8

ക​രു​വാ​ര​ക്കു​ണ്ട്: പ്രാ​ദേ​ശി​ക വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ കോ​ടി​ക​ൾ മു​ട​ക്കി ഒ​രു​ക്കി​യ ചെ​റു​ന്പ് ഇ​ക്കോ വി​ല്ലേ​ജ് നാ​ശ​ത്തി​ൽ. കൃ​ത്യ​മാ​യ പ​രി​പാ​ല​ന​വും വി​ക​സ​ന പ്ര​വ​ർ​ത്ത​ന​ങ്ങ​ളും ഇ​ല്ലാ​ത്ത​തി​നാ​ൽ പ​ദ്ധ​തി​ക്കാ​യി മു​ട​ക്കി​യ കോ​ടി​ക​ണ​ക്കി​ന് രൂ​പ വെ​റു​തെ പോ​കു​ന്ന സ്ഥി​തി​യാ​ണ്. ഇ​ക്കോ വി​ല്ലേ​ജി​ന്‍റെ ചി​ല ഭാ​ഗ​ങ്ങ​ളി​ൽ മ​ണ​ൽ അ​ടി​ഞ്ഞു​കൂ​ടി ഉ​പ​യോ​ഗ​യോ​ഗ്യ​മ​ല്ലാ​താ​യ​തോ​ടെ നാ​ട്ടു​കാ​രി​ൽ ചി​ല​ർ അ​വി​ടെ ക​പ്പകൃ​ഷി ന​ട​ത്തു​ക​യാ​ണ്.

ക​പ്പ​ച്ചെ​ടി​ക​ൾ വ​ള​ർ​ന്ന് പ​ന്ത​ലി​ച്ച​തോ​ടെ പ്ര​ദേ​ശം കാ​ടു​പി​ടി​ച്ച രൂ​പ​ത്തി​ലു​മാ​യി. ഇ​ത് പ്ര​ദേ​ശം സാ​മൂ​ഹി​ക വി​രു​ദ്ധ കേ​ന്ദ്ര​മാ​കാ​നു​ള്ള സാ​ധ്യ​ത​യും വ​ർ​ധി​പ്പി​ക്കു​ക​യാ​ണ്. കോ​ടി​ക​ൾ തു​ല​ച്ച പ​ദ്ധ​തി​യെ​ന്ന വി​മ​ർ​ശ​ന​മാ​ണ് ഈ ​ഘ​ട്ട​ത്തി​ൽ ഉ​യ​രു​ന്ന​ത്. മ​തി​യാ​യ പാ​ർ​ക്കിം​ഗ് സൗ​ക​ര്യ​മി​ല്ലാ​ത്ത​തും പ​രി​സ​ര ശു​ചി​ത്വ​ക്കു​റ​വും സ​ന്ദ​ർ​ശ​ക​രു​ടെ മ​നം​മ​ടു​പ്പി​ക്കു​ന്ന പ്ര​ധാ​ന പ്ര​ശ്ന​ങ്ങ​ളാ​യി തു​ട​രു​ക​യാ​ണ്.

ടൂ​റി​സം വി​ക​സ​ന​ത്തി​നാ​യി ന​ട​പ്പാ​ക്കി​യ പ​ദ്ധ​തി വേ​ണ്ട​ത്ര പ​രി​പാ​ല​ന​വും ന​വീ​ക​ര​ണ​വു​മി​ല്ലാ​തെ കി​ട​ക്കു​ന്ന സാ​ഹ​ച​ര്യ​ത്തി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​രു​ന്ന​ത്. ഒ​ഴി​വ് സ​മ​യ​ങ്ങ​ൾ ഉ​ല്ലാ​സ​ക​ര​മാ​ക്കാ​ൻ എ​ത്തു​ന്ന സ​ന്ദ​ർ​ശ​ക​രെ വ​ര​വേ​ൽ​ക്കാ​ൻ ഒ​രു​ക്കി​യ ഇ​ക്കോ വി​ല്ലേ​ജ് ക​പ്പ​ത്തോ​ട്ട​മാ​യി മാ​റി​യോ എ​ന്ന ചോ​ദ്യ​മാ​ണ് നാ​ട്ടു​കാ​രും സ​ന്ദ​ർ​ശ​ക​രും ഉ​യ​ർ​ത്തു​ന്ന​ത്.

പ​ദ്ധ​തി പ്ര​ദേ​ശം ന​വീ​ക​രി​ച്ച് സം​ര​ക്ഷി​ക്കാ​നും പ​ദ്ധ​തി​യു​ടെ ഉ​ദേ​ശ​ല​ക്ഷ്യ​ങ്ങ​ൾ സാ​ക്ഷാ​ത്ക​രി​ക്കാ​നും അ​ടി​യ​ന്ത​ര ന​ട​പ​ടി​യു​ണ്ടാ​ക​ണ​മെ​ന്ന ആ​വ​ശ്യം ശ​ക്ത​മാ​ണ്.

Tags : Local News Nattuvishesham Malappuram