കൊച്ചി: സലിംകുമാറിന്റെ വിയോഗം മലയാളസിനിമയുടെ മാത്രം നഷ്ടമല്ലെന്നു സാംസ്കാരിക മന്ത്രി പി.സി. വിഷ്ണുനാഥ്. ഇന്ത്യന് സിനിമയുടെ മഹത്തരമായ ഇടങ്ങളിലേക്ക് മലയാളസിനിമയെ അഭിമാനത്തോടുകൂടി ഉയര്ത്തിയ കലാകാരന്മാരില് ഒരാളാണ് അദ്ദേഹം.
അവസാനകാലം വരെയും തന്റെ നിലപാടുകള് ഉറക്കെ പറഞ്ഞിരുന്ന രാഷ്ട്രീയബോധ്യമുള്ള കലാകാരനായിരുന്നു അദ്ദേഹം. മലയാളത്തിന് ഒരിക്കലും മറക്കാന് കഴിയാത്ത ഒരുപാട് കഥാപാത്രങ്ങളെ അദ്ദേഹം സമ്മാനിച്ചു.
ഹാസ്യനടന് എന്നനിലയില് തിളങ്ങി പിന്നീട് സ്വഭാവവേഷങ്ങളിലൂടെ അദ്ദേഹത്തിന്റെ പ്രതിഭ ഇന്ത്യന് സിനിമ അടയാളപ്പെടുത്തി-പി.സി. വിഷ്ണുനാഥ് പറഞ്ഞു.