham Ernakulam