കോഴിക്കോട്: കേരള പോലീസിന്റെ സംസ്ഥാനവ്യാപക പ്രത്യേക പരിശോധനാ നടപടിയായ ഓപ്പറേഷന് പി ഹണ്ടിന്റെ ഭാഗമായി ഇന്നലെ കോഴിക്കോട് സിറ്റി പോലീസ് നടത്തിയ പരിശോധനയില് ആറു കേസുകള് രജിസ്റ്റര് ചെയ്തു.
കുട്ടികളുടെ നഗ്നചിത്രങ്ങളും വീഡിയോകളും സോഷ്യല് മീഡിയ പ്ലാറ്റ്ഫോമുകളിലൂടെ പങ്കുവയ്ക്കുന്നവരെ ഓണ്ലൈന് നിരീക്ഷണത്തിലൂടെ കണ്ടെത്തി ശേഖരിച്ച വിവരങ്ങളുടെ അടിസ്ഥാനത്തിലാണ് പരിശോധനകള് നടത്തിയത്.
കുട്ടികള്ക്കെതിരായ ഓണ്ലൈന് ലൈംഗിക ചൂഷണം, കുട്ടികളുടെ അശ്ലീല ഉള്ളടക്കങ്ങളുടെ പ്രചാരണം, കൈമാറ്റം, സംഭരണം തുടങ്ങിയ നിയമവിരുദ്ധ പ്രവര്ത്തനങ്ങള് കണ്ടെത്തി തടയുന്നതിനുള്ള നടപടികളുടെ ഭാഗമായാണ് പരിശോധനകള് സംഘടിപ്പിച്ചത്.
കോഴിക്കോട് സിറ്റി പോലീസ് പരിധിയില് വിവിധ സ്ഥലങ്ങളിലായി ആകെ 12 റെയ്ഡുകള് നടത്തുകയും പരിശോധനകളില് ഏഴുമൊബൈല് ഫോണുകള് പിടിച്ചെടുക്കുകയും ചെയ്തു.
ഇന്ഫര്മേഷന് ടെക്നോളജി ആക്ട് 2000ലെ പ്രസക്തമായ വകുപ്പുകള് ഉള്പ്പെടുത്തിയാണ് കേസുകള് രജിസ്റ്റര് ചെയ്തത്
Tags : Local News Nattuvishesham Kozhikode